கூடுதல் வருமானம் தரும் கூட்டுப் பயிர் சாகுபடி..!!

கூடுதல் வருமானம் தரும் கூட்டுப் பயிர் சாகுபடி..!!

http://sphotos-a.ak.fbcdn.net/hphotos-ak-prn1/1016630_474535019288114_1486518898_n.jpg

ஏக்கர் கணக்கில் நிலம் வைத்திருக்கும் விவசாயிகள்கூட, ஆண்டுக்கு 50 ஆயிரம் ரூபாய் வருமானம் பார்ப்பது குதிரைக் கொம்பாக இருக்கும் நேரத்தில், வெறும் அரை ஏக்கர் நிலத்தில், கூட்டுப் பயிர் சாகுபடி மூலம் ஆறு மாதத்துக்கு 50 ஆயிரம் என்ற ரீதியில் வருமானம் பார்த்துக் கொண்டிருக்கிறார் தஞ்சாவூர் மாவட்டம், திருப்பூந்துருத்தி கிராமத்தைச் சேர்ந்த சுகுமாறன்.

இந்த அரை ஏக்கர்ல எதையாவது நட்டுட்டு வருஷக் கணக்கா காத்திருக்க முடியாது. அதோட, குறைச்ச இடத்துல அதிக வருமானம் வர்றதுக்கு என்ன பண்ணலாம்னு யோசிச்சிட்டு இருந்தேன். அந்த நேரத்துலதான் கூட்டுப் பயிர் சாகுபடி பத்தி சிலர் என்கிட்ட சொன்னாங்க. இந்த முறையில குறைஞ்ச நாள்ல பலனுக்கு வர்ற கருணைக் கிழங்கு, வெங்காயம், முள்ளங்கி, கீரைனு நாலு விதமான பயிர்களை, கூட்டுப் பயிரா ஒரே இடத்துல நட்டிருக்கேன். இதுல கருணைக் கிழங்குதான் முக்கிய பயிர். மத்த மூணுமே ஊடுபயிர்தான்.

இப்படி நாலு விதமான பயிர்களையும் ஒண்ணா சாகுபடி செய்றதுல, பல சௌகரியம் இருக்கு. தண்ணி, உரம், களை, மத்த மத்த வேலைனு எல்லாம் ஒண்ணாவே முடிஞ்சிடும். ஒவ்வொரு பயிருக்கும் தனித்தனியா பார்க்க வேண்டியிருக்-காது. கூட்டுப் பயிர்ல மட்டும்தான் ஒரு தடவை மட்டும் வேலை செஞ்சு, நாலுலயும் வருமானம் எடுக்க முடியும். ஒண்ணு கைவிட்டாலும், ஒண்ணு கை தூக்கி விட்டுடும். விதைச்ச 35 வது நாள்ல கீரை; 42-வது நாள்ல முள்ளங்கி; 65&வது நாள்ல வெங்காயம்; 180-வது நாள்ல கருணைக் கிழங்குனு அறுவடையை முடிச்சுடலாம்.

வழக்கமா எங்க ஊர்ல ரெண்டு பட்டத்துல கருணையை நடுவாங்க. சித்திரையில நட்டு புரட்டாசியிலயும், வைகாசியில நட்டு ஐப்பசியிலயும் எடுப்பாங்க. சித்திரைப் பட்டத்துல விளைச்சல் குறையும். ஆனா, விலை அதிகம் கிடைக்கும். வைகாசியில நட்டா விளைச்சல் அதிகரிக்கும். ஆனா, விலை குறையும். ஆனாலும், நான் எப்பவுமே வைகாசியில நடுறதைத்தான் வழக்கமா வெச்சுருக்கேன்.’’

-பசுமை விகடன், 10-9-2009

பதிவுக்கு நன்றி மாலிக் அவர்களே...தொடருங்கள்  

நன்றி ஐயா..!! 

நல்ல பயனுள்ள பதிவு நண்பரே

நன்றி ராஜு சரவணன்..!!