திருக்குறளே தேசிய நூல்

**Dr.சுந்தரராஜ் தயாளன்** · 03/09/2011

First topic message reminder :

தமிழகக் கவிஞர் கலை இலக்கியச் சங்கம் சார்பில் “திருக்குறள் தேசிய நூல் மாநாடு” சென்னை மாநகரம் அம்பத்தூரில் 16 – 06 – 2013 ல் நடைபெற்றது. சங்கத்தின் பொதுச்செயலாளர், செம்மொழிப் போராளி கவிஞர் க. ச. கலையரசன் அவர்களின் அழைப்பை ஏற்று பெங்களூரில் இருந்து நானும் கலந்துகொண்டேன். கவியரங்கம், கருத்தரங்கம், ஆய்வரங்கம் என்று பலபிரிவுகளில் நிறையப்பேர் சிறப்புரையாற்றினர்.

கவியரங்கில் நானும் கலந்துகொண்டு ‘’திருக்குறளே தேசிய நூல்” என்ற தலைப்பில் முற்றிலும் குறள்வெண்பாவில் ஆனதும் ஒன்றோடொன்று அந்தாதியால் தொடர்புடையதுமான குறள்வெண்பாக்களைப் படித்து பெரும்பாலோரின் பாராட்டுதலைப் பெற்றேன். அந்தக் கவிதை கீழே இணைத்துள்ளேன். படங்களுக்கு இந்த இணைப்பைச் சுட்டவும்.

http://www.eegarai.net/t100185-topic#978891

திருக்குறளே தேசிய நூல்

வந்தனம் சொல்லி வணங்கிடுவோம் வள்ளுவரை
தந்தார் தமிழ்நெறியை என்று

என்றுமே மங்காத ஏற்புடைய நல்விளக்காம்
குன்றின்மே லிட்ட குறள்

குறள்தனையே பன்மொழியில் கூட்டிப் பெயர்த்தே
அறம்பெற்றார் மேல்நாட்டார் அங்கு

அங்குள்ளோர் நற்குறளில் ஆய்வுமிகச் செய்கின்றார்
இங்குசினி மாவேதான் ஈர்ப்பு !

ஈர்ப்பைத் திசைதிருப்ப இன்முகமாய் நற்குறளை
தீர்வாய்த் தினம்படிப்ப தே

தேசிய நூலாகத் தேர்வுசெய் என்றுரைத்தே
பேசினார் பண்டுபல பேர்

பேர்பெற்ற பேரறிஞர் பீடுடைய பாவலர்கள்
சீர்மிகவே செப்பினார் சேர்ந்து

சேர்ந்துரைத்த போதிலும் சேர்க்கவில்லை தேசியம்தான்
சோர்ந்துபோ காதே தொடரு

தொடர்கவே விண்ணப்பம் சோர்விலாப் பேச்சு
இடர்நீங்கும் ஏற்பார் இனிது

இனிதெங்கள் தேசியநூல் ஏற்புடைய முப்பால்
இனிதென்று வேறுண்டோ இங்கு?

----- முனைவர். சுந்தரராஜ் தயாளன், பெங்களூரு.

**சிவா** · **சிவா** Tue Jun 18, 2013 9:00 pm

Dr.சுந்தரராஜ் தயாளன் wrote:இனிதெங்கள் தேசியநூல் ஏற்புடைய முப்பால்
இனிதென்று வேறுண்டோ இங்கு?

திருக்குறளே தேசிய நூல் தலைப்பில் அருமையான கவி படைத்து பட்டயமும் பெற்றுள்ளீர்கள், பாராட்டுக்கள் அண்ணா!

**Dr.சுந்தரராஜ் தயாளன்** · 03/09/2011

[quote="சாமி"]அருமையான குறள் வெண்பா அந்தாதி!
முன்னரே சொல்லியிருந்தால் நாங்களும் கலந்து கொண்டிருப்போமே ஐயா! இருப்பினும் மிக்க மகிழ்ச்சி! வாழ்த்துக்கள் ஐயா!
...................................................

மன்னிக்கவும் சாமி அவர்களே. இந்த அமைப்பின் செயலாளர் கலையரசன் அவர்களிடம் இருந்து எனக்கு இ-மெயில் வந்தபோழ்து இரண்டுநாள் அவகாசம் தான் இருந்தது. ஒருநாளில் யோசித்து குறள் வெண்பாவில் எழுதினால் நன்றாக இருக்கும் என முடிவு செய்து ஒரே நாளில் இந்த வெண்பாக்களை எழுதி அனுப்பினேன். பின்பு இரயில் பயணச்சீட்டு வாங்க அலையவேண்டியதாகி விட்டது. ஆகவேதான் இந்த நிகழ்ச்சி குறித்து ஈகரையில் தெரிவிக்க முடியவில்லை. :வணக்கம்:

**Dr.சுந்தரராஜ் தயாளன்** · 03/09/2011

சதாசிவம் wrote:வாழ்த்துகள் அய்யா... அழகான குறள் வெண்பா அந்தாதி அருமை..

மிகவும் நன்றி தம்பி சதாசிவம் புன்னகை

**பார்த்திபன்** · 24/07/2011

குறள்வெண்பா மிகவும் அருமை!

**Dr.சுந்தரராஜ் தயாளன்** · 03/09/2011

சிவா wrote:
Dr.சுந்தரராஜ் தயாளன் wrote:இனிதெங்கள் தேசியநூல் ஏற்புடைய முப்பால்
இனிதென்று வேறுண்டோ இங்கு?

திருக்குறளே தேசிய நூல் தலைப்பில் அருமையான கவி படைத்து பட்டயமும் பெற்றுள்ளீர்கள், பாராட்டுக்கள் அண்ணா!

மிகவும் நன்றி சிவா. புன்னகை

**Dr.சுந்தரராஜ் தயாளன்** · 03/09/2011

பார்த்திபன் wrote:குறள்வெண்பா மிகவும் அருமை!

மிகவும் நன்றி பார்த்திபன் மகிழ்ச்சி

**ஹிஷாலீ** · **ஹிஷாலீ** Thu Jun 27, 2013 10:53 am

கவிதை அருமை ஐயா எனக்கும் இந்த அழைப்பிதழ் வந்தது ஆனால் என்னால் கலந்து கொள்ளமுடியவில்லை இப்போது உங்கள் கவிதையும் போட்டோவையும் பார்க்கையில் மிஸ் பண்ணிடோனோ என்று தோணுகிறது . பல பெரியவர்களை சந்திக்கும் வாய்ப்பை இழந்துவிட்டேனோ என்று எண்ணுகிறேன்

**அகல்** · **அகல்** Thu Jun 27, 2013 11:13 am

மிகவும் அருமை ஐயா...

Sponsored content · Sponsored content

திருக்குறளே தேசிய நூல்

திருக்குறளே தேசிய நூல்

Re: திருக்குறளே தேசிய நூல்

Re: திருக்குறளே தேசிய நூல்

Re: திருக்குறளே தேசிய நூல்

Re: திருக்குறளே தேசிய நூல்

Re: திருக்குறளே தேசிய நூல்

Re: திருக்குறளே தேசிய நூல்

Re: திருக்குறளே தேசிய நூல்

Re: திருக்குறளே தேசிய நூல்

Re: திருக்குறளே தேசிய நூல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக