இந்தோனேசியா: நிலநடுக்கத்தால் மசூதி இடிந்து விழுந்தது - 6 குழந்தைகள் உட்பட 11 பேர் பலி

**சிவா** · **சிவா** Wed Jul 03, 2013 10:32 am

புவியியல் அமைப்பின்படி நெருப்பு வளையம் என்றழைக்கப்படும் இந்தோனேசியா நாட்டில் அவ்வப்போது நிலநடுக்கம் ஏற்படுவது தொடர்வாடிக்கையாகி விட்டது.

நேற்று ஏற்பட்ட 6.1 புள்ளிகள் அளவு கொண்ட நிலநடுக்கத்தில் அசே மாகாணத்தில் உள்ள மசூதி இடிந்து விழுந்தது. இதில், மசூதியின் உள்ளே குர்ஆன் பயின்றுக் கொண்டிருந்த 6 குழந்தைகள் பலியாகினர். மேலும் 14 பேர் இடிபாடுகளில் சிக்கினர்.

நேற்றைய நிலநடுக்கத்தின் விளைவாக அசே பகுதியின் பல இடங்களில் நிலச்சரிவு ஏற்பட்டு சாலைகள் சின்னாபின்னமாகி சேதமடைந்தன.

நேற்றைய நிலவரப்படி அசே பகுதியில் 11 பேர் பலியானதாகவும், 200க்கும் மேற்பட்டவர்கள் படுகாயமடைந்ததாகவும் கூறப்படுகிறது. சுமார் 300 வீடுகள் சேதமடைந்து இருப்பதால் அவற்றில் வசித்தவர்கள் பாதுகாப்பான இடங்களில் தங்க வைக்கப்பட்டுள்ளனர்.

நேற்றைய நிலநடுக்கம் சுமார் 15 வினாடிகள் நீடித்ததாக தேசிய பேரிடர் மேலாண்மை அதிகாரிகள் தெரிவித்தனர்.

2004ம் ஆண்டு ஏற்பட்ட சுனாமிக்கு இந்தோனேசியாவை சேர்ந்த 1 லட்சத்து 70 ஆயிரம் மக்கள் பலியாகினர். 2009ம் ஆண்டு ஏற்பட்ட நிலநடுக்கத்தில் ஆயிரத்துக்கும் மேற்பட்டவர்கள் பலியாகினர் என்பது குறிப்பிடத்தக்கது.

மாலைமலர்

பூவன் · பூவன் Wed Jul 03, 2013 11:03 am

இயற்கை சீற்றங்கள் தொடர்ந்து கொண்டே உள்ளன , வருத்தப்படும் நிகழ்வு

இந்தோனேசியா: நிலநடுக்கத்தால் மசூதி இடிந்து விழுந்தது - 6 குழந்தைகள் உட்பட 11 பேர் பலி

இந்தோனேசியா: நிலநடுக்கத்தால் மசூதி இடிந்து விழுந்தது - 6 குழந்தைகள் உட்பட 11 பேர் பலி

Re: இந்தோனேசியா: நிலநடுக்கத்தால் மசூதி இடிந்து விழுந்தது - 6 குழந்தைகள் உட்பட 11 பேர் பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக