வட மாநில வெள்ளம்: இதுவரை 207 பேர் பலி ; மீட்பு விமானம் விபத்தில் சிக்கியது

டேராடூன்: வரலாறு காணாத வெள்ளத்தினால் பாதிக்கப்பட்ட வட மாநிலங்கள் இன்னும் இயல்பு நிலைக்கு திரும்பவில்லை. இங்கு ஏற்பட்ட அழிவுகள் மக்களை பெரும் துயரத்திற் குள்ளாக்கியிருக்கிறது. உத்தர்கண்ட், இமாச்சல பிரதேசத்தில் உள்ள யாத்திரை ஸ்தலங்கள் பல மூழ்கி கிடக்கின்றன. இங்கு வந்த பக்தர்கள் பலர் மீட்கப்பட்டு வருகின்றனர். இன்று மட்டும் 40 உடல்கள் மீட்கப்பட்டுள்ளன.இதற்கிடையில் மீட்பு பணிக்கு சென்ற ஒரு ஹெலிகாப்டர் விழுந்து நொறுங்கியது. இதில் பயணிகள் யாரும் இல்லாததால் உயிர்ச்சதேம் ஏதுமில்லை. பைலட் காயத்துடன் மீட்கப்பட்டார்.

பஞ்சாப், அரியானா, டில்லி, மும்பை, உத்தரகண்ட், இமாச்சல்பிரதேசம் பகுதிகளில் பருவமழை பலமாக பெய்தது. இதில் உத்தரகண்ட், இமாச்சல்பிரதேசம் கடும் பாதிப்பை சந்திதித்திருக்கிறது. நிலச்சரிவில் சிக்கி பலர் இறந்துள்ளனர், யாத்திரை சென்ற பக்தர்கள் ஆங்காங்கே தவித்து வருகின்றனர்.

மீட்பு பணியில் தேசிய பேரிடர் மீட்பு படையினர் மற்றும் துணை ராணுவ படையினர் ஈடுபடுத்தப்பட்டுள்ளனர். 40 க்கும் மேற்பட்ட ஹெலிகாப்டர்கள் வெள்ளத்தில் சிக்கியவர்களை மீட்டு வருகின்றன.

இது தொடர்பாக உள்துறை அமைச்சர் சுஷில்குமார் ஷிண்டே வெள்ள பகுதிகளை இன்று பார்வையிட்டு மீட்பு பணிகள் நிலவரம் குறித்து கேட்டறிந்தார். பின்னர் அவர் செய்தியாளர்களிடம் பேசுகையில்; இதுவரை பலியானோர் எண்ணிக்கை 207 பேர் என உறுதி செய்யப்பட்டுள்ளது. இன்னும் 50 ஆயிரம் பேர் தவித்து வருகின்றனர். உயிர்ப்பலி அதிகரிக்கும் என அஞ்சப்படுகிறது. கேதார்நாத் கடும் பாதிப்பிற்குள்ளாகயிருக்கிறது. மீட்பு பணியில் முழு அளவில் கவனம் செலுத்தி வருகிறோம். இவ்வாறு அவர் கூறினார்.

எம்.பி.,க்கள் நிதி;

சோனியா அறிவுறுத்தல்: இதற்கிடையில் வெள்ள சேத மீட்புக்கென அனைத்து எ.பி.,க்களும் தங்களின் ஒரு மாத சம்பளத்தை வழங்க வேண்டும் என காங்., தலைவர் சோனியா வேண்டுகோள் விடுத்துள்ளர்.
சென்னை வந்தனர் பக்தர்கள்: இதற்கிடையில் வெள்ளத்தில் சிக்கிய தமிழகத்தை சேர்ந்த 83 பேர் இன்று சென்னை வந்து சேர்ந்தனர். இவர்களை மீட்க தமிழகத்தில் இருந்து அதிகாரிகள் குழு உத்தரகண்ட் சென்று அழைத்து வந்தனர்.

45 மீட்பு விமானங்கள்: திவாரி: இன்று நிருபர்களிடம் பேசிய செய்தி மற்றும் தகவல் தொடர்பு துறை அமைச்சர் மணீஷ்திவாரி நிருபர்களிடம் கூறுகையில்; தேசமுற்ற பகுதிகிளில் மீட்பு பணிகள் துரிதப்பபடுத்தப்பட்டுள்ளன. காபினட் செயலர்கள் தலைமையிலான அணிகள் இந்த பணியை கண்காணித்து வருகின்றனர். மின்சாரம், பல பகுதிகளில் தடை பட்டுள்ளது. போன் டவர்கள் சீர்செய் யப்பட்டு தொடர்புகள் சீர் செய்யப்பட்டு வருகின்றன. சமையல் எரிவாயு சப்ளை வழங்க போதிய நடவடிக்கைகள் எடுக்கப்பட்டு வருறது. ஹரித்துவார் மற்றும் டில்லி பகுதிகளுக்கு சிறப்பு ரயில்கள் இயக்க உத்தரவிடப்பட்டுள்ளன.

மீட்க சென்ற விமானம் விபத்தில் சிக்கியது: உத்தர்கண்ட் மாநிலத்தில் தனியாருக்கு சொந்தமான மீட்பு ஹெலிகாப்டர் ஒன்று திடீரென விபத்திற்குள்ளானது. இதில் வெள்ளத்தில் சிக்கியவர்கள் யாரும் இல்லை எனவும், பைலட் மட்டுமே இருந்ததாகவும் கூறப்படுகிறது. காயமுற்ற பைலட் மீ்ட்கப்பட்டு ஆஸ்பத்திரிக்கு அனுப்பி வைக்கப்பட்டார். உயிர் சேதம் ஏதும் இல்லை .

தினமலர்

இங்க மழையே இல்லாம வரண்டு கிடக்குது

அங்க வரலாறு காணாத வெள்ளம் ...