அறிய வேண்டிய திருமண முறைகள்- தொடர் பதிவு

மகா பிரபு · மகா பிரபு Mon 13 Jun 2011 - 13:09

திருமணம் என்பது ஒரு இன்பந்தமாகும். திருமணம் என்ற சொல்லை கேட்டதுமே இருபாலருக்கும் ஒரு இனம் புரியாத மகிழ்ச்சி, பூரிப்பு, புத்துணர்ச்சி இனிய நினைவுகள் ஏற்படுகிறது. திருமணமானது கடி, மணம், மன்றல், கல்யாணம், வதுவை, வரைவு என பல பெயர்களால் அழைக்கப்படுகிறது. இதில் பல சம்பிரதாயங்களும், சடங்கு முறைகளும் பின்பற்றப்படுகிறது. அவற்றைப் பற்றி இத்திரியில் காண்போமா நண்பர்களே!

அறிய வேண்டிய திருமண முறைகள்- தொடர் பதிவு 61226126835224035067112

உதயசுதா · உதயசுதா Mon 13 Jun 2011 - 14:46

எனக்கும் தெரிஞ்சுக்க ஆசை பிரபு.தொடருங்க

dsudhanandan · dsudhanandan Mon 13 Jun 2011 - 14:55

என்ன தம்பி பொண்ணு பார்க்க ஆரம்பிச்சிட்டாங்களா ?

மகா பிரபு · மகா பிரபு Mon 13 Jun 2011 - 15:11

நல்ல நேரம் 4.30 க்கு தான் தொடங்குகிறது. அதான் மங்களகரமான நேரத்தில் துவங்குகிறேன்.

[எப்படியெல்லாம் சமாளிக்கிறது]

மகா பிரபு · மகா பிரபு Tue 14 Jun 2011 - 1:50

திருமணத்திற்கு பொருந்தாத பத்து தன்மைகள்:

1. நிம்புரி- தற்பெருமை பேசுதல்
2. கொடுமை- தீங்கு செய்தல்
3. வியப்பு- ஒருவொருவரையொருவர் இணையாக கருதாமை
4. புறமொழி- புறங்கூறல்
5. வன்சொல்- கடுஞ்சொல் பேசுதல்
6. பொச்சாப்பு- எதிலும் உறுதியற்ற தன்மை
7. குடிமை- தன் குடும்பத்தை மட்டும் உயர்த்தி பேசுதல்
8. ஏழ்மை- வரவுக்கு மீறி செலவு செய்தல்
9. மறதி தன்மை
10. ஒப்புமை- ஒருவொருவரையொருவர் ஒப்பிடல்

இந்த குணங்கள் கண்டிப்பாக மணமக்கள் இருவருக்குமே இருக்க கூடாது என தொல்காப்பியம் கூறுகிறது.

சதாசிவம் · சதாசிவம் Tue 14 Jun 2011 - 17:52

பொருந்த வேண்டிய பத்து
தொல்காப்பியம் - மெய்ப்பாட்டியல்
"பிறப்பே குடிமை ஆண்மை யாண்டோ
டுருவு நிறுத்த காம வாயில்
நிறையே அருளே உணர்வொடு திருவென
முறையுறக் கிளந்த ஒப்பினது வகையே"

1. பிறப்பு - இருவரும் ஒரே பழக்க வழக்கங்களில் இருக்க வேண்டும் . இதை ஒரே இனம் என்று எடுத்து கொள்ளலாம்.
2. குடிமை - இருவரின் குண நலன்கள் ஒத்து இருக்க வேண்டும்.
3. ஆண்மை - இருவரின் ஈகோ/தன்னிலை ஒத்து இருக்க வேண்டும்.
4. ஆண்டு - ஆண் மூத்த வயது உடையவனாக இருக்க வேண்டும்.
5. உருவு - உருவத்தால் ஒத்து இருக்க வேண்டும்.
6. நிறுத்தம் - frequency match இருக்க வேண்டும்.
7. காம வாயில் - இருவரின் ஆசை ஒத்து இருக்க வேண்டும்.
8. நிறையே - இருவரின் குறை , நிறைகளை அறிந்து ஒத்து போகும் குணம் இருக்க வேண்டும்.
9. உணர்வு - ஒருவர் உணர்வை அடுத்தவர் உணர்ந்து நடக்க வேண்டும்.
10. திரு - இது தெய்வத் தன்மை அல்லது பண வசதியை குறிக்கும். இருவரின் வசதி ஒத்து இருக்க வேண்டும்.

இப்படி திருமணம் அமைந்தால் பிரிவு வராது என்று தொல்காப்பியர் கூறுகிறார்.

ANTHAPPAARVAI · ANTHAPPAARVAI Tue 14 Jun 2011 - 18:19

தொடருங்கள்...

மகா பிரபு · மகா பிரபு Tue 14 Jun 2011 - 21:15

தகவலுக்கு நன்றி சதாசிவம். தொடர்கிறேன் அந்தபார்வை.

சதாசிவம் · சதாசிவம் Tue 14 Jun 2011 - 22:40

இருமனங்கள் இணைவது தான் திருமணம், திருமணத்தின் போது தாலி எதற்காக அணியப்படுகிறது. முன்பு திருமணத்தின் போது ஆடவர் தன் வீரத்தை நிரூபிக்க காளை அடக்குதல், புலி வேட்டை போன்ற செயல்கள் செய்து பெண் வீட்டாரிடம் தன் வீரத்தை நிலை நாட்ட வேண்டும். அப்படி வேட்டை ஆடிய புலியின் இரண்டு பற்களை இணைத்து தான் தாலி செய்யப்பட்டது. பின்பு காலப் போக்கில் தங்கத்தில் மாறி விட்டது.

மூன்று முடிச்சு எதற்காக ?
1. மனம், வாக்கு, செயல் ஆகிய மூன்று விஷயங்களில் நாம் ஒன்று பட்டு இருப்போம்.
2. ஆண் பெண் இருவருக்கும் உள்ள இணைப்பு, இரு குடும்பங்களின் இணைப்பு, மூன்று நாத்துனர் முடிச்சு. ஒரு பெண் ஒரு இடத்தில் பிறந்து வேறு இடத்தில் நாத்து போல் இடம் பெயர்வதால் அவர்கள் நாத்துனர் என்று அழைக்கப்படுகிறார்கள். அப்படி வரும் பெண், இந்த வீட்டில் உள்ள பெண்ணுக்கு உரிய இடத்தை நிரப்புவாள் என்பதற்காக
மூன்றாம் முடிச்சு.
3. பெண்ணுடைய கடந்த காலத்தில் ஏற்பட்டவைக்கும், நிகழ், எதிர் காலத்தில் ஏற்படும் விஷயங்களுக்கு நான் பொறுப்பாவேன் என்று உறுதி அளித்தல்.
4.நம்முடைய பெற்றோர், விருத்தாளி, பித்ருக்கள் ஆகிய மூன்று பேர்களின் கடமையில் இருந்து நாம் தவறா மாட்டோம்
என்று உறுதி அளித்தல் .

மகா பிரபு · மகா பிரபு Wed 15 Jun 2011 - 7:36

திருமணம் குறித்த அரியத் தகவல்களை சேர்த்தமைக்கு நன்றி சதாசிவம். இன்னும் பல தகவல்களை சேருங்கள். நானும் முயற்சிக்கிறேன்.

Sponsored content · Sponsored content

அறிய வேண்டிய திருமண முறைகள்- தொடர் பதிவு

அறிய வேண்டிய திருமண முறைகள்- தொடர் பதிவு

Re: அறிய வேண்டிய திருமண முறைகள்- தொடர் பதிவு

Re: அறிய வேண்டிய திருமண முறைகள்- தொடர் பதிவு

Re: அறிய வேண்டிய திருமண முறைகள்- தொடர் பதிவு

Re: அறிய வேண்டிய திருமண முறைகள்- தொடர் பதிவு

Re: அறிய வேண்டிய திருமண முறைகள்- தொடர் பதிவு

Re: அறிய வேண்டிய திருமண முறைகள்- தொடர் பதிவு

Re: அறிய வேண்டிய திருமண முறைகள்- தொடர் பதிவு

Re: அறிய வேண்டிய திருமண முறைகள்- தொடர் பதிவு

Re: அறிய வேண்டிய திருமண முறைகள்- தொடர் பதிவு

Re: அறிய வேண்டிய திருமண முறைகள்- தொடர் பதிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக