நடிகர் விஜயகாந்தின் பிறந்தநாள் அறிக்கை!

நடிகர் விஜயகாந்திற்கு இன்று 59-வது பிறந்தநாள் ஆகும். நடித்திக் கொண்டிருக்கும் போதே, இவர் தே.மு.தி.க என்ற கட்சியை துவங்கி நடத்தி வருகிறார். ஆதலால் இவரது பிறந்த நாளை இவரது ரசிகர்களும், இவருடைய கட்சித் தொண்டர்களும் கொண்டாடி வருகின்றனர். இந்நிலையில் விஜயகாந்த் வெளியிட்டுள்ள பிறந்தநாள் அறிக்கையில் கூறியிருப்பதாவது;

எனது பிறந்தநாளை தனிப்பட்ட பிறந்த நாளாக நான் கொண்டாடுவதில்லை. வறுமை ஒழிப்பு தினமாக கடைப்பிடித்து வருகிறேன் என்பது நாட்டு மக்களுக்கு நன்கு தெரியும். ஒவ்வொரு வறுமை ஒழிப்பு தினத்திலும் ஏழை, எளிய மக்களின் நல்வாழ்வுக்கு நலத்திட்டப் பணிகளை நாம் மேற்கொள்வது வழக்கம்.

புரட்சித் தலைவர் எம்.ஜி.ஆர். காது கேளாதோர் பள்ளிக்கு ஆண்டுதோறும் ரூ.50 ஆயிரம் தந்து வருகிறேன். மாணவர்கள் படிப்பதற்கு கணிசமான தொகை உதவித் தொகையாக வழங்கப்படுகிறது.

நாம் கடவுளை நேரில் கண்டதில்லை. ஆனால் நம்முடைய தாய்-தந்தையர்தான் நமக்கு கண்கண்ட தெய்வங்களாக காட்சியளிக்கிறார்கள். வயதான காலத்தில் அவர்களை வைத்துக் காப்பாற்ற வேண்டியது இளைஞர்களின் கடமையாகும். அதைக் கருத்தில் கொண்டுதான் முதியோர் இல்லங்களுக்கு இந்த நன்கொடை வழங்கியுள்ளேன்.

இயன்றதைச் செய்வோம், இல்லாதவர்க்கே என்னும் நமது குறிக்கோளுக்கு ஏற்ப, என்னால் இயன்ற மேற்கண்ட நல உதவிகளை செய்துள்ளேன். அதே போன்று நாடெங்கும் உள்ள கழக நிர்வாகிகள், அணி நிர்வாகிகள் மற்றும் கழகத் தொண்டர்கள் அவர வர்களுடைய சக்திக்கேற்ப தங்களால் இயன்ற உதவிகளை ஏழை, எளிய மக்களுக்கு செய்ய கேட்டுக் கொள்கிறேன்.

இன்றைய இளைஞர்களுக்கு தரமான கல்வியும், கண்ணியமான வேலையும், சமவாய்ப்பும் கிடைக்கச் செய்வதே தலையாய கடமையாகும். அன்னை மொழி காப்போம், அனைத்து மொழிகளையும் கற்போம் என்ற உணர்வுடன் இளைஞர்கள் தேவைப்படும் மொழிகளைக் கற்பதன் மூலம் திரைக்கடல் ஓடியும் திரவியம் தேடு என்ற வகையில் உலகெங்கும் பணி செய்ய வாய்ப்பு கிடைக்கும்.

யார் ஊழல் செய்தாலும் சட்டத்தின் முன் அவர்களும் நிறுத்தப்பட வேண்டும். சட்டத்தின் முன் அனைவரும் சமம் என்பதற்கேற்ப, பிரதமரும் இதற்கு விதி விலக்கல்ல. இன்னும் சொல்லப்போனால் அவரே ஒரு முன் உதாரணமாக திகழ வேண்டும். அத்தகையதோர் புதிய சமுதாயத்தை அமைக்கும் பணியில் நாம் நம்மை ஈடுபடுத்திக் கொள்ள எனது பிறந்தநாள் பயன்படட்டும்.

இந்த நன்னாளில் நாட்டு மக்கள் அனைவருக்கும் அவர்கள் காட்டி வரும் அன்புக்கும், ஆதரவுக்கும் நன்றி காட்டும் வகையில் அவர்களுக்காக என்றும் கடமையாற்றுவேன் என்று உறுதி கூறுகிறேன்.

இவ்வாறு அதில் கூறப்பட்டுள்ளது.

flmusic

கேப்டன்

கேப்டனுக்கு , பிறந்த நாள் நல்வாழ்த்துக்கள்....

நல்ல அறிக்கை வாழ்த்துக்கள் கேப்டன்

இயன்றதைச் செய்வோம், இல்லாதவர்க்கே என்னும் நமது குறிக்கோளுக்கு ஏற்ப, என்னால் இயன்ற மேற்கண்ட நல உதவிகளை செய்துள்ளேன். அதே போன்று நாடெங்கும் உள்ள கழக நிர்வாகிகள், அணி நிர்வாகிகள் மற்றும் கழகத் தொண்டர்கள் அவர வர்களுடைய சக்திக்கேற்ப தங்களால் இயன்ற உதவிகளை ஏழை, எளிய மக்களுக்கு செய்ய கேட்டுக் கொள்கிறேன்.

இன்றைய இளைஞர்களுக்கு தரமான கல்வியும், கண்ணியமான வேலையும், சமவாய்ப்பும் கிடைக்கச் செய்வதே தலையாய கடமையாகும்.

இதை அவர் நடத்தும் கல்லூரியிலிருந்து ஆரம்பித்தால் நன்றாக இருக்கும்.

அவர் நடத்தும் கல்லூரி சுய நிதிக் கல்லூரி.ஏழை மாணவர்களுக்கு அங்கு இடம் கிடையாது.அந்த கல்லூரியில் பயிலும் மாணவர்களில் எத்தனை பேர் இலவச சீட்டில் சேர்ந்தார்கள்.