சென்னையில் 31 மலிவு விலை காய்கறி கடைகள்

soplangi · soplangi Wed Jun 19, 2013 2:04 pm

பருவமழை பொய்த்ததால் காய்கறிகள் விளைச்சல் குறைந்தது. வரத்து குறைந்ததால் அனைத்து காய்கறிகளின் விலையும் உயர்ந்தது. காய்கறிகள் விலை உயர்வினால் ஏழை, எளிய, நடுத்தர மக்கள் பாதிக்கப்படக்கூடாது என்பதற்காக முதல்-அமைச்சர் ஜெயலலிதா பண்ணை பசுமை நுகர்வோர் கடைகளை திறக்க முடிவு செய்தார்.

வெளி மார்க்கெட்டுகளில் காய்கறிகள் விலையேற்றத்தை கட்டுப்படுத்த வேண்டும் என்ற உயர்ந்த நோக்கத்தில் இத்திட்டத்தை அவர் அறிமுகம் செய்கிறார். நியாயமான விலையில் தரமான காற்கறிகளை விற்க பண்ணை பசுமை நுகர்வோர் கடைகள் 31 இடங்களில் திறக்கப்படுகிறது.

சென்னை மற்றும் புறநகர் பகுதி மக்கள் பயன்பெறும் வகையில் இந்த காய்கறி கடைகள் திறப்பு விழா நாளை (20-ந்தேதி) 12 மணிக்கு நடக்கிறது. முதல்-அமைச்சர் ஜெயலலிதா தேனாம்பேட்டையில் உள்ள டி.யு.சி.எஸ் காமதேனு சிறப்பங்காடியில் உள்ள பண்ணை-பசுமை காய்கறி கடையை தலைமை செயலகத்தில் வீடியோ கான்பரன்ஸ் மூலம் திறந்து வைக்கிறார். இதையடுத்து பொதுமக்கள் நியாயமான விலையில் தரமான அனைத்து காய்கறிகளையும் வாங்கி செல்லலாம்.

சென்னையில் திருவல்லிக்கேணி பெரிய தெருவில் உள்ள டி.யு.சி.எஸ். சிறப்பங்காடியிலும், கீழ்பாக்கம் உள்ளிட்ட 5 இடங்களிலும், சிந்தாமணி கூட்டுறவு சங்கம் மூலம் அண்ணா நகர், திருமங்கலத்திலும், இப்புதிய காய்கறி கடைகள் திறக்கப்படுகிறது. காஞ்சிபுரம் கூட்டுறவு பண்டக சாலை மூலம் தாம்பரம் உள்ளிட்ட புறநகர் பகுதியிலும், பார்க்டவு்ன், ரெயின்போ கூட்டுறவு சங்கங்கள் மூலமும் இக்கடைகள் திறக்கப்படுகின்றன.

இது தவிர 2 மொபைல் வாகனங்களிலும் காய்கறிகள் குறைந்த விலையில் விற்க திட்டமிடப்பட்டுள்ளது. நகரின் முக்கியமான இடங்களில் இந்த வாகனம் செல்லும்போது பொதுமக்கள் காய்கறிகள் வாங்கி பயன்பெறலாம். முன்னதாக நேப்பியார் பாலம் அருகே அமைக்கப்பட்டுள்ள சட்டசபை வைர விழா நினைவு வளைவை முதல்-அமைச்சர் ஜெயலலிதா திறந்து வைக்கிறார்.

-- மாலைமலர்

ராஜு சரவணன் · ராஜு சரவணன் Wed Jun 19, 2013 2:47 pm

பலே பலே நல்ல காரியம் தான் புன்னகை

ஏற்கனவே நியாய விலை கடைகளில் விலை மலிவான அரிசி வழங்கும் திட்டம் என்ன ஆனதென்று தெரியவில்லை, அதற்குள் இது வேறைய.

பூவன் · பூவன் Wed Jun 19, 2013 2:49 pm

ராஜு சரவணன் wrote:பலே பலே நல்ல காரியம் தான்

ஏற்கனவே நியாய விலை கடைகளில் விலை மலிவான அரிசி வழங்கும் திட்டம் என்ன ஆனதென்று தெரியவில்லை, அதற்குள் இது வேறைய.

அரிசி தான் இப்போ இட்லி தோசை ஆகிவிட்டதே ?

அரிசிக்கு அரிசி போட்டுவிட்டார்கள் ... சோகம்