ஹெலிகாப்டரை போல பறக்கும் நவீன சைக்கிள்

soplangi · soplangi Tue Jun 18, 2013 4:23 pm

http://www.dailythanthi.com/dt/sites/default/files/flying-bicycle186201302.jpg

http://www.dailythanthi.com/dt/sites/default/files/flying-bicycle186201301.jpg

ஹெலிகாப்டர் போன்று வானில் பறக்க கூடிய நவீன சைக்கிள் ஒன்றை இங்கிலாந்து நாட்டை சேர்ந்த யான்ரிக் ரெட், ஜான் போடன் என்ற 2 என்ஜினீயர்கள் உருவாக்கி இருக்கிறார்கள். ‘எக்ஸ்புலோஸ் ஏர் எக்ஸ்–1’ என்று பெயரிட்டுள்ள இந்த சைக்கிள் 4 சக்கரம், ஒரு இருக்கை மற்றும் அதன் பின்பகுதியில் விசிறிகள் அமைந்திருக்கிறது. அதை இயக்க இயற்கை எரிவாயுவை கொண்டு (புகை வெளியிடாத எரிபொருள்) செயல்படும் 249 சி.சி. திறன் எந்திரம் உள்ளது. இதனால் இந்த நவீன சைக்கிள் நிற்கும் இடத்தில் இருந்தபடியே ஹெலிகாப்டரை போல உயரே கிளம்பி பறக்கும் திறன் படைத்தது. சுமார் 4 ஆயிரம் அடி உயரத்திற்கு செல்ல முடியும். அத்துடன் மணிக்கு 25 கிலோ மீட்டர் வேகத்தில் தொடர்ச்சியாக 3 மணி நேரம் பயணிக்க இயலும்.

இதுபற்றி கண்டுபிடிப்பாளர் யான்ரிக் ரெட் கூறும்போது, ‘அடுக்குமாடி குடியிருப்பு மற்றும் அலுவலக மாடியில் இருந்தபடி இதை இயக்க முடியும். பொதுமக்களிடம் இருந்து கிடைக்கும் வரவேற்பை பொறுத்து, இதன் தயாரிப்பை அதிகரிக்க திட்டமிட்டுள்ளோம். சொகுசு கார் விற்பனையை விட இதன் விலை குறைவாகவே இருக்கும்’ என்கிறார்.

அநேகமாக இந்த பறக்கும் சைக்கிள் 15 ஆயிரம் பவுண்ட் (ரூ.12 லட்சம்) விலை நிர்ணயிக்கப்படலாம் என எதிர்பார்க்கப்படுகிறது. அதுமட்டுமின்றி இதை பயன்படுத்த லைசென்சு தேவை இல்லையாம். எனவே போக்குவரத்து நெரிசல் இன்றி உல்லாசமாக பயணம் செய்ய விரும்புபவர்களுக்கு இது பெரிதும் உதவியாக இருக்கும் என்றும் நம்புகிறார்கள்.

-- தினத்தந்தி