பாவியரோ தேவியர்???

**Aathira** · **Aathira** Mon Mar 22, 2010 12:12 pm

பாவியரோ தேவியர்???

பாவைதனைத் தன்னுடலில் பாதி யாக்கி

சிறைவைத்த பரமன்தனை பாரியென்றால்

இருபாதி இணைந்துவிட்ட ஒருவர் கோலம்

மறுபாதி தியாகத்தின் சின்னமன்றோ?

ஆண்பாதி பெண்மீதி அம்மை யப்பர்

ஆண்பாலா? பெண்பாலா? இரண்டும்தானே!

அர்த்தநாரி ஈசுவரனாம் உமயொரு பாகனென்று

ஆண்பெயரில் அழைத்திடுதல் நீதியாமோ!

ஆயகலை அனைத்துக்கும் தலைவி தன்னை

தூயகலை வெண்கமல வீணையளை

மாயைகளை ஓட்டிவிடும் சோதி யாளை

நேயமின்றி நாவதனில் சிறைவைத்து

சொல்லுச்குச் சுழல்கின்ற பம்ப ரமாய்

பல்லுக்குள் ஆடவைத்து பெண்ணை

எள்மூக்கும் மதியாத நான்முகனாம் பிரம்மாவை

தெய்வமெனல் மன்பதைக்கு நேராமோ!

காலமெல்லாம் கடல்மீதில் கழிப்ப தற்கும்

கைநோகக் கால்பிடித்து விடுவதற்கும்

பூதலத்தாள் செல்வம்செய் செய்யவள்தான் சேவகளா?

சிந்தித்துப் பார்ப்பீரே பூதலத்தீர்!

நெஞ்சமதில் சிறைவைத்தான் என்பது அல்லால்

கொஞ்சிநிதம் கால்பிடித்து கரம்பிடித்து

வஞ்சிதனை மெய்சிலிர்க்க விட்டகதை ஒன்றுண்டா

வஞ்சமகன் அவதாரச் சுவடிதனில்?

{இது மூற்றிலும் வேடிக்கையாக சிந்தித்த, ஒரு சிறு பெண்ணியச் சிந்தனை தந்த விளைவே. கடவுளைக் குறைகூறும் (இறை மறுப்பு) சற்றும் இல்லை என்பதை அன்புடன் தெரிவித்துக் கொள்கிறேன்.}

ஆதிரா..

**இளமாறன்** · **இளமாறன்** Mon Mar 22, 2010 12:19 pm

அழகான கவிதை பாவியரோ தேவியர்??? 154550

பெண்கள் கால் பிடித்து விட்டது அந்த காலம் தோழி
இப்போ கணவர்கள் தான் அந்த வேலை பார்க்குறாங்க பாவியரோ தேவியர்??? 755837

**Aathira** · **Aathira** Mon Mar 22, 2010 2:08 pm

இளமாறன் wrote:அழகான கவிதை
பெண்கள் கால் பிடித்து விட்டது அந்த காலம் தோழி
இப்போ கணவர்கள் தான் அந்த வேலை பார்க்குறாங்க

இந்தக் கவிதை அந்தக் காலத்தைத் தான் சொல்கிறது இளமாறன்,
நன்றி வாழ்த்துக்கும் கருத்துக்கும். பாவியரோ தேவியர்??? 154550

ஹனி · ஹனி Mon Mar 22, 2010 8:47 pm

இலக்கிய நயமுள்ள அழகிய கவிதை
அருமை அருமை
வாழ்த்துக்கள் அக்கா
அன்புடன் ஹனி
அன்பு மலர்

srinihasan · srinihasan Mon Mar 22, 2010 8:58 pm

அன்புள்ள ஆதிரா,

குதிரைக்கு கடிவாளம் இல்லையென்றால் போய் சேர வேண்டிய இடம்தன்னை போய் சேருமோ? என்று ஐயம் கொண்டோ, ஆண்டவனும் பெண்ணவளை அடிமையாக்கும் யுக்திதன்னை அன்றே கையில் கொண்டான். ஆண்மகனும் இன்று அதனை கடவுளின் அருள் என்று தொடர்கின்றான். பெண்ணவளும் அதனை மனதில் மகிழ்வென செய்கின்றாள். அதனாலோ நாளும் அவள் மகிழ்விக்கின்றாள்?

prabumurugan · prabumurugan Mon Mar 22, 2010 10:08 pm

இந்த பதிவைத் துவங்கியவர் நன்றி கூறியுள்ளார் prabumurugan

**Aathira** · **Aathira** Tue Mar 23, 2010 6:45 am

ஹனி wrote:இலக்கிய நயமுள்ள அழகிய கவிதை
அருமை அருமை
வாழ்த்துக்கள் அக்கா
அன்புடன் ஹனி

தேனினும் இனிய தங்கள் வாழ்த்துக்கு மிக்க நன்றி ஹனி பாவியரோ தேவியர்??? 154550

சபீர் · சபீர் Tue Mar 23, 2010 7:53 am

இளமாறன் wrote:அழகான கவிதை
பெண்கள் கால் பிடித்து விட்டது அந்த காலம் தோழி
இப்போ கணவர்கள் தான் அந்த வேலை பார்க்குறாங்க

**Aathira** · **Aathira** Tue Mar 23, 2010 8:17 am

தங்கள் கருத்து முற்றிலும் உண்மை வாசன்.அடங்கி வாழ்வதிலே ஆத்ம சுகம்
அடைபவள் பெண். அன்பால், பணிவிடையால் ஆதிக்கம் பெறுபவளும் அவள். பல
நேரங்களில், பல இடங்களில் வஞ்சிக்கப் படுபவளும் அவள். கருத்து
பகிர்ந்தமைக்கு நன்றி வாசன். பாவியரோ தேவியர்??? 154550

**Aathira** · **Aathira** Tue Mar 23, 2010 8:20 am

சபீர் wrote:
இளமாறன் wrote:அழகான கவிதை
பெண்கள் கால் பிடித்து விட்டது அந்த காலம் தோழி
இப்போ கணவர்கள் தான் அந்த வேலை பார்க்குறாங்க

நன்றி சபீர். உங்கள் கருத்தே என் கருத்தும். க்விதை வேறு. கருத்து வேறு இல்லையா? பாவியரோ தேவியர்??? 755837

Sponsored content · Sponsored content

பாவியரோ தேவியர்???

பாவியரோ தேவியர்???

Re: பாவியரோ தேவியர்???

Re: பாவியரோ தேவியர்???

Re: பாவியரோ தேவியர்???

Re: பாவியரோ தேவியர்???

Re: பாவியரோ தேவியர்???

Re: பாவியரோ தேவியர்???

Re: பாவியரோ தேவியர்???

Re: பாவியரோ தேவியர்???

Re: பாவியரோ தேவியர்???

Re: பாவியரோ தேவியர்???

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக