அகல் மொழி பத்து - பாகம் 6

**அகல்** · **அகல்** Wed Jul 03, 2013 7:01 am

http://4.bp.blogspot.com/-yEPBWx1iXDM/UdLXwOY5c7I/AAAAAAAACZ0/rKlTB5Fbj1o/s640/5723007515_b765d11942_z.jpg

51. பெரும்பாலான நேரங்களில், ஒரு கருத்தை ஆதரிப்பதும் எதிர்ப்பதும் அந்த கருத்தின் ஆழத்திற்காக இல்லாமல், அதைச் சொன்னவரின் மீதுள்ள விருப்பு வெறுப்பின் அடிப்படையிலேயே பார்க்கப்படுகிறது.

52. நம்பிக்கையில்லை என்பதும் ஒரு நம்பிக்கையே.

53. அறப் போராட்டமா ? ஆயுதப் போராட்டமா ? என்பதை ஒரு போராட்டத் தலைவன் தீர்மானிப்பதில்லை. போராட்டக்களம் தீர்மானிக்கிறது.

54. எதுவும் தெரியாது என்று சொல்பவனைவிட எல்லாம் தெரியும் என்று சொல்பவன் மிகவும் ஆபத்தானவன்.

55. அவலங்களை எதிர்த்துப் பேசாத சமூகம் அடிபட்டே சாகும்.

56. தனிமனித விமர்சனம் தவறல்ல. ஆனால் அது தவறு என்று தெரிந்த பின்னும் சரி என்று வாதாடுவது சரியல்ல.

57. உனக்காக அத்தனையும் விட்டுக் கொடுப்பேன் என்று சொல்லும் பெரும்பாலானோர், சிலமுறை குறைந்தபட்ச நியாயத்தைக்கூட விட்டுக் கொடுப்பதில்லை.

58. இங்கே நியாயங்கள் பேசப்படுவதில்லை, இடத்திற்கு தகுந்தாற்போல் கூறுபோட்டு விற்கப்படுகிறது.

59. நீங்கள் எதிர்கொண்ட நல்ல தருணங்களை அசைபோடுங்கள், அது இன்பத்தைத் தரும். கெட்ட தருணங்களுக்கு நன்றி சொல்லுங்கள். அது வாழ்வில் ஏதேனும் ஒன்றைக் கற்றுக் கொடுத்திருக்கும்.

60. நாம் பேசியது தவறு என்று தெரிந்த பின்னும், அதை மீண்டும் மீண்டும் நியாயப்படுத்த முயற்சிப்பதை விட, பேசியது தவறே இல்லை என்று சொல்லி விடலாம். காலப்போக்கில் அது மறக்கப்பட்டுவிடும்.

Original Source: http://kakkaisirakinile.blogspot.in/2013/07/6.html

மொழியும் புகைப்படமும்,
அகல்

**ஜாஹீதாபானு** · **ஜாஹீதாபானு** Wed Jul 03, 2013 7:13 am

59. நீங்கள் எதிர்கொண்ட நல்ல தருணங்களை அசைபோடுங்கள், அது இன்பத்தைத் தரும். கெட்ட தருணங்களுக்கு நன்றி சொல்லுங்கள். அது வாழ்வில் ஏதேனும் ஒன்றைக் கற்றுக் கொடுத்திருக்கும். wrote:

சூப்பர்

அனைத்துமே அருமை

**அகல்** · **அகல்** Wed Jul 03, 2013 12:15 pm

ஜாஹீதாபானு wrote:

சூப்பர்

அனைத்துமே அருமை

தங்களின் கருத்திற்கு மிக்க நன்றி நன்றி புன்னகை

Sponsored content · Sponsored content

அகல் மொழி பத்து - பாகம் 6

அகல் மொழி பத்து - பாகம் 6

Re: அகல் மொழி பத்து - பாகம் 6

Re: அகல் மொழி பத்து - பாகம் 6

Re: அகல் மொழி பத்து - பாகம் 6

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக