விரத நாளில் டிபன் சாப்பிடும் வழக்கம் எப்படி வந்தது?

**krishnaamma** · **krishnaamma** Sat Jul 13, 2013 11:14 am

மனம் பொறி வழி போகாது நிற்றல் பொருட்டு, உணவை விடுத்தேனும் கருக்கியேனும்- மனம் வாக்கு. காயம் என்ற மூன்றினாலும் நெறிப்படி கடவுளை மெய்யன்போடு வழிபடுதல் விரதம் எனப்படுகிறது. அவ்வாறு விரதம் இருக்கும் போது ஒருவேளை மட்டும் சாப்பிட வேண்டும். காலையும் மாலையும் சாப்பிடாமல் இருப்பது நல்லது. இயலாவிட்டால், காலையும் இரவும் பழங்கள் சாப்பிடலாம். சிலர் இதற்காக "டிபன் சாப்பிடவும் செய்வர். டிபன் சாப்பிடும் வழக்கம் எப்படி வந்தது என்பதை வேடிக்கையாக சொல்வதுண்டு. விரதத்தன்று காலை, இரவில் "பல் ஆகார்"(பழ உணவு) சாப்பிடலாம் என்பதே "பலகாரம் என்று மாறி இறுதியில் இட்லி, தோசையாகி விட்டது என்பார்கள்.

சஷ்டியப்த பூர்த்தி முடித்த முதியவர்கள், வியாதியினால் மருந்து உண்பவர்கள், கர்ப்பிணிகள், சன்யாசிகள் உண்ணா விரதம் இருக்க தேவையில்லை என தர்ம சாஸ்திரம் கூறுகிறது.

நன்றி : தினமலர்

**Dr.S.Soundarapandian** · **Dr.S.Soundarapandian** Sat Jul 13, 2013 4:26 pm

கிருஷ்ணாம்மாவின் செய்தி ஆய்வைத் தோற்றுவித்துள்ளது !

பழ + ஆகாரம் = பழகாரம் , ஆகிப் பின்னர் பலகாரம் ஆகியுள்ளது ! ‘பல்’ என்று அடிச்சொல்லைக் கொண்டால் வரலாறு மாறிவிடும் ! இந்தி மொழிக்கு அது போய்விடும் ! ‘பழம்’ தமிழ்ப் பழம்தான் ! ‘ஆகாரம்’ தமிழ்தான் ! ஆகரிப்பதால் ஆகாரம் ! ஆகரித்தல் - உள்ளே சேர்த்தல் ; தருவித்தல் . ‘ஆகாரம்’ என்ற சொல்லுக்கு ‘உணவு’ எனும் பொருளைத் தருவது பிங்கல நிகண்டு ! பிங்கல நிகண்டு தமிழ் நிகண்டுதானே ?

ஒரு கட்டத்தில் , சரியான ஆய்வு இல்லாததால், ‘ஆகாரம்’ தமிழ் அல்ல என்று அதனை ஒதுக்கி, ‘உணவு’ என்றுதான் எழுதவேண்டும் என்ற தவறான போதனை நடந்தது !அது எவ்வளவு தவறானது என்பது இப்போதாவது புரிகிறதா ?

இந்த பதிவைத் துவங்கியவர் நன்றி கூறியுள்ளார் Dr.S.Soundarapandian

**krishnaamma** · **krishnaamma** Sat Jul 13, 2013 4:35 pm

ஆமாம் ஐயா, "fal" என்று ஹிந்தி இல் பழங்களை குறிப்பிடுவார்கள் புன்னகை

அதனால் "fal aahaar" என்பது பலகாரம் என்று திரிந்து விட்டதாக செய்தி இல் போட்டிஉக்காங்க பாருங்க புன்னகை

Sponsored content · Sponsored content

விரத நாளில் டிபன் சாப்பிடும் வழக்கம் எப்படி வந்தது?

விரத நாளில் டிபன் சாப்பிடும் வழக்கம் எப்படி வந்தது?

Re: விரத நாளில் டிபன் சாப்பிடும் வழக்கம் எப்படி வந்தது?

Re: விரத நாளில் டிபன் சாப்பிடும் வழக்கம் எப்படி வந்தது?

Re: விரத நாளில் டிபன் சாப்பிடும் வழக்கம் எப்படி வந்தது?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக