மூத்த குடிமக்களுக்கு இலவச பஸ் பயணம் : முதல்வர் உத்தரவு

**ayyasamy ram** · **ayyasamy ram** Fri Feb 19, 2016 6:34 am

சென்னை:

''அறுபது வயதை கடந்தவர்கள், பிப்., 24 முதல்,
சென்னையில் அரசு பேருந்துகளில் இலவசமாக பயணம் செய்யலாம்,''
என, முதல்வர் ஜெயலலிதா அறிவித்துள்ளார்.

சட்டசபையில், 110வது விதியின் கீழ், அவர் நேற்று வெளியிட்ட அறிவிப்பு:

'மூத்த குடிமக்கள், அரசு பேருந்துகளில் கட்டணம் இல்லாமல் பயணம்
செய்யலாம்' என, 2011 தேர்தல் அறிக்கையில் அறிவித்தோம். இந்த
வாக்குறுதியை நிறைவேற்றும் வகையில், முதல்கட்டமாக இத்திட்டம்,
சென்னை மாநகர பேருந்துகளில் செயல்படுத்தப்படுகிறது.

மூத்த குடிமக்கள், பிப்., 24 முதல், குளிர்சாதன வசதி இல்லாத, சென்னை
மாநகர பேருந்துகளில் கட்டணமின்றி பயணம் செய்யலாம்.

தேவைப்படுவோர் எப்போது வேண்டுமானாலும் விண்ணப்பம் கொடுத்து
பயன் பெறலாம். இவ்வாறு அறிக்கையில் கூறப்பட்டுள்ளது.
-
-----------------------
தினமலர்

**M.Jagadeesan** · **M.Jagadeesan** Fri Feb 19, 2016 9:29 am

தேர்வுமுடிய 5 நிமிடம் இருக்கும்போது அவசரம் அவசரமாக எழுதும் மாணவனைப்போல , ஆட்சிமுடியும் தருவாயில் மக்கள்நலத் திட்டங்களைக் கொண்டுவருகிறார்கள் .கடந்த 4 1/2 ஆண்டுகளாக என்ன செய்துகொண்டு இருந்தார்கள் ? ஒரு மாதத்திற்குப் பத்து டோக்கன்கள் தருவார்களாம் . ஒரு பயணத்திற்கு 2 டோக்கன்கள் செலவாகும் . ஆக 1 மாதத்தில் 5 பயணங்கள் மேற்கொள்ளலாம் . இதில் இரண்டு மூன்று பஸ்கள் மாறி மாறிப் பயணம் செய்தால் ஒரேநாளில் 10 டோக்கன்களும் தீர்ந்துவிட வாய்ப்புண்டு .

பள்ளி மாணவர்களுக்குக் கொடுப்பதுபோல பயண அட்டை கொடுப்பது நல்லது. அதை ஆண்டுக்கு ஒருமுறை புதுப்பிக்குமாறு செய்யலாம் . அந்த அட்டையை வைத்துக்கொண்டு தமிழ்நாடு முழுவதும் அரசு பஸ்களில் இலவசமாகப் பயணம் செய்யலாம் என்று அறிவிக்கவேண்டும் . முதியவர்கள் கடைசி காலத்தில் கோயில் குளம் என்று சுற்றுவதற்கு வசதியாக இருக்கும் அல்லவா ?

சிவனாசான் · சிவனாசான் Fri Feb 19, 2016 6:09 pm

எம்.ஜெ.அன்பரே மாதம் மும்மாரி பெய்யட்டும் உமது கொள்கை நிறைவேற>>>>>>>>>பாழாய் போவுதேன்னு பழம்புடவையை கொடுத்தா வீட்டுபின்னால் முழம் போட்ட கதையா இருக்குதே. கட்சி தோரனையில் காணக்கூடாது.

Sponsored content · Sponsored content

மூத்த குடிமக்களுக்கு இலவச பஸ் பயணம் : முதல்வர் உத்தரவு

மூத்த குடிமக்களுக்கு இலவச பஸ் பயணம் : முதல்வர் உத்தரவு

Re: மூத்த குடிமக்களுக்கு இலவச பஸ் பயணம் : முதல்வர் உத்தரவு

Re: மூத்த குடிமக்களுக்கு இலவச பஸ் பயணம் : முதல்வர் உத்தரவு

Re: மூத்த குடிமக்களுக்கு இலவச பஸ் பயணம் : முதல்வர் உத்தரவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக