வேண்டுகோள், ஆதங்கம் , ஏக்கம், எதிர்பார்ப்பு

தமிழ்நாட்டில் தமிழ் வழிக் கல்வி இல்லை. வெளி மாநிலத்தவர்கள் இனி அவர்கள் சொந்த மொழியில் படிக்கலாம்!
தமிழக அரசின் இந்த அறிவிப்பு நம்மை மேலும் அதிர்ச்சிக்கு உள்ளாகியுள்ளது. வெளிநாட்டில் இருந்து தமிழகத்திற்கு படையெடுத்து வரும் மிகப்பெரிய குடியேற்றத்தை தடுப்பது தமிழ் வழிக் கல்வி ஒன்று தான். அதுவும் இல்லாமல் செய்து விட்டார் ஜெயா. இப்போது வெளி மாநிலத்தவர்களுக்கு ஆதரவாக கல்வித் திட்டத்தை மாற்றி அமைத்து விட்டார்.

வெளி மாநிலங்களில் இருந்து வந்து தமிழகத்தில் வாழும் குழந்தைகளுக்கு அவர்கள் சொந்த மொழியில் கல்வி பயில்விப்பது சரி தான் . அதை நாம் மறுக்க வேண்டிய அவசியம் இல்லை. ஆனால் தமிழ்நாட்டில் உள்ள தமிழ்ப் பிள்ளைகள் இனி தாய்மொழிக் கல்வி படிக்க முடியாதவாறு அரசு பள்ளிகள் அனைத்தும் ஆங்கில வழிக் கல்வியாக மாற்றிவிட்டார் தமிழக முதல்வர். இதை கண்டித்து பெரும் போராட்டம் நடத்தியும் முதல்வரின் காதுகளில் விழவில்லை. மேலும் தமிழ்நாட்டை தாண்டி வாழும் கர்நாடக தமிழர்கள் , கேரளா தமிழர்கள் , அந்தமான் தமிழர்கள் , மும்பை தமிழர்கள், டெல்லி தமிழர்கள் போன்றோருக்கு தமிழில் பாட புத்தகம் கிடைக்கவில்லை, தமிழ் ஆசிரியர்கள் கிடைக்க வில்லை. அதனால் பல தமிழ்ப் பள்ளிகள் மூடப்பட்டு வருகின்றன. வெளி மாநிலத்தில் தமிழர்கள் தமிழ் மொழியை படிக்க முடியாமல் தங்கள் தாய் மொழியை மறந்து வருகிறார்கள். தமிழை வாழ வைக்க அவர்களுக்கு தமிழக அரசு உதவி செய்ய வேண்டுமே தவிர தமிழகத்தில் உள்ள வெளி மாநிலத்தவர்கள் அவர்கள் மொழியில் பாடம் கற்க தமிழக அரசு செலவு செய்ய வேண்டிய அவசியம் இல்லை.

தமிழக முதல்வர் தமிழருக்கு தான் பாடுபட வேண்டும். அதற்கு தான் தமிழர்கள் வாக்களித்து ஜெயலலிதாவை முதல்வர் ஆக்கினர். ஆனால் இன்று தமிழக முதல்வரோ தமிழ் மொழி விரோதப் போக்கையே கடைபிடிக்கிறார். இப்படியே போனால் தமிழ் நாட்டில் தமிழர்கள் தமிழ் மொழியை ஒரு பாடமாக கூட எடுத்து படிக்க முடியாத நிலை வரும். தமிழக முதல்வர் இது போன்ற திட்டத்தை கைவிட வேண்டும்.

-facebook

பகிர்வுக்கு நன்றீ

நன்றி பதிவுக்கு ....