கேரள முதல்வர் உம்மன் சாண்டிக்கு ஐ.நா. விருது

soplangi · soplangi Wed Jun 26, 2013 2:08 pm

பொதுச் சேவைக்கான ஐ.நா.வின் சர்வதேச விருது கேரள முதல்வர் உம்மன் சாண்டிக்கு வழங்கப்பட உள்ளது. இவ்விருதினை பஹ்ரைனில் நாளை நடைபெறும் விழாவில் ஐ.நா. பொதுச் செயலாளர் பான் கி மூன் வழங்க உள்ளார். இவ்விழாவில் கலந்து கொண்டு விருதினை பெறுவதற்காக நாளை காலை உம்மன் சாண்டி, பஹ்ரைன் செல்ல உள்ளார். ஐ.நா விருது வழங்கும் விழா ஒன்று வளைகுடா நாடு ஒன்றில் நடத்தப்படுவது இதுவே முதல்முறையாகும். எந்த இடைத்தரகர்களும் இன்றி தினமும் ஆயிரக்கணக்கான மக்கள் சாண்டியை சந்தித்து தங்களின் குறைகளை கூறிச் செல்கின்றனர். இதுவரை 5.5 லட்சம் மனுக்களை பெற்ற உம்மன் சாண்டி, அதில் 3 லட்சம் மனுக்களை தீர்வு செய்துள்ளார். இது போன்ற பல்வேறு மாநில பணிகளின் மூலம் ஜனநாயகத்தை காத்து வருவதற்காக அவருக்கு அந்த விருது வழங்கப்படுவதாக ஐநா தெரிவித்துள்ளது.

-- மாலைமலர்

ராஜு சரவணன் · ராஜு சரவணன் Wed Jun 26, 2013 2:14 pm

சண்டி பாயலுக்கு விருது கொடுக்கும் அந்த பண்டி பய யார்?

soplangi · soplangi Fri Jun 28, 2013 4:18 pm

கேரள முதல்வர் உம்மன் சாண்டிக்கு ஐ.நா. விருது 8c6f82c9-9e13-4582-8ae9-eb015f52fe76_S_secvpf

ஐக்கிய நாடுகள் சபை ஒவ்வொரு ஆண்டும் ஐ.நா. பொதுசேவை விருதுகளை வழங்கி வருகிறது. இது சர்வதேச அளவில் உயரிய விருதாக கருதப்படுகிறது.

மேலாண்மை முறையில் புதுமைகளை கையாண்டு மக்களின் குறை தீர்க்கும் பொதுத்துறை அமைப்புகளுக்கு இந்த விருது வழங்கப்படுகிறது. உலகை 5 மண்டலங்களாக பிரித்து அவற்றில் இருந்து நபர்கள் தேர்ந்தெடுக்கப்படுவார்கள்.

இந்த ஆண்டுக்கான ஐ.நா. பொது சேவை விருது வழங்கும் விழா பக்ரைனில் நேற்று நடைபெற்றது. பக்ரைனில் நடைபெற்ற விழாவில் ஐ.நா.-வின் பொருளாதார மற்றும் சமூக விவகாரங்கள் துறை பொது செயலாளர் வு ஹோன்க்போ இந்த விருதினை சாண்டிக்கு வழங்கினார்.

மக்கள் தொடர்பு திட்டத்தின் கீழ், ஆயிரக் கணக்கான மக்களை சாண்டி நேரடியாக சந்தித்து பேசினார். தனக்கு வந்த 5.5 லட்சம் மனுக்களில் 3 லட்சம் மனுக்களுக்கு தீர்வு வழங்கியுள்ளார். மேலும் இந்த திட்டத்தின் இரண்டாம் கட்டம் வரும் ஆகஸ்ட் மாதம் நடத்த முடிவு செய்யப்பட்டுள்ளது.

இதனை பாராட்டி சாண்டிக்கு ஐ.நா. இந்த விருதினை வழங்கியுள்ளது. ஆசிய பசிபிக் மண்டலத்திலிருந்து இந்த விருதைப்பெற்ற முதல் நபர் சாண்டி என்பது குறிப்பிடத்தக்கது.

-- மாலைமலர்