தோஷம்! சந்தோஷம்!

**சிவா** · **சிவா** Thu 20 Jun 2013 - 2:56

கலைவாணர் என்.எஸ்.கிருஷ்ணன் ஒரு நாடகத்தில் வித்வான் வேடத்தில் தோன்றினார். வித்வானுடைய மனைவியாக வந்த நடிகை அவரைக் கொஞ்சம் திண்டாட விட வேண்டும் என்று எண்ணி,""ஏன்னா, நீங்களும் பல ராஜாக்கள் கிட்டே சன்மானம், சால்வையெல்லாம் வாங்கிண்டு வந்துட்டேள். பெரிய வித்துவான்னு பேரும் வந்துடுத்து. ரொம்ப நாளா எனக்கு ஒரு சந்தேகம். தோஷம் என்கிற வார்த்தைக்கும், சந்தோஷம் என்கிற வார்த்தைக்கும் என்ன வித்தியாசம்? சொல்லுங்கோ! பார்க்கலாம்!'' என்றாள்.

ஒரு நிமிஷம் யோசித்தார் என்.எஸ்.கே. ""அடியே, நீ கேட்ட இந்தக் கேள்விக்கு வியாக்கியானம் இல்லாமல் வித்தியாசத்தைச் சொல்ல முடியாது. கவனமாய்க் கேள்! உன்னை நானாகக் கிணற்றிலே பிடிச்சுத் தள்ளினால் அது தோஷம்! நீயாக விழுந்துவிட்டாலோ எனக்கு சந்தோஷம்! சரிதானா?'' என்றார். கொட்டகையில் எழுந்த சிரிப்பொலி அடங்க வெகுநேரமாயிற்று.