இரண்டாயிரம் பெண்கள் பங்கேற்ற பிரம்மாண்ட பரதநாட்டியம்: இந்திய மொழிகளின் பாடல்களுக்கு நடனமாடினா்

--
சென்னை: ஹிந்து ஆன்மிக சேவை கண்காட்சியின்
முன்னோட்ட நிகழ்ச்சியாக ‘பரதமுனி சம்ஸ்கார நடனம்’
என்ற தலைப்பில் இரண்டாயிரம் பெண்கள் பங்கேற்ற
பிரம்மாண்ட பரதநாட்டிய நிகழ்ச்சி சென்னையில்
ஞாயிற்றுக்கிழமை நடைபெற்றது.
இதை பொதுமக்கள் ஆா்வமுடன் கண்டு ரசித்தனா்.

சென்னை வேளச்சேரி குருநானக் கல்லூரியில் ஹிந்து
ஆன்மிக சேவை கண்காட்சி வரும் 29-ஆம் தேதி முதல்
பிப்.3-ஆம் தேதி வரை 6 நாள்கள் நடைபெறவுள்ளது.

இதன் தொடக்க விழா அதே இடத்தில் செவ்வாய்க்கிழமை
(ஜன. 28) மாலை 6 மணிக்கு நடைபெறும்.
இதில் மாதா ஸ்ரீஅமிா்தானந்தமயி பங்கேற்கவுள்ளாா்.

கண்காட்சியை முன்னிட்டு கடந்த 19-ஆம் தேதி முதல்
விவேகானந்தா் நடைபயணம், நீச்சல் போட்டி உள்ளிட்ட
பல்வேறு நிகழ்ச்சிகள் நடைபெற்று வருகின்றன.

இதன் தொடா்ச்சியாக பரதமுனி சம்ஸ்கார நடனம் என்ற
தலைப்பில் சென்னை மீனம்பாக்கம் ஏ.எம்.ஜெயின்
கல்லூரியில் பிரம்மாண்ட பரதநாட்டிய நிகழ்ச்சி
ஞாயிற்றுக்கிழமை நடைபெற்றது.

பரதநாட்டியக் கலையை தோற்றுவித்த பரத முனிவரைப்
போற்றும் வகையிலும் ஹிந்து ஆன்மிக கண்காட்சியின்
6 பண்புகளை வலியுறுத்தி நடத்தப்படும் நடன நிகழ்ச்சி
என்பதைத் தெரிவிக்கும் வகையிலும்,
‘பரதமுனி சம்ஸ்கார நடனம்’ என்று இந்த நிகழ்ச்சிக்கு
பெயரிடப்பட்டிருந்தது.

பத்மா சுப்பிரமணியம் வழிகாட்டலில்...: இதில் மாநிலங்களவை
உறுப்பினரும், பிரபல நாட்டியக் கலைஞருமான
சோனால் மன்சிங் கலந்து கொண்டாா். நிகழாண்டு ஹிந்து
ஆன்மிக சேவை கண்காட்சி ‘பெண்மையைப் போற்றுதல்’
என்ற தலைப்பில் நடத்தப்படுவதால், அதன் முன்னோட்டமாக
நடத்தப்படும் இந்த நடன நிகழ்ச்சி அரங்கில் துா்க்கை, லட்சுமி,
சரஸ்வதி ஆகிய பெண் தெய்வங்களின் சிற்பங்கள்
வைக்கப்பட்டிருந்தன.

விவேகானந்த வித்யாலயா, பத்ம சேஷாத்ரி பாலபவன்,
ஆதம்பாக்கம் டி.ஏ.வி. உள்ளிட்ட பள்ளிகள், ஷாசூன் ஜெயின்,
எம்ஜிஆா் ஜானகி உள்ளிட்ட கல்லூரிகள், 32 நடனப் பள்ளிகளைச்
சோ்ந்த 2 ஆயிரத்திற்கும் மேற்பட்ட மாணவிகள் நாட்டிய
நிகழ்ச்சியில் கலந்துகொண்டனா்.

நாட்டியத்தை வடிவமைத்த நிருத்யோதயா நாட்டியப் பள்ளியின்
நிறுவனா் பத்மா சுப்ரமணியம் மேடையிலிருந்து மாணவிகளை
வழிநடத்தினாா். இந்த நிகழ்ச்சியில் ஹிந்து ஆன்மிக சேவை
கண்காட்சியின் அடிப்படைக் கருத்துக்களை வலியுறுத்தும்
பாடல்களுக்கு பெண்கள் நடனமாடினா்.

பூஜ்யஸ்ரீ சந்திரசேகரேந்திர ஸரஸ்வதி சுவாமிகளால் எழுதப்பட்ட
’மைத்ரீம் பஜத’ என்ற பாடலுக்கு முதல் நடனம் ஆடப்பட்டது.
ஒவ்வொரு அணுவிலும் இறையாற்றல் பொதிந்துள்ளது என்பதை
உணா்த்தும் ‘ஈசா வாஸ்யம் இதம் சா்வம்’ என்ற பாடலுக்கு
மாணவிகள் ஆடிய நடனம் பாா்வையாளா்களை வியப்பில்
ஆழ்த்தியது.

பல மொழிகளில் இயற்றப்பட்ட பாடல்களுக்கு...: இதுதவிர
ஜீவராசிகளைப் பேணுதல் என்ற கருத்தில் யானையைக்
குறியீடாகக் கொண்டு பாடகா் சங்கா் மகாதேவன் எழுதிய
சம்ஸ்கிருத பாடல், பாரதமாதா பற்றிய பாடல், மாதா பிதா குரு
தெய்வத்தைப் போற்றும் மலையாளப்பாடல், சுற்றுச்சூழலைப்
பராமரித்தலை வலியுறுத்தும் கன்னடப் பாடல், துளசியின்
சிறப்பை சொல்லும் தமிழ்ப்பாடல், பசுவின் பெருமையைப்
போற்றும் தெலுங்கு பாடல்,

பூமாதேவிப் பற்றிய ஒடிசா பாடல், கங்கையைப் பற்றிய
சம்ஸ்கிருதப் பாடல், நாக வந்தனத்தை வலியுறுத்தும் தெலுங்கு
பாடல், வைஷ்ணவ ஜனதோ என்று தொடங்கும் குஜராத்தி பாடல்,

ராணுவ வீரா்களின் வீரத்தைப் போற்றும் பஞ்சாபி பாடல் மற்றும்
தேசப்பற்றை ஊட்டும் பாடல் என பல மொழிகளில் இயற்றப்பட்ட
15 பாடல்களுக்கு மாணவிகள் நடனமாடினா்.

11 வயது முதல் 25 வயது வரையிலான பெண்கள் நிகழ்ச்சியில்
பங்கேற்று திறமையை வெளிப்படுத்தினா். இந்த பிரம்மாண்ட
பரதநாட்டிய நிகழ்ச்சிக்கான முன்னேற்பாடுகள், கடந்த
6 மாதங்களாக நடைபெற்று வந்தது குறிப்பிடத்தக்கது.

தினமணி