80 நேரடிப் படங்கள் ரிலீஸ்; 9 படங்கள் மட்டுமே ஹிட்: அதிர்ச்சியளிக்கும் தமிழ்சினிமாவின் அரையாண்டு ரிப்போர்ட்!

2013-ஆம் ஆண்டின் 6மாதங்கள் முடிந்து விட்ட நிலையில் தற்போது இந்த அரையாண்டு காலத்தில் தமிழ்சினிமாவின் நிலவரம் பற்றிய புதிய ரிப்போர்ட் வெளியிடப்பட்டுள்ளது.அதன்படி 2013-இல் கடந்த ஜனவரி 1-ஆம்தேதி முதல் ஜூன் 30-ஆம் தேதி வரை மொத்தம் 80 நேரடி தமிழ் படங்கள் ரிலீஸாகியுள்ளன.
இதில் 30 கோடி ரூபாய்க்கு மேல் எடுக்கப்பட்ட பெரியபட்ஜெட் படங்களும் 1 கோடி ரூபாய் செலவில் தயாரான சிறு பட்ஜெட் படங்களும் அடங்கும்.
ஆனால் ரிலீஸான 80 படங்களில் 9 படங்கள் மட்டுமே தயாரிப்பாளர்களுக்கு லாபத்தை சம்பாதித்து கொடுத்துள்ளன. மேலும் பல படங்கள் ஓரளவுக்கு லாபம் தந்துள்ளன.
அந்த வகையில் அதிக வசூல் குவித்து லாபம் பார்த்த படங்கள் பட்டியலில்‘கண்ணா லட்டு தின்ன ஆசையா’, ‘எதிர்நீச்சல்’, ‘விஸ்வரூபம்’, ‘தீயா வேலை செய்யணும் குமாரு’, ‘கேடி பில்லா கில்லாடி’ ரங்கா’, ‘சூதுகவ்வும்’, ‘உதயம் என் எச்.4’, ‘சென்னையில் ஒரு நாள்’, ‘குட்டிப்புலி’ ஆகிய படங்கள் அடங்கும்.
‘விஸ்வரூபம்’, ‘உதயம் என்.எச்.4.’, ‘சென்னையில் ஒருநாள்’ தவிர மற்ற படங்கள் எல்லாமே காமெடியை திரைக்கதையாகக் கொண்டவை என்பது குறிப்பிடத்தக்கது.‘கண்ணா லட்டு தின்ன ஆசையா’, ‘எதிர்நீச்சல்’ ஆகிய இரு படங்களும்அதிகமாக வசூல் செய்திருக்கின்றவாம். 5 கோடி முதல் 6 கோடி செலவில் எடுக்கப்பட்ட படங்களில்தான் அதிகலாபத்தை சம்பாதித்துள்ளதாகவும் தெரிகிறது.
யு சர்டிஃபிகேட்டுடன்,வரிவிலக்கு பெற்ற படங்களும் லாப பட்டியலில் உள்ளது. மெஜாரிட்டி படங்கள்நஷ்டமடைந்துள்ளதால் அவற்றை எடுத்த தயாரிப்பாளர்கள் கடுமையான நஷ்டத்தில் இருக்கிறார்களாம்.
நிறைய தயாரிப்பாளர்களுக்கு செலவான தொகையில்பாதிகூட கிடைக்கவில்லை என்கின்றனர். இதனால் ஒரே ஒரு படத்தோடு படம் தயாரிப்பதை கைவிட்டுச் செல்லும் தயாரிப்பாளர்கள் அதிகமாகி உள்ளனர். ஆனாலும் புதிய தயாரிப்பாளர்கள் எண்ணிக்கையும் அதிகமாக உள்ளது குறிப்பிடத்தக்கது.
-
Soundcameraction

ஒரு காலத்தில் கதைக்கும் பாட்டுக்கும் படம் ஹிட் ஆகும்.
இப்போது நகைசுவைக்கு மாறியுள்ளது.!