பரங்கிமலை போலீசார் புது தண்டனை - பஸ் படியில் பயணித்தால் இம்போசிசன் எழுதணும்..!!

பரங்கிமலை போலீசார் புது தண்டனை - பஸ் படியில் பயணித்தால் இம்போசிசன் எழுதணும் ..!!



படியில் பயணம் நொடியில் மரணம் என்ற வாசகத்தை எந்த தலைமுறையினரும் இதுவரை கண்டுகொண்டதே இல்லை. விளைவு... பஸ் படியில் பயணம் செய்வதால் ஏற்படும் உயிரிழப்புகளை தவிர்க்கவே முடியாமல் போகிறது.சமீபத்தில் கூட ராஜிவ்காந்தி சாலையில் மாநகர பஸ் மீது லாரி மோதிய விபத்தில், பஸ் படியில் பயணம் செய்த மாணவர்கள் பரிதாபமாக உயிரிழந்தனர். இதனால், இனி யாருமே படியில் தொங்கிக் கொண்டு செல்லக்கூடாது. மீறுபவர்களுக்கு அபராதம் விதிக்கப்படும் என அரசு எச்சரிக்கை விடுத்தது. டிராபிக் போலீசாரும் அபராதம் விதித்தார்கள். ஆனால், இந்த திட்டமும் கைகொடுக்கவில்லை.

இதனையடுத்து படியில் பயணம் செய்யும் பள்ளி கல்லூரி மாணவர்கள் குறித்து சம்பந்தப்பட்ட பள்ளி கல்லூரிக்கு தெரிவிக்கப்படும் என அதிகாரிகள் தெரிவித்தனர். அதன்படி, பள்ளி கல்லூரி நிர்வாகமும் தங்கள் பங்கிற்கு படியில் பயணம் செய்தால் மதிப்பெண்ணில் கைவைப்பதாக கூறினர். இதனால் ஒரு சில மாணவர்கள் வேண்டுமானால் திருந்தியிருக்கலாம் என்றாலும் பெரும்பாலானோர் இன்னும் படியில் தொங்கி கொண்டு தான் செல்கின்றனர். பொறுத்துப் பொறுத்துப்பார்த்த காவல் துறையினர் முள்ளை முள்ளால் எடுப்பது போல் மாணவர்களின் போக்கிலேயே தண்டனை வழங்க ஆரம்பித்துள்ளனர். பரங்கிமலை போக்குவரத்து பிரிவு உதவி கமிஷனர் கண்ணன், இன்ஸ்பெக்டர் பரமசிவம் ஆகியோர் தலைமையிலான காவலர்கள் பரங்கிமலை கத்திப்பாரா சந்து அருகில் ஆபத்தை உணராமல் படியில் பயணம் செய்த மாணவர்களை பிடித்தனர்’‘ ‘‘நான் இனிமேல் பஸ் படிக்கட்டில் பயணம் செய்ய மாட்டேன்‘‘ என்று பள்ளிக்கூடத்தில் எழுத ஆசிரியர்கள் எழுத வைப்பது போல், அந்த இடத்திலேயே 50 முறை இம்போசீசன் எழுத வைத்தனர். இந்த தண்டனைக்கு பிறகு மாணவர்கள் திருந்தி விடுவார்கள் என்று எதிர்பார்க்கலாம். ஏனென்றால் இம்போசீசன் எழுத எந்த மாணவருக்குத்தான் பிடிக்கும்?

நன்றி : வம்புக்கு இலுப்போர் சங்கம் - முகநூல் பக்கம்

‘நான் இனிமேல் பஸ் படிக்கட்டில் பயணம் செய்ய மாட்டேன்‘‘*50

இப்படி எழுதிட வேண்டியது தான் ...