தமிழகத்தில் தேர்தலுக்கு பிறகுதான் முதல்வர் வேட்பாளர் தேர்வு... பரபரப்பை கூட்டிய பாஜக தலைவர்

**ayyasamy ram** · **ayyasamy ram** Wed Dec 30, 2020 5:37 pm

-
சென்னை:

அதிமுக கூட்டணியில் முதல்வர் வேட்பாளர் குறித்த விவாதம் கடந்த சில தினங்களாக அரசியலில் பரபரப்பை ஏற்படுத்தி வருகிறது. அதிமுகவின் முதல்வர் வேட்பாளராக எடப்பாடி பழனிசாமி அறிவிக்கப்பட்டுள்ள நிலையில், கூட்டணி கட்சியான பாஜக இதனை வெளிப்படையாக அறிவிக்காததால் சர்ச்சை உருவானது.

கூட்டணியின் முதல்வர் வேட்பாளரை பாஜக தலைமையிலான தேசிய ஜனநாயக கூட்டணி அறிவிக்கும் என்று கூறுவது அதிமுகவினரிடையே அதிருப்தியை ஏற்படுத்தி உள்ளது. இந்த சர்ச்சைகளுக்கு அமைச்சர்கள் அவ்வப்போது பதில் அளித்து வருகின்றனர்.

அதிமுகவின் முதல்வர் வேட்பாளரை ஏற்கும் கட்சிகளுடன் மட்டுமே கூட்டணி தொடரும் என்றும், வரும் சட்டப்பேரவை தேர்தலில் அதிமுக தலைமையில்தான் கூட்டணி அமைக்கப்படும் என்றும் அமைச்சர் ஜெயக்குமார் திட்டவட்டமாக தெரிவித்தார்.

இந்நிலையில், பாஜக மேலிட பொறுப்பாளர் சி.டி.ரவி இன்று செய்தியாளர்களை சந்தித்தார். அப்போது அதிமுக, பாஜக கூட்டணியின் முதல்வர் வேட்பாளர் யார் என்பது, தேர்தலில் வெற்றி பெற்ற பிறகு முடிவு செய்யப்படும் என்றார்.

தேர்தலுக்கு பிறகு பெரும்பான்மையைப் பொருத்து தேசிய ஜனநாயக கூட்டணி தலைவர்கள் கூடி முதல்வர் வேட்பாளரை தேர்வு செய்வார்கள் என்றும் சி.டி.ரவி கூறினார். தேர்தல் தேதி அறிவிக்கப்பட்ட பின், தொகுதி பங்கீடு குறித்து பேசப்படும் என்றும் அவர் தெரிவித்தார்.

தமிழகத்தில் அதிமுக கூட்டணியில் இடம்பெற்றுள்ள பாஜக, இந்த முறை எப்படியும் சட்டமன்றத்திற்குள் கால்பதிக்க தீவிர முயற்சி மேற்கொண்டுள்ளது. பாஜக குறிப்பிட்ட இடங்களில் வெற்றி பெற்றால், கூட்டணி ஆட்சிக்கு முயற்சி செய்யும்.

மாலைமலர்

**Dr.S.Soundarapandian** · **Dr.S.Soundarapandian** Wed Dec 30, 2020 8:06 pm

**T.N.Balasubramanian** · **T.N.Balasubramanian** Wed Dec 30, 2020 8:52 pm

பாமக தலைவர் நாங்கள்தான் முதலமைச்சர் யாரென கூறுவோம் என்கிறார்.
பாஜக வும் அப்பிடித்தான் கூறுகிறது.
திமுக ஸ்டாலின் என்கிறது.
அதிமுக எடப்பாடி என்கிறது.
தேமுதிக இன்னும் யோசனையில் உள்ளது போல் உள்ளது.

ஒரு முதலமைச்சர் தானே ஒவ்வொரு மாநிலத்திற்கும் தேவை.
அல்லது சோ அவர்கள் நாடகத்தில் கூறியது போல் (துக்ளக் நாடகமென எண்ணுகிறேன்) தான் முதல் மந்திரி ,மற்ற MLA க்கள் யாவரும்
துணை முதல் மந்திரிகள். அப்பிடியும் வருமோ?

சிவனாசான் · சிவனாசான் Fri Jan 01, 2021 3:28 pm

ஞாயமான கருத்துதான். தேர்தல் நடந்து வெற்றி அதாவது பெருவாரியான இடங்களை பிடித்த கட்சியில்தானே முதல்வர் தேர்வாவார் . உண்மைதானே. இதற்கேன் அலட்டல் ஆவேச பேச்செல்லாம். மக்கள் நல்லவர்களை ஊழலற்ற மக்கள் நலனை மனதில் கொண்டு எல்லோருக்கும் பொதுவாக செயல்படும் செயல் விவேகமுள்ளவர்களை தேர்வுசெய்தால் அதில் ஒருவர் முதல்வர் ஆவது தான் நியதி நியாயமும் கூட..

Sponsored content · Sponsored content

தமிழகத்தில் தேர்தலுக்கு பிறகுதான் முதல்வர் வேட்பாளர் தேர்வு... பரபரப்பை கூட்டிய பாஜக தலைவர்

தமிழகத்தில் தேர்தலுக்கு பிறகுதான் முதல்வர் வேட்பாளர் தேர்வு... பரபரப்பை கூட்டிய பாஜக தலைவர்

Re: தமிழகத்தில் தேர்தலுக்கு பிறகுதான் முதல்வர் வேட்பாளர் தேர்வு... பரபரப்பை கூட்டிய பாஜக தலைவர்

Re: தமிழகத்தில் தேர்தலுக்கு பிறகுதான் முதல்வர் வேட்பாளர் தேர்வு... பரபரப்பை கூட்டிய பாஜக தலைவர்

Re: தமிழகத்தில் தேர்தலுக்கு பிறகுதான் முதல்வர் வேட்பாளர் தேர்வு... பரபரப்பை கூட்டிய பாஜக தலைவர்

Re: தமிழகத்தில் தேர்தலுக்கு பிறகுதான் முதல்வர் வேட்பாளர் தேர்வு... பரபரப்பை கூட்டிய பாஜக தலைவர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக