வாழ்த்துங்கள் இச்சிறுமியை

சந்தோஷ் · சந்தோஷ் Sun Jun 30, 2013 9:24 pm

ஓடி விளையாடும் வயதில் உலக சாதனை படைத்துவிட்டு, சத்தமேயில்லாமல் அடுத்த சாதனைக்குத் தயாராகும் விசாலினி - சந்தேகமின்றி இந்தியாவின் விடிவெள்ளிதான்!
வயது பதினொன்று(பிறந்த தேதி:23.05.2000). IQ லெவல் 225. நம்ப முடிகிறதா? நம்பத்தான் வேண்டும். ஏனெனில், விசாலினி படைத்துள்ளது உலக சாதனை.கின்னஸ் சாதனையாளரான கிம்-யுங்-யோங்கின் (Kim Ung-Yong) I.Q. அளவான 210 என்பதைவிட, இது இன்னும் அதிகம். இந்தியாவென்பதால்தான் இன்னும் இவள் புகழ் பரவவில்லை. இன்னொரு நாடென்றால், இவளை இதற்குள் உலகமறிய பாராட்டியிருப்பார்கள். ஆம், நெல்லை மண்ணின் மகள் இவள்.

வயதிற்கேற்றார்போல் சைக்கிள் ஓட்டுவதும், கார்ட்டூன் பார்ப்பதும் இவள் பொழுதுபோக்கென்றாலும், இவள் படைத்துள்ளது இமாலய சாதனை. கின்னஸ் புத்தகத்தில் இவள் சாதனை இடம்பெற இவள் வயது காணாதாம். ஆம், பதினான்கு வயது நிறைவடைந்தால்தான் கின்னஸ் புத்தகத்தில் இவள் சாதனை இடம்பெறுமாம். இந்த வயதிலேயே, பள்ளிப்படிப்பிலும் இருமுறை இவள் தாவியுள்ளாள். ஆமாம், இரண்டுமுறை இவளுக்கு கிடைத்துள்ளது டபுள் புரமோசன்.

கல்லூரியில் பயிலும் B.E., B.TECH மாணவர்களுக்கு கணினிப்பிரிவில் உரையாற்றும் அளவிற்கு ஆற்றல் பெற்றுள்ளாள். சமீபத்தில் மங்களூரிலுள்ள NITMல் நடைபெற்ற அனைத்துலக மாநாட்டில் (INTERNATIONAL CONFERENCE), விசாலினிதான் சிறப்பு அழைப்பாளர். அதில் கலந்து கொண்ட பல்வேறு நாடுகளைச் சார்ந்த அறிஞர்களும் விசாலினியின் அறிவுத்திறனைக் கண்டு வியப்புற்றுள்ள்னர்.

உலக சாதனை படைத்துள்ள இந்த குழந்தையின் தந்தை திரு.கல்யாண குமாரசாமி ஒரு எலக்ட்ரிசியன். அவரது குழந்தை படைத்துள்ள சாதனைகள் இதோ:

MCP (Microsoft Certified Professional)

CCNA (Cisco Certified Network Associate),

CCNA Security(Cisco Certified Network
Associate Security),

OCJP (Oracle Certified Java
Professional).

CCNAவில் இவள் பெற்ற மதிப்பெண் 90 சதவிகிதம். இதுவும் ஒரு உலக சாதனைதான்.மங்களூரிலுள்ள NITயும், திருவில்லிபுத்தூரிலுள்ள பொறியியல் கல்லூரி ஒன்றும் விசாலினியை தங்கள் கல்லூரியில் சேர அழைத்தும் இவர் பெற்றோர்கள், இன்னும் சில ஆண்டுகளுக்கு, இந்த இளம் அறிவாளியை, கல்லூரி வாழ்க்கைக்கு அனுப்பி வைக்கத் திட்டமிடவில்லை.பாகிஸ்தானில் உள்ள பன்னிரண்டு வயது மாணவர் இரிடிசா ஹைதரின் சாதனையை பத்து வயதில் முறியடித்து THE YOUNGEST CCNA WORLD RECORD HOLDER என்ற உலக சாதனை படைத்துள்ளார்.

வேண்டுகோள்:

1) ஒரு இந்திய்ர்,அதிலும் தமிழ்நாட்டைச் சார்ந்த இந்த சிறுமியின் சாதனை உலகறியச் செய்திட, முடிந்தவரை அனைத்து நண்பர்களும் இந்தச் செய்தியினை அவரவர் தளத்தில் பகிருங்கள்.

2)விசாலினியின் இ-மெயில் ஐ.டி: visalini2000@gmail.com. இதற்கு நம்மாலானது, ஒரு பாராட்டு மெயிலை அனுப்பி அப்பெண்ணை ஊக்குவிக்கலாமே!

தகவலுக்கு நன்றி -அம்மு குட்டி

நன்றி : இன்று ஒரு தகவல் பக்கம்- பேஸ்புக்

**சிவா** · **சிவா** Sun Jun 30, 2013 9:26 pm

சாதனைச் சிறுமியைப் பற்றிய தகவலுக்கு நன்றி சந்தோஷ்!

இந்த பதிவைத் துவங்கியவர் நன்றி கூறியுள்ளார் சிவா

**Muthumohamed** · **Muthumohamed** Sun Jun 30, 2013 9:36 pm

வாழ்துக்கள் விசாலினி

மேலும் பல சாதனைகள் படைக்க வேண்டுகிறோம்

**Dr.சுந்தரராஜ் தயாளன்** · 03/09/2011

இதோ இவர்தான் அந்த சாதனைச் சிறுமி : வாழ்த்துகள். பதிவுக்கு நன்றி சந்தோஸ்

https://2img.net/r/ihimizer/img11/7352/9asq.jpg

**Aathira** · **Aathira** Sun Jun 30, 2013 10:25 pm

கட்டித் தங்கம் விசாலினிக்கு மனம் நிறைந்த வாழ்த்துகள்

ராஜு சரவணன் · ராஜு சரவணன் Sun Jun 30, 2013 11:34 pm

MCP (Microsoft Certified Professional)
CCNA (Cisco Certified Network Associate),
CCNA Security(Cisco Certified Network Associate Security),
OCJP (Oracle Certified Java Professional).

இவை அனைத்தும் சாதாரண படிப்புகள் இல்லை. இதை எல்லாம் இந்த சிறு வயதில் சாதித்த இந்த தங்கைக்கு எனது வாழ்துகளை தெரிவித்து கொள்கிறேன்.

தமிழன் என்று பிறந்துவிட்டால்
தமிழ்நாட்டில் இருந்துவிட்டால்
கவிழ்க்கும் கூட்டமொன்று காலை வாறும்
அமுக்கும் கூட்டமொன்று ஆளை மறைக்கும்

நீ மட்டும் என்ன விதிவிலக்க சோகம்

தகவலை ஆங்கிலத்தில் மொழி பெயர்த்து முகநூலில் போடவேண்டும் அப்போது தான் கொஞ்சமாவது இந்த செய்தி இந்தியர்களை சென்றடையும்.

(ஆனால் இது சற்று பழைய செய்தி http://www.thevoice.in/education/new-record-worlds-youngest-ccna11-year-old-k-visalini/)