நாட்களில் எல்லா நாட்களும் நல்ல நாட்களே!

இறைவனின் தொண்டர்களை நாளும், கோளும் என்ன செய்துவிடும்? அவைகளால் ஒன்றும் செய்ய முடியாது. ஆனால் நாமோ நாளையும் கோளையும் கண்டு நடுநடுங்குகிறோம். நாளும் நட்சத்திரமும் நம்மைக் கோழைகளாக்க அனுமதிக்கிறோம். நட்சத்திரங்களிடமும், கிரக நிழல்களிடம் பிச்சைக் கேட்கும் கேவல நிலையில் இருக்கிறோம்.

ஒரு கணக்குப் போட்டுக் காண்பித்தால் இது நன்றாக விளங்கும் என்று நினைக்கிறேன். சந்திரனை வைத்துக் கணக்கிடும் மாதங்களுக்கு, மாதத்திற்கு 28 நாட்கள், இந்த 28 நாட்களில் 14 நாட்கள் நல்ல நாட்கள் இல்லை.

இந்தப் பதினான்கு நாட்களிலும் எந்த ஒரு நல்ல காரியத்தையும் ஆரம்பிக்க்க் கூடாது. ஒரு இட்த்துக்குப் பிரயாணம் செய்வதோ, புதிய வேலைகளை ஆரம்பிப்பதோ கூடாது. இப்படி கணக்குப் போட்டால் ஒரு சந்திர ஆண்டில் 182 நாட்கள் கெட்ட நாளாக வருகிறது. இது உண்மையானால் இதைவிடக் கொடுமை வேறு ஒன்றும் இருக்க முடியாது.

இது மட்டுமா? வாரத்தில் சில நாட்களை நல்ல நாள் என்றும், சில நாட்களைக் கெட்ட நாட்கள் என்றும் பிரித்து வைத்திருக்கிறோம். செவ்வாய்க்கிழமை என்ன செய்த்தோ பாவம்! அது அமங்கல நாள் என்ற பழியை ஏற்றுக்கொண்டிருக்கிறது!

ஒரு நாளிலும் பல மணி நேரங்கள் கெட்ட நேரங்களேயாகும். ஒவ்வொரு நாளும் ஒன்றரை மணி நேரம் ராகுகாலம். இன்னொரு ஒன்றரை மணி நேரம் எமகண்டம். இந்த ராகு காலத்தயும், யம கண்ட்த்தையும் சேர்த்தால் ஒரு சந்திர ஆண்டில் இன்னும் 45 நாட்கள் கெட்ட நாட்களாக ஆகிவிடுகின்றன.

இத்துடன் முடிகிறதா? இல்லை. அமாவாசைக்கு எட்டாவது நாளும், ஒன்பதாவது நாளும் ஆகிய அஷ்டமி, நவமி திதிகள் கெட்ட நாட்கள். இந்த வைகையில் ஒரு சந்திர ஆண்டில் மேலும் 52 நாட்கள் கெட்ட நாட்களாகிவிடுகின்றன.

இவ்வாறு ஒரு சந்திர ஆண்டில் 280 நாட்கள் கெட்ட நாட்களாகி விடுகின்றன. அந்த நாட்களில் எந்த ஒரு நல்ல காரியத்தையும் ஆரம்பிக்கக் கூடாது.

(தொடரும்)
கோ.வன்மீகநாதன் எழுதிய “ஜோதி வழியில் வள்ளலார்” புத்தகத்திலிருந்து.

திறமையுள்ளவனுக்கு அனைத்து நாட்களுமே நல்ல நாட்கள் தான்!  

உண்மை தான் ஆண்டவன் படைத்த எல்லா நாட்களுமே நல்ல நாட்கள் தான்

பகிர்வுக்கு நன்றி

சிவா wrote:திறமையுள்ளவனுக்கு அனைத்து நாட்களுமே நல்ல நாட்கள் தான்!  

உண்மை தான்
பகிர்வுக்கு நன்றி சாமி அவர்களே.

நல்ல பகிர்வு ஐயா  

இதை தானே நாளும், கிழமையும் நலிந்தோருக்கு இல்லை என்று ஒரு பழமொழி உள்ளது.

பூவன் wrote:நல்ல பகிர்வு ஐயா   

இதை  தானே நாளும், கிழமையும் நலிந்தோருக்கு இல்லை என்று ஒரு பழமொழி உள்ளது.

நல்ல பகிர்வு சாமி.

நல்ல வரிகள் பூவன்.

ஆமாம் சாமி, எல்லா நாட்களுமே நல்லது தான், நாம் தூய உள்ளத்துடன் ஈடுபடும் எல்லா காரியங்களும் வெற்றி பெரும் என்பது தான் நிஜம்

தொடருங்கள்..... 

இந்த கட்டுரையின் மீது எனக்கு நம்பிக்கை இல்லை ... வாழ்க்கையின் ஒரு நேரத்தில் அடி செமதியாக விழும் போதுதான் இதனை நம்ப தொடங்குவீர்கள் ...

//திறமையுள்ளவனுக்கு அனைத்து நாட்களுமே நல்ல நாட்கள் தான்!
=====நல்ல விதையாக இருந்தாலும் அந்தந்த பருவத்தில் தான் மலரும். காய்க்கும். கனியும்.

//உண்மை தான் ஆண்டவன் படைத்த எல்லா நாட்களுமே நல்ல நாட்கள் தான்
=====எல்லா மனிதர்களும் நல்லவர்களாக இருந்தால் எல்லா நாட்களும் நல்ல நாட்கள் தான்.

//இதை தானே நாளும், கிழமையும் நலிந்தோருக்கு இல்லை என்று ஒரு பழமொழி உள்ளது
=====நலிந்தோர் என்பவர் இல்லாதவர், இயலாதவர், முயலாதவர் அவர்களுக்கு வாழ்க்கை என்பதே இல்லை இதில் நாள், கிழமை இருந்தால் என்ன இல்லையென்றால் என்ன?

//நாம் தூய உள்ளத்துடன் ஈடுபடும் எல்லா காரியங்களும் வெற்றி பெரும் என்பது தான் நிஜம்
=======உங்களின் நம்பிக்கையை தகர்க்க விரும்பவில்லை.

ஒன்று மட்டும் தான் நிச்சயம்.
காலம் தன் கடமையைச் செய்யும். அந்தக் காலத்தை உணர்துவது தான் ஜோதிட முகூர்த்தங்கள். அதாவது திதி நாள் நட்சத்திரம் கிழமை யோகம் கர்ணம் ஓரை இப்படி. இவற்றில் நல்ல நேரம் கெட்ட நேரம் என்பது இல்லை. நல்லது செய்ய உகந்த நேரம் என்பது தான் சரியான சொல். ஒவ்வொரு செயலும் செய்யத்தக்க நேரங்களைக் குறிப்பது தான் ஜோதிட முகூர்த்தங்கள்.