இயக்குனர்- நடிகர் மணிவண்ணன் மாரடைப்பால் திடீர் மரணம்

soplangi · soplangi Sat Jun 15, 2013 2:27 pm

First topic message reminder :

இயக்குனர்- நடிகர் மணிவண்ணன் மாரடைப்பால் திடீர் மரணம் - Page 2 8df506f8-8897-4117-bfeb-6dc207ee3a5d_S_secvpf

பிரபல இயக்குனரும், நடிகருமான மணிவண்ணன் மாரடைப்பால் இன்று திடீர் மரணம் அடைந்தார். அவருக்கு வயது 58.

சென்னை நெசப்பாக்கத்தில் ஆர்.வி.ஆர். ஹவுஸ் குடியிருப்பு பகுதியில் மணிவண்ணன் குடும்பத்துடன் வசித்தார். இன்று பகல் 12 மணிக்கு வீட்டில் உட்கார்ந்து இருந்தார். அப்போது திடீர் மாரடைப்பு ஏற்பட்டது. முதுகு வலிப்பதாக வீட்டில் இருந்தவர்களிடம் கூறினார். அடுத்த நிமிடம் மயங்கி கீழே சாய்ந்து இறந்து போனார். மணிவண்ணன் உடல் பொதுமக்கள் அஞ்சலிக்காக வீட்டில் வைக்கப்பட்டு உள்ளது.

மணிவண்ணன் 400 படங்களுக்கு மேல் நடித்துள்ளார். 50 படங்கள் டைரக்டு செய்துள்ளார்.

கோவை மாவட்டத்தில் உள்ள சூலூர் இவரது சொந்த ஊர் ஆகும். பாரதிராஜாவிடம் 1979-ல் உதவி இயக்குனராக சேர்ந்தார். நிழல்கள், அலைகள் ஓய்வதில்லை, காதல் ஓய்வதில்லை படங்களுக்கு கதை, வசனம் எழுதினார். கோபுரங்கள் சாய்வதில்லை என்ற படத்தை 1982-ல் முதன்முதலாக டைரக்டு செய்தார்.

இளமை காலங்கள், இங்கேயும் ஒரு கங்கை, நூறாவது நாள், பாலைவன ரோஜாக்கள், முதல் வசந்தம், ஜல்லிக்கட்டு, சின்னதம்பி பெரியதம்பி, அமைதிப்படை, ஆண்டான் அடிமை உள்ளிட்ட பல ஹிட் படங்களை டைரக்டு செய்துள்ளார்.

கடைசியாக சத்யராஜை வைத்து அமைதிபடை 2-ம் பாகத்தை 'நாகராஜ சோழன் எம்.ஏ. எம்.எல்.ஏ.' என்ற பெயரில் இயக்கி வெளியிட்டார்.

நிழல்கள் படத்தில் சிறு வேடத்தில் நடித்தார். காமெடி மற்றும் குணசித்திர வேடத்தில் நிறைய படங்களில் நடித்துள்ளார். வில்லன், துள்ளாத மனமும் துள்ளும், குருவி, தம்பி, எங்கள் அண்ணா, பம்மல் கே.சம்பந்தம், மாயி, படையப்பா, கொடி பறக்குது, தாய்மாமன் உள்பட 400-க்கும் மேற்பட்ட படங்களில் நடித்துள்ளார்.

மணிவண்ணனுக்கு செங்கமலம் என்ற மனைவியும், ரகுவண்ணன் என்ற மகனும், ஜோதி என்ற மகளும் உள்ளனர். இறுதி சடங்கு நாளை நடக்கிறது

-- மாலைமலர்

**ராஜா** · **ராஜா** Sat Jun 15, 2013 4:25 pm

மிக வருத்தமாக உள்ளது,
//இன்று பகல் 12 மணிக்கு வீட்டில் உட்கார்ந்து இருந்தார். அப்போது திடீர் மாரடைப்பு ஏற்பட்டது. முதுகு வலிப்பதாக வீட்டில் இருந்தவர்களிடம் கூறினார். அடுத்த நிமிடம் மயங்கி கீழே சாய்ந்து இறந்து போனார். //
இது போன்ற ஒரு மரணம் கிடைக்க கொடுத்துவைக்க வேண்டும்
அன்னாரது ஆத்மா சாந்தியடைய இறைவனை வேண்டிக்கொள்கிறேன்.

**Muthumohamed** · **Muthumohamed** Sat Jun 15, 2013 4:32 pm

ராஜா wrote:மிக வருத்தமாக உள்ளது,
//இன்று பகல் 12 மணிக்கு வீட்டில் உட்கார்ந்து இருந்தார். அப்போது திடீர் மாரடைப்பு ஏற்பட்டது. முதுகு வலிப்பதாக வீட்டில் இருந்தவர்களிடம் கூறினார். அடுத்த நிமிடம் மயங்கி கீழே சாய்ந்து இறந்து போனார். //
இது போன்ற ஒரு மரணம் கிடைக்க கொடுத்துவைக்க வேண்டும்
அன்னாரது ஆத்மா சாந்தியடைய இறைவனை வேண்டிக்கொள்கிறேன்.

எனது கருத்தும் இது தான்

யாருக்கும் எந்த சிரமமும் கொடுக்காமல் செல்வது தான் சிறந்தது

**டார்வின்** · **டார்வின்** Sat Jun 15, 2013 4:39 pm

அவரின் ஆத்மா சாந்தியடைய இறைவனை வேண்டிக்கொள்கிறேன்,,,,,,,,,,,,,,,,,,,,,,,

Guest · Guest Sat Jun 15, 2013 5:17 pm

மாரடைப்பின் காரணமாக இன்று தனது 59ம் வயதில் உயிரிழந்த மணிவண்ணன் அவர்களின் உடலுக்கு அவரின் ஆசைப்படியே புலிக்கொடி போர்த்தபட்டது...

இயக்குனர்- நடிகர் மணிவண்ணன் மாரடைப்பால் திடீர் மரணம் - Page 2 Gfnt

இயக்குனர்- நடிகர் மணிவண்ணன் மாரடைப்பால் திடீர் மரணம் - Page 2 Gfnt

கடந்த வருடம் ஒரு மேடை பேச்சின்போது "இனி நான் இருப்பது எத்தனை காலமோ தெரியாது. நான் இறந்துவிட்டால் என் உடலில் புலிக்கொடி போர்த்தி இறுதி நிகழ்ச்சிகளை செய்யுங்கள். இதுதான் என் விருப்பம்." என்று அவர் கூறி இருந்தது குறிப்பிடத்தக்கது.

**ராஜா** · **ராஜா** Sat Jun 15, 2013 5:21 pm

புரட்சி wrote:மாரடைப்பின் காரணமாக இன்று தனது 59ம் வயதில் உயிரிழந்த மணிவண்ணன் அவர்களின் உடலுக்கு அவரின் ஆசைப்படியே புலிக்கொடி போர்த்தபட்டது...

கடந்த வருடம் ஒரு மேடை பேச்சின்போது "இனி நான் இருப்பது எத்தனை காலமோ தெரியாது. நான் இறந்துவிட்டால் என் உடலில் புலிக்கொடி போர்த்தி இறுதி நிகழ்ச்சிகளை செய்யுங்கள். இதுதான் என் விருப்பம்." என்று அவர் கூறி இருந்தது குறிப்பிடத்தக்கது.

தகவலுக்கு மிக்க நன்றி புரட்சி

**Aathira** · **Aathira** Sat Jun 15, 2013 6:10 pm

இயக்குநர் மணிவண்ணன் இயற்கை எய்தியதினார் என்னும் செய்தி இதயத்துள் கனக்கிறது. ஒரு சில மணி நேரங்கள் அவருடன் பேசி, சிரித்து மகிழ்ந்ததை மனம் அசை போடுகிறது. அவர் என்னிடம் வைத்த வேண்டுகோளை நிறைவேற்ற முடியவில்லை. வருந்துகிறேன். குழந்தை மனத்துடன் பேசியதை, அவரது கைப்பேசியில் புகைப்படம் எடுத்த்க்கொண்டதை, “நான் படிக்காதவன்ம்மா, எனக்கு இலக்கியத்தில் இருக்கும் வைதீக முறைத் திருமணங்கள் எப்படி நடந்தன? முக்கியமாகக் கண்ணகி, சீதை, பாஞ்சாலி போன்றோரின் திருமணம் குறித்த செய்திகளை எழுதித் தாருங்கள். நான் நடத்தி வைக்கும் சுயமரியாதைத் திருமணங்களில் அதைப் பற்றி பேச வேண்டும்” என்று கேட்டுக்கொண்டதை எப்படி மறக்க? சில திங்களுக்கு முன்னர் அழைத்து அடுத்த மாதம் தருகிறேன் என்று கூறினேன். இன்னொரு செய்தியும். நான் நடத்திய நெய்தலங்கானல் பைந்தமிழ்ச் சோலை என்னும் சங்க இலக்கிய அமைப்பின் இலக்கியக் கூட்டத்திற்கு “அருகில்தானே இருக்கிறது வருகிறேன்” என்று கூறினார். நான் வேண்டாம். அது தரைக்கூட்டம்.உங்களால் தரையில் அமர முடியாது என்றேன்.அப்போது அவர் முதுகுத்தண்டுவட அறுவைச் சிகிச்சை செய்து கொண்டு அமரச் சிரம்ப பட்டுக்கொண்டு இருந்தார் மிகவும் வருந்துகிறேன். அந்தக் கருப்புச் சட்டைக்குள் ஆர்ப்பரித்த வெள்ளை உள்ளம் அமைதி அடையட்டும். வீர வணக்கம்

இயக்குனர்- நடிகர் மணிவண்ணன் மாரடைப்பால் திடீர் மரணம் - Page 2 1017385_548211108554428_1089115365_n

இயக்குனர் மணிவண்ணைப் பற்றி..அந்த விழாவில் நான் வாசித்த கவிதை.. இன்று கண்களின் நீர்த்தாரைகளுடன்....

கருஞ்சிறுத்தைக் கூட்டம்
இவன்
கன்னத் தாடி
கண்ணிரண்டும்????
கன்னி வெடி
என்ன முரண்?
மணிவண்ணன் கருத்த மெய்யில்
கலங்கமில்லா
வெள்ளை உள்ளம்
வெள்ளித்திரை சிரிப்புக்கு.....
பல்லே இவன் தான்!
நாவில்
சொல்லணையைக் க்ட்டி வைத்து
நல்ல தமிழ் சிந்தனையை
இயக்குகின்றான்.

**Aathira** · **Aathira** Sat Jun 15, 2013 6:17 pm

Muthumohamed wrote:
ராஜா wrote:மிக வருத்தமாக உள்ளது,
//இன்று பகல் 12 மணிக்கு வீட்டில் உட்கார்ந்து இருந்தார். அப்போது திடீர் மாரடைப்பு ஏற்பட்டது. முதுகு வலிப்பதாக வீட்டில் இருந்தவர்களிடம் கூறினார். அடுத்த நிமிடம் மயங்கி கீழே சாய்ந்து இறந்து போனார். //
இது போன்ற ஒரு மரணம் கிடைக்க கொடுத்துவைக்க வேண்டும்
அன்னாரது ஆத்மா சாந்தியடைய இறைவனை வேண்டிக்கொள்கிறேன்.

எனது கருத்தும் இது தான்

யாருக்கும் எந்த சிரமமும் கொடுக்காமல் செல்வது தான் சிறந்தது

ஓராண்டுக்கு முன்னரே வேறு வித உபாதையில் இருந்தார். முதுகுத் தண்டுவடத்தில் அறுவைச் சிகிச்சை செய்து கொண்டு அதிக நேரம் அமர முடியாது இருந்தார். அப்படியும் எண்ணற்ற விழாக்களில் பங்கு பெறுவார்.

நம்ம நெய்தலங்கானல் பைந்தமிழ்ச் சோலைக்கும் ஒரு முறை வருகிறேன் என்றார். நான் தான் அது தரைக்கூட்டம் உங்களால் அமர முடியாது வேண்டாம் என்றென். அழுகை

**கரூர் கவியன்பன்** · 23/09/2012

சில தினங்களுக்கு முன்பு தான் அவருடைய பேட்டியை காண நேர்ந்தது.அதில் அவர் கூறிய வார்த்தைகளை நினைக்கையில் மனம் விம்முகிறது இன்று.

கவிஞர் கே இனியவன் · 13/06/2013

என்னையும் எம் மக்களையும் பொருத்தமட்டில் ...
தமிழ் பற்றாளர் மறைவு தாங்க முடியாத துயர் ....

**krishnaamma** · **krishnaamma** Sun Jun 16, 2013 4:01 pm

அவரின் ஆத்மா சாந்தி அடையட்டும் :வணக்கம்:

Sponsored content · Sponsored content

இயக்குனர்- நடிகர் மணிவண்ணன் மாரடைப்பால் திடீர் மரணம்

இயக்குனர்- நடிகர் மணிவண்ணன் மாரடைப்பால் திடீர் மரணம்

Re: இயக்குனர்- நடிகர் மணிவண்ணன் மாரடைப்பால் திடீர் மரணம்

Re: இயக்குனர்- நடிகர் மணிவண்ணன் மாரடைப்பால் திடீர் மரணம்

Re: இயக்குனர்- நடிகர் மணிவண்ணன் மாரடைப்பால் திடீர் மரணம்

Re: இயக்குனர்- நடிகர் மணிவண்ணன் மாரடைப்பால் திடீர் மரணம்

Re: இயக்குனர்- நடிகர் மணிவண்ணன் மாரடைப்பால் திடீர் மரணம்

Re: இயக்குனர்- நடிகர் மணிவண்ணன் மாரடைப்பால் திடீர் மரணம்

Re: இயக்குனர்- நடிகர் மணிவண்ணன் மாரடைப்பால் திடீர் மரணம்

Re: இயக்குனர்- நடிகர் மணிவண்ணன் மாரடைப்பால் திடீர் மரணம்

www.karurkaviyanban.blogspot.in

Re: இயக்குனர்- நடிகர் மணிவண்ணன் மாரடைப்பால் திடீர் மரணம்

Re: இயக்குனர்- நடிகர் மணிவண்ணன் மாரடைப்பால் திடீர் மரணம்

Re: இயக்குனர்- நடிகர் மணிவண்ணன் மாரடைப்பால் திடீர் மரணம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக