அதிசய குரங்கு பள்ளிக்கு செல்கிறது வீட்டுப்பாடம் எழுதுகிறது

soplangi · soplangi Tue Jun 25, 2013 2:04 pm

First topic message reminder :

அதிசய குரங்கு பள்ளிக்கு செல்கிறது வீட்டுப்பாடம் எழுதுகிறது - Page 3 Tamil-Daily-News_79819452763

பெங்களூர் : கர்நாடக மாநிலத்தில் ரூபா என்பவருக்கு சொந்தமான குரங்கு தினமும் பிள்ளை களுடன் பள்ளிக்கு செல்கிறது. வீட்டுப்பாடம் உள்பட அனைத்தும் செய்கிறது.
மைசூர் மாவட்டம், நஞ்சன்கூடு தாலுகா, பிளுகலி கிராமத்திற்கு கடந்த 2 மாதங்களுக்கு முன் உணவு தேடி குழந்தையுடன் தாய் குரங்கு ஒன்று வந்தது. சில நாட்கள் கிராமத்தில் தங்கி இருந்த தாய் குரங்கு, தனது பெண் குட்டி குரங்கை கிராமத்தில் அனாதையாக விட்டு சென்று விட்டது. தாயின் அரவணைப்பு இல்லாமல் தவித்த குட்டி குரங்கை கிராமத்தில் வசிக்கும் மகாதேவப்பா,ரூபா தம்பதியர் எடுத்து வளர்க்க ஆரம்பித்தனர். அதற்கு தினமும் பால், பழம், உணவு கொடுத்து பராமரித்தனர். பின் குடும்பத்தில் ஒரு உறுப்பினராகி விட்ட குரங்கிற்கு ராணி என்று பெயர் சூட்டி மகிழ்ந்ததுடன், தங்கள் பிள்ளையை போல், பேணி காத்து வருகிறார்கள். ரூபா சொல்லி கொடுக்கும் அனைத்தையும் தவறாமல் குட்டி குரங்கு ராணி செய்து வருகிறது.

தினமும் காலை 6 மணிக்கு தூக்கத்தில் இருந்து எழும் குரங்கு, மகாதேவப்பாவுடன் வயல்வெளி செல்கிறது. காலை கடனை முடித்த பின், காலை 8.30 மணிக்கு வீட்டிற்கு வருகிறது. ரூபாவின் பிள்ளைகள் குளிக்கும்போது, அவர்களுடன் சேர்ந்த குளித்தபின், காலை உணவு எடுத்து கொள்கிறது. ரூபா மற்றும் அவரது பிள்ளைகளுடன் பள்ளிக்கு செல்கிறது. மாலை வரை பள்ளியில் இருந்தபின், ரூபாவுடன் வீடு திரும்புகிறது. பிள்ளைகள் பால் காபி குடித்தால், குரங்கிற்கு பால் கொடுக்கிறார்கள். அதை குடித்தபின், ரூபாவின் பிள்ளைகளுடன் ஹோம் ஒர்க் செய்கிறது. தனது கையில் பேனாவை அழகாக பிடித்து, சொல்லி கொடுப்பதை நோட்டில் எழுதுகிறது.

வாரம் முழுவதும் பள்ளிக்கு செல்லும் குரங்கு, ஞாயிறு மற்றும் விடுமுறை நாட்களில் ரூபாவுடன் வயல்வெளிக்கு செல்வது, மார்க்கெட் ஷாப்பிங் செல்வது உள்பட பல பணிகளில் ஈடுபடுகிறது. மாலை நேரத்தில் கிராமத்தில் உள்ள சிறுவர், சிறுமிகளுடன் விளையாடுவதை யும் வழக்கமாக கொண்டுள் ளது. மனிதர்கள் செய்யும் அனைத்து செய்கைகள் மட்டுமில்லாமல், அனைத்து குணங்களும் குட்டி குரங்கு ராணிக்கு இருப்பதால், ரூபா குடும்பத்தில் மட்டுமல்ல, பிளுகலி கிராமத்தின ரின் செல்ல குழந்தையாக மாறியுள்ளது. கிராமத்தில் நடக்கும் கோயில் விசேஷம் மட்டுமில்லாமல், வீடுகளில் நடக்கும் சுப நிகழ்ச்சியிலும் விருந்தாளியாக குடும்ப பாசத்துடன் கலந்துகொள்கிறது.

-- தினகரன்

ராஜு சரவணன் · ராஜு சரவணன் Tue Jun 25, 2013 3:38 pm

பரவாயில்லை நம்மை விட நன்றாகவே செய்கிறது... புன்னகை

**பார்த்திபன்** · 24/07/2011

சிவா wrote:
பார்த்திபன் wrote:இதையெல்லாம் ஒரு குரங்கு செய்யுது. சின்ன வயசுல இதெல்லாம் நான் செய்ய மாட்டேன்னு சொன்னப்ப என்ன குரங்குன்னு திட்டினாங்க!

உண்மையைக் கூறினால் ஏற்றுக் கொள்ள வேண்டும் பார்த்தி! கோபப்படக் கூடாது!

ஹி,ஹி...முன்னோர்கள் முன்னோர்கள்தான். சும்மாவா சொன்னார்கள், பாம்பின் கால் பாம்பறியும்னு! சிரி

**சிவா** · **சிவா** Tue Jun 25, 2013 5:17 pm

பார்த்திபன் wrote:
சிவா wrote:
பார்த்திபன் wrote:இதையெல்லாம் ஒரு குரங்கு செய்யுது. சின்ன வயசுல இதெல்லாம் நான் செய்ய மாட்டேன்னு சொன்னப்ப என்ன குரங்குன்னு திட்டினாங்க!

உண்மையைக் கூறினால் ஏற்றுக் கொள்ள வேண்டும் பார்த்தி! கோபப்படக் கூடாது!

ஹி,ஹி...முன்னோர்கள் முன்னோர்கள்தான். சும்மாவா சொன்னார்கள், பாம்பின் கால் பாம்பறியும்னு!

அவ்வ்வ்வ்வ்வ்வ்வ்வ்வ்வ்வ்வ்!!! அய்யோ, நான் இல்லை

யினியவன் · யினியவன் Tue Jun 25, 2013 5:20 pm

ஒண்ணும் சொல்றதுகில்ல உளறிக்கொட்டிமாட்டினோபொபியா சிவாவுக்கு

**Aathira** · **Aathira** Tue Jun 25, 2013 5:21 pm

யினியவன் wrote:நாங்களும் அப்படித்தான் ஆனால் வீட்டு பாடம் செய்ய மாட்டோம்

சொல்லலேன்னா தெரியாதா? இதை வேற சொல்லிக்கனுமாக்கும்

பூவன் · பூவன் Tue Jun 25, 2013 5:21 pm

யினியவன் wrote:ஒண்ணும் சொல்றதுகில்ல உளறிக்கொட்டிமாட்டினோபொபியா சிவாவுக்கு

அந்த பொபியா தான் தெரிந்ததே ... புன்னகை

**Dr.சுந்தரராஜ் தயாளன்** · 03/09/2011

ஜாஹீதாபானு wrote:படிச்சு முடிச்சு வேலைக்கும் போகுமா?

ஆம்...தாராளமாக வேலைக்கு போகும் பானு. அப்புறம் நம்ம ஈகரையிலும் உறுப்பினராக ஆகும் (அடடே ...அது நஞ்சன்கூட்டு குரங்கு ஆயிற்றே...அதுக்கு கன்னடம் தான் வரும் தமிழ் வராதே...அப்புறம் எப்படி நம்ம ஈகரையில் உறுப்பினர் ஆகும்?) சரி விடுங்க பானு புன்னகை