பாங்க் தேர்வுகள் - சில தகவல்கள்.... !

**Tamilzhan** · **Tamilzhan** Sun Oct 25, 2009 12:57 pm

பாங்க் தேர்வுகள் - சில தகவல்கள்.... !

கடந்த சில ஆண்டுகளாகவே அனைத்து நிர்வாகப் பணிகளிலும் கிளார்க் பணியிடங்கள் குறைக்கப்பட்டு அதிகாரி நிலையிலான பணியிடங்கள் மட்டுமே அதிக அளவில் நிரப்பப்படுகின்றன.

மாறிவரும் பணித் தன்மை, வாடிக்கையாளர்களின் எதிர்பார்ப்பு போன்ற காரணங்களினாலும் தொழில் நுட்பத்தின் அதிக ஊடுருவலாலும் கிளார்க் பணிகளுக்கான தேவை குறைந்து கொண்டே வருகிறது. அதிகாரி நிலையில் அதிக எண்ணிக்கையில் ஊழியர்கள் பணி புரியும் போது தேவையில்லாத தொழிற்சங்கப் பிரச்னைகள் தவிர்க்கப்பட முடிவதும் இதற்கு மற்றொரு காரணமாகும்.

பொதுவாகவே இன்ஜினியரிங், மருத்துவம் போன்ற தொழிற் படிப்புகளைத் தவிர பிற படிப்புகளைப் படிக்கும் நமது எண்ணற்ற இளைஞர்களும் ஏதாவது ஒரு அரசுத் துறை கிளார்க் பணியில் நுழைந்து விட வேண்டும் என்றே ஆசைப்படுகின்றனர். ஆனால் துரதிருஷ்டவசமாக கிளார்க்குகளுக்கான தேவை குறைந்து கொண்டே வருகிறது.

எம்.காம்., எம்.எஸ்சி., போன்ற பட்ட மேற்படிப்புகளை முடித்தவர்கள் கம்ப்யூட்டர் திறன், மேனேஜ்மென்ட் திறன் போன்ற கூடுதல் தகுதிகளினால் நிர்வாகப் பணிகளில் அமர்ந்து விடுகின்றனர். இப்படிப்பட்ட மேற்படிப்பு படிப்பதால் இவர்களின் தகவல் தொடர்புத் திறன் சிறப்பாக இருப்பதுடன் சூழ்நிலைகளைச் சமாளிக்கும் திறனும் அதிகமாக உள்ளது. இவர்களைத் தவிர, பட்டப்படிப்பு அல்லது பட்ட மேற்படிப்பு தகுதிகளோடு கூடுதல் தகுதியாக சி.ஏ., ஐ.சி.டபிள்யூ.ஏ., சி.எஸ்., போன்ற தகுதிகளைப் பெற்றிருப்போருக்கும் நிர்வாகப் பணி வாய்ப்புகள் கிடைக்கின்றன.

போட்டித் தேர்வுகள் எழுதி வேலைக்குச் செல்வது மட்டுமே நிர்வாகப் பணி வாய்ப்புகளுக்காகக் காத்திருப்போருக்கான வழிமுறையாக உள்ளது. ஆனால் போட்டித் தேர்வுகள் மூலம் நிரப்பப்படுவது அதிகாரி நிலைப் பணியிடங்கள் தான். கடந்த சில ஆண்டுகளாகவே பாங்க் பி.ஓ., பணியிடங்களுக்கான அறிவிப்பு வந்த வண்ணம் இருக்கிறது. கார்ப்பரேஷன் பாங்க், சிண்டிகேட் பாங்க், ஓரியண்டல் பாங்க், யூனியன் பாங்க் ஆகியவற்றின் அறிவிப்புகள் வந்து விட்டன.

மிகப் பெரிய பணி வாய்ப்பை ஸ்டேட் பாங்க் அறிவித்துள்ளது. எனவே தற்போது போட்டித் தேர்வுகளுக்காக தயாராகி வருபவர்கள் இந்த அனைத்து வாய்ப்புகளையும் பயன்படுத்திக் கொள்வது அவசியம். பி.ஓ., தேர்வுகளில் என்ன கேள்விகள் கேட்கப்படுகின்றன? பொதுவாக பி.ஓ., தேர்வுகளில் அப்ஜக்டிவ் முறை தேர்வு ஒரு தாளாகவும் விரிவாக விடையளிப்பது மற்றொரு தாளாகவும் கேட்கப்படுகிறது.

அப்ஜக்டிவ் முறைத் தாளில் பின்வரும் பகுதிகளில் இருந்து கேள்விகள் அமைகின்றன. டெஸ்ட் ஆப் இங்கிலிஷ் லாங்வேஜ் டெஸ்ட் ஆப் ரீசனிங் டெஸ்ட் ஆப் குவான்டிடேடிவ் ஆப்டிடியூட் டெஸ்ட் ஆப் ஜெனரல் நாலெட்ஜ் பிஓ தேர்வுகளைப் பொறுத்த வரை மிக அதிகமான கேள்விகள் ரீசனிங் பகுதியிலிருந்துதான் பொதுவாக அமைகின்றன. அதாவது 225 கேள்விகளில் 75 ரீசனிங்கிலிருந்தும் பிற பகுதிகளில் தலா 50 கேள்விகளும் பொதுவாக அமைகின்றன.

அனைத்து பகுதிகளையும் நமது சராசரி இளைஞர்கள் கடினமாகவே உணருகின்றனர். முன்பெல்லாம் சென்னை, பெங்களூரு, மும்பை, டில்லி போன்ற மாநகரங்களில் இயங்கி வரும் சிறப்புப் பயிற்சி நிறுவனங்களில் படிப்பவர்கள் தான் இவற்றில் வெற்றி பெற்றனர். ஆனால் கடந்த சில ஆண்டுகளாக, 2ம் நிலை பெரிய நகரங்களான மதுரை போன்ற நகரங்களில் செயல்பட்டு வரும் குறிப்பிட்ட சில சிறப்புப் பயிற்சி நிறுவனங்களின் திறமையான பயிற்சியால் நம் மாநிலத்திலிருந்து, குறிப்பாக தென் மாவட்டங்களிலிருந்து எண்ணற்ற இளைஞர்கள் பி.ஓ., போன்ற பணிகளுக்கத் தேர்வு செய்யப்படுகின்றனர். என்ன புத்தகங்கள் உதவும்? வீட்டில் தனியாகவோ நண்பர்களுடனோ பயிற்சியை மேற்கொண்டு பி.ஓ., தேர்வுக்கு தயாராகுபவர்கள் பின்வரும் புத்தகங்களை வைத்துப் பயிற்சியை மேற்கொள்ளலாம்.

கணிதம் மற்றும் ரீசனிங் பகுதிகளுக்கு ஆர்.எஸ்.அகர்வால் எழுதிய தனித் தனி புத்தகங்கள் சிறப்பான பலனைத் தரும் ஆங்கிலத்திற்கு தில்லான் குருப் ஆப் பப்ளிகேஷன்ஸ் வெளியிட்டுள்ள புத்தகங்கள் உதவும் பொது அறிவுக்கு அரிஹந்த் பதிப்பகப் புத்தகங்கள், கண்ணா பிரதர்ஸ் பப்ளிஷர்ஸ் வெளியிட்டுள்ள ஜெனரல் நாலெட்ஜ் ரெப்ரஷர் புத்தகம் அடிப்படையாக உதவும். நடப்புச் செய்திகளுக்கு ஜெனரல் நாலெட்ஜ் டுடே மாதப் பத்திரிகையும் நமது பகுதியில் வெளியிடப்படும் பொது அறிவுக் கேள்விகளும் மிகவும் உதவும் இவற்றைத் தவிர ரீசனிங் மாதிரி வினாக்களுக்கு காம்படிஷன் மாஸ்டர் மாதப் பத்திரிகை மிக உதவும்.

பாங்கிங் சர்விசஸ் கிரானிகிள் எனப்படும் மாதப் பத்திகையில் பழைய பி.ஓ., தேர்வுகளில் கேட்கப்பட்ட கேள்விகள் பதில்களுடன் தரப்படுகின்றன. விரிவாக விடையளிக்கும் பகுதியில் சமீப காலமாக ரிசர்வ் பாங்க் தேர்வுகள் போல சமூக பொருளாதாரப் பிரச்னைகள் பற்றிய கேள்விகள் இடம் பெறுகின்றன. இதற்கு அடிப்படையில் செய்தித்தாள்கள் படிப்பதும், காம்படிஷன் மாஸ்டர் பத்திகையில் வெளியிடப்படும் மாதிரி வினாவிடைகளும் மிகவும் உதவும்.

பி.ஓ., தேர்வுகளில் நெகடிவ் மதிப்பெண்கள் தரப்படுவதால் நன்றாகத் தெரிந்த கேள்விகளுக்கு மட்டும் விடையளித்தால் போதும். பி.ஓ., தேர்வுகளில் வெற்றி பெற மிக முக்கியமான மற்றொரு டெக்னிக்காக நேரத்தை புத்திசாலித்தனமாக செலவிடுவதைக் குறிப்பிடலாம். ஒரு நிமிடத்திற்கு சராசரியாக 2 கேள்விகளுக்கும் மேல் பதிலளிக்க வேண்டியிருப்பதால் மிக நன்றாகத் தெரிந்த கேள்விகள் அனைத்திற்கும் முதலில் விடையளிப்பதும் எந்த ஒரு குறிப்பிட்ட கேள்வியிலும் அதிக நேரத்தைச் செலவிடாமலிருப்பதும் முக்கியமாக நினைவில் கொள்ள வேண்டியவை.

அன்றாடம் வீட்டில் அல்லது பயிற்சி மையத்தில் நேரம் குறித்துக் கொண்டு விடையளித்துப் பழகுவது இதற்கு உதவும்.

மீனு · மீனு Sun Oct 25, 2009 1:31 pm

எம்.காம்., எம்.எஸ்சி

சி.ஏ., ஐ.சி.டபிள்யூ.ஏ., சி.எஸ்

பி.ஓ

இதன் ..விரிவாக்கம் என்ன என்று சொல்ல முடியுமா.. காரணம்.. இங்கே நாம்..டச்சு மொழியில் தான் எல்லாமே.. இவை..நம் மொழியில்..என்ன என்று தெரிந்து கொள்ள தான்..கேக்கின்றேன்..

**Tamilzhan** · **Tamilzhan** Sun Oct 25, 2009 2:07 pm

எம்.ஏ., எம்.பில்., தமிழ் மற்றும் ஆங்கிலம்.
எம்.பி.ஏ., பொது, எம்.பி.ஏ., வங்கியியல் மற்றும் இன்ஸ்சூரன்ஸ், கார்ப்பரேட் செக்கட்டிரிஷிப், பன்னாட்டு வணிகம்.
எம்.காம்., எம்.பில்., வணிகம், உடற்கல்வியியல் துறையில் இளநிலை, முதுகலை பட்டம்,
எம்.பில்., எம்.எஸ்சி., பயோடெக்னாலஜி,
எம்.சி.ஏ., எம்.எஸ்சி., எம்.டெக்., எம்.பில்., கம்ப்யூட்டர் சயின்ஸ்.
கல்வியியல் துறையில் பி.எட்., எம்.எட்., எம்.பில், தொழில் வேதியியல் துறையில் எம்.எஸ்சி., எம்.பில்.,
கணிதத்துறையில் எம்.எஸ்சி., எம்.பில்.,
இயற்பியல் துறையில் எம்.எஸ்சி., எம்.பில்.,
மகளிரியல் துறையில் எம்.எஸ்.டபிள்யூ.,
நூலகத்துறையில் பி.எல்.ஐ.எஸ்சி., சி.எல்.ஐ.எஸ்சி., உள்ளது.
கடலியல், கடலோரவியல்துறையில் எம்.எஸ்சி., போன்ற பாடப்பிரிவுகள்