முன்னாள் முதல்வர் மகளுக்கு பிடிவாரன்ட்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

முன்னாள் முதல்வர் மகளுக்கு பிடிவாரன்ட்

#388524

டயானா
இளையநிலா: பதிவுகள் : 650
இணைந்தது : 23/07/2010

Post டயானா Sat Sep 04, 2010 10:09 am

பெங்களூரு : கர்நாடகத்தில் பரபரப்பை ஏற்படுத்திய சித்ரலேகா கொலை
வழக்கில், முன்னாள் முதல்வர் தேவராஜ் அர்ஸ் மகளுக்கு ஜாமீனில் வெளிவர
முடியாத கைது வாரன்ட் பிறப்பிக்கபட்டுள்ளது.
கர்நாடக ஐகோர்ட் முன்னாள் நீதிபதி சந்திரகாந்த் மகள் சித்ரலேகா கடந்த
2004ம் ஆண்டு மர்மமான முறையில் கொலை செய்யப்பட்டார். இந்த கொலையில்,
சித்ரலேகாவின் நெருங்கிய உறவினரும், முன்னாள் முதல்வர் தேவராஜ் அர்ஸ்
மகளுமான பாரதி அர்சுக்கு தொடர்பு இருப்பதாக சந்தேகம் எழுந்தது.இதையடுத்து
பாரதி அர்ஸ், சர்ந்திரகாந்த் மற்றும் மதுகர் ஆகியோர் மீது வழக்கு பதிவு
செய்யப்பட்டு விரைவு கோர்ட்டில் விசாரணை நடந்தது. இந்த வழக்கை விசாரித்த
விரைவு கோர்ட், கொலையில் தொடர்பு இருப்பதற்கான போதிய சாட்சியங்கள்
இல்லாததால், மூவரையும் விடுதலை செய்வதாக அறிவித்தது.
இந்த நிலையில், விரைவு கோர்ட் அளித்த தீர்ப்பை எதிர்த்து சித்ரலேகாவின்
தாயார் சாரதா அர்ஸ், ஐகோர்ட்டில் மனு தாக்கல் செய்தார். இந்த மனுவை
விசாரித்த ஐகோர்ட் நீதிபதி கேதார் தாஸ், விசாரணைக்கு வராமல் தப்புவதை
தடுக்கும் வகையில், பாரதி அர்ஸ் உட்பட குற்றம்சாட்டப்பட்ட மூன்று
பேருக்கும், நேற்று ஜாமீனில் வெளிவர முடியாத கைது வாரன்ட் பிறப்பித்தார்.
மேலும் மூவரையும் வரும் 9ம் தேதிக்குள் கோர்ட்டில் நேரில் ஆஜர்படுத்துமாறு
போலீசாருக்கு உத்தரவிட்டார்.