உத்தரகாண்ட் மீட்புப் பணியில் தங்கள் திறனை வெளிப்படுத்தும் இந்தியப் பெண் விமானிகள்

soplangi · soplangi Wed Jun 26, 2013 1:58 pm

இந்தியா தனது பெண் விமானிகளை போர்க்களத்திற்கு அனுப்புவதில்லை. ஆயினும், இந்த விமானிகள் உத்தரகாண்டில் நடந்துவரும் மீட்புப்பணியில் திறம்பட செயல்பட்டு தங்களது பணித் திறமையை நிரூபிக்கின்றனர்.

இந்திய விமானப்படையின் ஸ்குவாட்ரன் லீடர் குஷ்பூ குப்தா தனது சீட்டா ஹெலிகாப்டரில் இதுவரை 55க்கும் மேற்பட்ட பயணங்களைச் செய்துள்ளார். இந்த அனுபவங்கள் உண்மையிலேயே சவாலானவை. மோசமான வானிலையில், தெளிவற்ற சூழ்நிலையில் 11,500 அடி உயரத்தில் பறப்பது என்பது சுலபமல்ல. ஆயினும், பயணத்தின் பாதுகாப்பை முதன்மையாகக்
கொள்ளுவதை நாங்கள் எங்கள் பயிற்சியில் கற்றுக்கொண்டுள்ளோம் என்று அவர் கூறுகின்றார்.

விமான லெப்டினண்டாகப் பணி புரியும் தன்யா ஸ்ரீனிவாஸ், விமானப் போர்வீரராக இரண்டரை வருட அனுபவம் உள்ளவர். பாலைவனங்கள், மலைகள், சமவெளிகள் போன்ற எத்தனையோ இடங்களில் பறந்திருந்த போதிலும் இந்த மாதிரியான சூழ்நிலையில் பணி புரிவதென்பது சவாலான அனுபவமாகும் என்று தன்யா கருதுகின்றார்.

இவர்கள் இருவரின் கணவர்களும் கூட இதேபோன்று மீட்புப் பணியில் ஈடுபட்டு வரும் ஆபரேஷன் ரகத் என்ற பிரிவில் மீட்புப்பணியில் ஈடுபட்டுள்ளனர். இத்தகைய பேரழிவில் சிக்கி துன்பப்படும் மக்களுக்கு நாங்கள் இணைந்து உதவமுடிவது மனநிறைவை அளிக்கின்றது என்று குஷ்பூ கூறுகின்றார். நேற்று நடந்த மீட்புப்பணியினரின் ஹெலிகாப்டர் விபத்துக்குள்ளானதோ, தங்களுடைய சக பணியாளர்களை இழக்க நேரிட்டதோ இவர்களுக்குள் அச்சத்தை ஏற்படுத்தவில்லை.

இவர்கள் ஓட்டும் சீட்டா, சேட்டக் வகை ஹெலிகாப்டர்கள் 1970-களில் உருவாக்கப்பட்டவை. அவற்றில் எந்த நவீன வசதிகளும் கிடையாது. இத்தகைய பயணங்கள், உண்மையிலேயே இவர்களின் திறமையினால்தான் வெற்றிகரமாக அமைகின்றன என்று மற்றொரு விமானி குறிப்பிட்டார்.

-- மாலைமலர்

**ராஜா** · **ராஜா** Wed Jun 26, 2013 3:32 pm

தங்களின் சிறப்பான பங்களிப்பிற்கு வாழ்த்துகள் சகோதரிகளே

**சிவா** · **சிவா** Wed Jun 26, 2013 3:57 pm

1970- ல் தயாரித்த ஹெலிகாப்டர்களா? ஏன் இந்திய விமானப்படை இன்னும் குப்பைகளைச் சுமக்கிறது என்று தெரியவில்லை.

சிறந்த பணியாற்றும் விமானிகளுக்கு பாராட்டுக்கள்!

**SajeevJino** · **SajeevJino** Wed Jun 26, 2013 10:06 pm

சிவா wrote:1970- ல் தயாரித்த ஹெலிகாப்டர்களா? ஏன் இந்திய விமானப்படை இன்னும் குப்பைகளைச் சுமக்கிறது என்று தெரியவில்லை.

!

1980களில் இதை நாம் வாங்கினோம் ..6 வருடங்களுக்கு ஒரு முறை இதை நமது HAL நிறுவனம் புதிய வசதிகளை இதில் பொருத்தி விடும் ..இவ்வகை ஹெலிகாப்டர்கள் மிக தாழ்வாகவும் அதே நேரத்தில் அதிக வேகத்துடனும் பறக்க கூடியவை ..இவைகள் இலகு ரகத்தை சேர்ந்தவை

**சிவா** · **சிவா** Wed Jun 26, 2013 10:20 pm

SajeevJino wrote:
சிவா wrote:1970- ல் தயாரித்த ஹெலிகாப்டர்களா? ஏன் இந்திய விமானப்படை இன்னும் குப்பைகளைச் சுமக்கிறது என்று தெரியவில்லை.

!
விளக்கத்திற்கு மிக்க நன்றி சஞ்சீவ்.

1980களில் இதை நாம் வாங்கினோம் ..6 வருடங்களுக்கு ஒரு முறை இதை நமது HAL நிறுவனம் புதிய வசதிகளை இதில் பொருத்தி விடும் ..இவ்வகை ஹெலிகாப்டர்கள் மிக தாழ்வாகவும் அதே நேரத்தில் அதிக வேகத்துடனும் பறக்க கூடியவை ..இவைகள் இலகு ரகத்தை சேர்ந்தவை

**Muthumohamed** · **Muthumohamed** Wed Jun 26, 2013 10:23 pm

இவர்களின் திறமை வெளி கொண்டுவர இதுவும் ஒரு வாய்ப்பு தான்

பாராட்டுக்கள் பெண் விமானிகளே

Sponsored content · Sponsored content

உத்தரகாண்ட் மீட்புப் பணியில் தங்கள் திறனை வெளிப்படுத்தும் இந்தியப் பெண் விமானிகள்

உத்தரகாண்ட் மீட்புப் பணியில் தங்கள் திறனை வெளிப்படுத்தும் இந்தியப் பெண் விமானிகள்

Re: உத்தரகாண்ட் மீட்புப் பணியில் தங்கள் திறனை வெளிப்படுத்தும் இந்தியப் பெண் விமானிகள்

Re: உத்தரகாண்ட் மீட்புப் பணியில் தங்கள் திறனை வெளிப்படுத்தும் இந்தியப் பெண் விமானிகள்

Re: உத்தரகாண்ட் மீட்புப் பணியில் தங்கள் திறனை வெளிப்படுத்தும் இந்தியப் பெண் விமானிகள்

Re: உத்தரகாண்ட் மீட்புப் பணியில் தங்கள் திறனை வெளிப்படுத்தும் இந்தியப் பெண் விமானிகள்

Re: உத்தரகாண்ட் மீட்புப் பணியில் தங்கள் திறனை வெளிப்படுத்தும் இந்தியப் பெண் விமானிகள்

Re: உத்தரகாண்ட் மீட்புப் பணியில் தங்கள் திறனை வெளிப்படுத்தும் இந்தியப் பெண் விமானிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக