வாஞ்சை!

**சிவா** · **சிவா** Mon Jul 01, 2013 4:46 pm

பச்சக் கொழந்தைக்கு உங்கு எண்ணெய் ஊத்தி
நீவி நீவிக் குளிப்பாட்டி
பச்ச வெங்காயம் காட்டில் ஆஞ்சு அறுத்து,
மொச்சை, உளுந்து, தொவரை, அடிச்சுத் தூத்தி,
வர்ற கூலிக் காசெல்லாம்
மிச்சமீதி இல்லாம ஒத்த மகனுக்கு தந்துட்டு
குச்சு வீட்டில் ஒதுங்கி வாழும்
ஒச்சாயி கௌவிக்கு

எட்டுக்கு ஒரு நாள்
முற(ம்) வெங்காயம் தொளிச்சு...
மொளகு, செலவு வறுத்து....
ஆட்டுக்கல் வழிய ஆட்டி,
சட்டி ரொம்ப கோழிச்சாறு காய்ச்சி,
ராகி மாவு நெரிச்சு, களிக் கிளறி,
சுடச் சுட மவன்
மூஞ்சிக் காட்டும் மருமவ
கேலிபேசும் பேராண்டியை திங்கவச்சு,
மிச்ச எலும்புகள சொறி நாய்க்குப்
போட்டாதேன் நெஞ்சு குளிரும்!

வெஷக் காச்சல் வந்தப்போ...
வேப்பஞ்சாறும் கருவாட்டுச் சாறும் நல்லதுண்ணு,
வேப்பஞ் சாத்தைக் குடிச்சிட்டு,
மவன் ஊட்டுக்குத் தள்ளாடி நடக்க
தூர வரும் கெழவியைக் கண்டு,
மருமவ சோளக் காட்டுக்குள் மறைய
பூட்டிய கதவிடுக்கில் கருவாட்டுச்சாறு வாசம் வீச
கண்ணில் நீர் கசிய
நாதாங்கியில் பிஸ்கோத்து, முட்டாய் பையை
மாட்டிவிட்டு கெழவி திரும்ப
சொறி நாய் வாலாட்டியது
வாஞ்சையுடன்!

- டி. பிரபாவதி, கோவை