இங்கிலாந்து இளவரசர் வில்லியம் உடலில் இந்தியரின் மரபணு

லண்டன் : இங்கிலாந்து இளவரசர் வில்லியம் மற்றும் ஹாரியின் தாயான டயானாவின் பெற்றோர் குறித்து ஆய்வு நடத்தினர். இதில் தெரியவந்ததாவது:
டயானாவின் அம்மா பெயர் கேதரீன். இவரது தந்தை தியோடர் போர்ப்ஸ். ஸ்காட்லாந்தை சேர்ந்தவர். கிழக்கிந்திய கம்பெனி, இந்தியாவை ஆண்டு கொண் டிருந்தபோது, சூரத்தில் இருந்த அவர்களின் கம்பெனியில் இவர் பணியாற்றியுள்ளார்.அப்போது எலிசா நெவார்க் என்ற இந்திய பெண்ணுடன் அவருக்கு தொடர்பு ஏற்பட்டுள்ளது. இருவரும் கணவன், மனைவியாக வாழ்ந்துள்ளனர். இதில் அவர்களுக்கு பிறந்த மகள்தான் கேதரீன்.

பின்னாளில், எலிசாவிடம் சொல்லாமல் கொள்ளாமல், தியோடர் தனது குழந்தையுடன் இங்கிலாந்துக்கு சென்றுவிட் டார். இவ்வாறு ஆய்வில் தெரியவந்தது.
சாதாரணமாக தாயிடம் இருந்து மரபணு, அவரின் குழந்தைக்கு செல்லும். இதன்படி பார்த்தால், எலிசாவின் மரபணு, கேதரீனுக்கும், கேதரீன் மூலம் டயானாவு க்கும், டயானா மூலம் அவரது குழந்தைகள் வில்லியம் மற்றும் ஹாரிக்கு வந்திருக்க வேண்டும். தியோடர் பற்றி கூறப்படும் செய்திகள் உண்மை என்றால், இதுவும் உண்மையாக இருக்க வேண்டும்.

இதையடுத்து, இங்கிலாந்தில் உள்ள, மரபணு மூலம் வம்சாவழியை கண்டறியும் நிறுவனமா பிரிட்டன் டிஎன்ஏ, எலிசாவின் நேரடி வாரிசுகள் சிலரிடம் இருந்து எச்சில் மூலம் டிஎன்ஏவை பரிசோதித்தது. இதில், வில்லியம், ஹாரியின் உடலில் இருக்கும் அதே மரபணு, எலிசாவின் நேரடி வாரிசுகளிடமும் இருந்தது. இதன் மூலம் வில்லியம்ஸ் உடலில் இந்திய மரபணு இருப்பது உறுதியாகியுள்ளது. இது தற்போது பரபரப்பை ஏற்படுத்தி உள்ளது.

-- தினகரன்

லண்டன் : இளவரசர் வில்லியமின் உடலில் இந்திய வம்சாவளிக்கான டிஎன்ஏ இருப்பது தெரிய வந்துள்ளது. சமீபத்தில் அவரிடம் நடத்தப்பட்ட சலைவா மாதிரி சோதனையில், அவரது தாய் டயானா வழியில் இருந்து இந்திய வம்சாவளிக்கான டி.என்.ஏ., கூறுகள் இருப்பது தெரிய வந்துள்ளது. ஐரோப்பிய இளவரசர் ஒருவர் இந்திய வம்சாவளி மரபணுக்களுடன் இருப்பது இதுவே முதல் முறையாகும். எலிசா கிவார்க் என்பவர் வில்லியமின் கொள்ளு தாத்தாவிடம் பணியாளராக பணியாற்றி உள்ளார். கிழக்கிந்திய கம்பெனிகளில் இருந்த இவர் குஜராத்தின் சூரத்தில் பணியாற்றி உள்ளார். எலிசாவின் டிஎன்ஏ மூலம் டயானாவிற்கும், அவர் மூலம் வில்லியம் மற்றம் ஹாரிக்கு இந்திய வம்சாவளி டிஎம்ஏ வந்திருக்கலாம் என கூறப்படுகிறது.

-- தினமலர்

உலகம் முழுதும் இந்தியர்கள் பரவிக் கிடக்கும் பொழுது அதில் ஆச்சரியப்பட என்ன உள்ளது!

சிவா wrote:உலகம் முழுதும் இந்தியர்கள் பரவிக் கிடக்கும் பொழுது அதில் ஆச்சரியப்பட என்ன உள்ளது!

இது சூப்பரு

குரங்கில் இருந்து வந்த மனிதன் எந்த ஊர் குரங்கா இருந்தா என்னவாம்?