மங்கள்யான் செயற்கைகோள் செய்திகள்

**ayyasamy ram** · **ayyasamy ram** Sun Oct 20, 2013 11:06 pm

பெங்களூரு:

செவ்வாய் கிரக ஆய்வுக்காக இஸ்ரோ நிறுவனம்
மங்கள்யான் என்ற செயற்கை கோளை அனுப்ப
உள்ளது.

இந்த செயற்கை கோள் விண்ணில் ஏவப்படும்
தேதி நேற்று அறிவிக்கப்படும் என்று கூறப்பட்டது.
ஆனால், தேதி அறிவிக்கப்படவில்லை.

இந்நிலையில், மங்கள்யான் செயற்கை கோளை
ஏவுவது தாமதமாகலாம் என்று இஸ்ரோ அறிவித்துள்ளது.

தென்பசிபிக் கடல் பகுதியில் ஏற்பட்டுள்ள மோசமான
வானிலையே இதற்கு காரணம் என்றும், வரும் 22ம் தேதி,
செயற்கை கோள் ஏவப்படும் தேதி அறிவிக்கப்படும்
என்றும் இஸ்ரோ தெரிவித்துள்ளது.

வரும் 28 அல்லது நவம்பர் 19ம் தேதி மங்கள்யான்
ஏவப்படலாம் என தகவல்கள் தெரிவிக்கின்றன.
முன்னதாக, செவ்வாயக்கு செயற்கை கோள்
அனுப்புவதை தாமதப்படுத்த வேண்டும் என அ
மெரிக்க விண்வெளி நிறுவனமான நாசா கூறியிருந்தது.
ஆனால், எந்த காரணத்தை முன்னிட்டும் தாமதிக்க
முடியாது என இஸ்ரோ அறிவித்திருந்தது
குறிப்பிடத்தக்கது.
-
===========
நன்றி: தினமலர்

**ayyasamy ram** · **ayyasamy ram** Wed Oct 30, 2013 8:03 pm

மங்கள்யான் செயற்கைக்கோளை செவ்வாய் கிரகத்திற்கு அனுப்பும்
இறுதிக் கட்டப் பணிகளில் இஸ்ரோ விஞ்ஞானிகள் ஈடுபட்டு
வருகின்றனர்.
-
நவம்பர் 3 ம் தேதி காலை 6 மணிக்கு 56 மணி நேர கவுன்ட் டவுன்
தொடங்கப்பட உள்ளது. ஸ்ரீஹரிகோட்டாவில் உள்ள சதீஷ் தவான்
ஏவுதளத்தில் இருந்து பிஎஸ்எல்வி சி25 ராக்கெட் மூலம் மங்கல்யான் 1
செயற்கைக்கோள் ஏவப்பட உள்ளது. அதற்கான இறுதி கட்டப் பணிகள்
தற்போது நடைபெற்று வருகிறது.
-
செவ்வாய் கிரகத்தில் உயிரினங்கள் வாழ்வதற்கான சாத்தியக்கூறுகள்
குறித்து ஆய்வு செய்ய அனுப்பப்படும் மங்கள்யான் செயற்கைக்கோள்,
அதன் சுற்றுப்பாதையை அடைய 300 நாட்கள் ஆகும் என
கணக்கிடப்பட்டுள்ளது. இந்த திட்டம் வெற்றி பெற்றால்,
வெளிக்கிரகங்களுக்கு செயற்கைக்கோள் அனுப்பிய 4-ஆவது நாடு என்ற
பெருமையை இந்தியா பெறும்
-
----------------------------------------

**M.M.SENTHIL** · **M.M.SENTHIL** Wed Oct 30, 2013 10:53 pm

இந்த திட்டம் வெற்றி பெற்றால்,
வெளிக்கிரகங்களுக்கு செயற்கைக்கோள் அனுப்பிய 4-ஆவது நாடு என்ற
பெருமையை இந்தியா பெறும்

**சிவா** · **சிவா** Mon Nov 04, 2013 3:23 pm

சென்னை:செவ்வாய் கிரகத்தை ஆராய அனுப்பப்படும், மங்கள்யான் செயற்கைக்கோளை சுமந்து செல்லும், .எஸ்.எல்.வி., சி - 25 ராக்கெட்டுக்கான, 56 மணி நேர கவுன்ட்டவுன் நேற்று காலை துவங்கியது.

செவ்வாய் கிரகத்தில், உயிரினங்கள் வாழ்வதற்கான சூழ்நிலை உள்ளதா, தண்ணீர் உள்ளதா, என்றும் மேலும், கனிம வளம் குறித்து ஆராய, ஐந்து பிரத்தியேக கருவிகளுடன், மங்கள்யான் செயற்கைக்கோளை, இந்திய விண்வெளி ஆராய்ச்சி நிறுவனமான, 'இஸ்ரோ' உருவாக்கி உள்ளது.மங்கள்யான் செயற்கைக்கோள், நாளை மதியம், 2:38 மணிக்கு, பி.எஸ்.எல்.வி., சி - 25 ராக்கெட் மூலம், ஸ்ரீஹரிகோட்டாவில் இருந்து விண்ணில் ஏவப்பட உள்ளது. இதற்கான, 56:30 மணி நேர கவுன்ட்டவுன், நேற்று காலை, 6:08 மணிக்கு துவங்கியது.

இதுகுறித்து விஞ்ஞானி ஒருவர் கூறியதாவது: மங்கள்யான் செயற்கைக்கோளை விண்ணில் செலுத்துவதற்கான பணி, இரண்டு மாதங்களுக்கு முன் துவங்கி விட்டது. பி.எஸ்.எல்.வி., ராக்கெட்டின் ஒவ்வொரு பாகமும் பிரத்யேகமாக ஆராய்ந்து, பின் பொருத்தப்பட்டது. நமது தயாரிப்பில் உள்ள பாகங்கள், இதில் அதிகம் உள்ளன. அமெரிக்காவும் செவ்வாய் கிரக ஆய்வில் ஈடுபட்டாலும், நமது முயற்சியில், சில முக்கிய தகவல்கள் கிடைக்க வாய்ப்பு இருக்கிறது.

செயற்கைக்கோள் ஏவப்பட்ட பின் அதை கண்காணிக்க, மூன்று இடங்களில், கட்டுப்பாட்டு மையங்கள் அமைக்கப்பட்டுள்ளன. தற்போது, அனைத்து பணிகளும் முடிந்து, ராக்கெட்டை துல்லியமாக ஏவுவதற்கு தயாரான நிலையில் உள்ளோம்.இவ்வாறு, அவர் கூறினார்.

தினமலர்

**krishnaamma** · **krishnaamma** Mon Nov 04, 2013 3:40 pm

நல்லபடியாக நடக்கட்டும் புன்னகை

amirmaran · amirmaran Mon Nov 04, 2013 4:04 pm

நல்லதே நினைப்போம்... நல்லதே நடக்கட்டும்... வெற்றி அடைய வாழ்த்துக்கள்

**மாணிக்கம் நடேசன்** · 14/12/2009

மங்கள்யான் ஏவுகணையை தள்ளிவிட என்னைத்தான் கூப்பிட்டிருக்காங்க, நாள் இந்த ஏவுகணையை வானத்தில ஏத்திவிட்டு வீடு திரும்பனும். ஓய்வே இல்லாம அந்த பயிற்சிய செய்துகிட்டு இருக்கேன்.

amirmaran · amirmaran Mon Nov 04, 2013 4:48 pm

மாணிக்கம் நடேசன் wrote:மங்கள்யான் ஏவுகணையை தள்ளிவிட என்னைத்தான் கூப்பிட்டிருக்காங்க, நாள் இந்த ஏவுகணையை வானத்தில ஏத்திவிட்டு வீடு திரும்பனும். ஓய்வே இல்லாம அந்த பயிற்சிய செய்துகிட்டு இருக்கேன்.

நீங்க அதை தள்ளுற முன்னடி அது உங்கள தள்ளிவிட்டுர போகுது சிப்பு வருது

**சிவா** · **சிவா** Mon Nov 04, 2013 4:50 pm

மாணிக்கம் நடேசன் wrote:மங்கள்யான் ஏவுகணையை தள்ளிவிட என்னைத்தான் கூப்பிட்டிருக்காங்க, நாள் இந்த ஏவுகணையை வானத்தில ஏத்திவிட்டு வீடு திரும்பனும். ஓய்வே இல்லாம அந்த பயிற்சிய செய்துகிட்டு இருக்கேன்.

ஆமாம், உங்களைத்தானே இதற்கு கூப்பிடுவார்கள், ஏன்னா உங்க அனுபவம் அப்படி!!

(கவுண்டமணியுடன் நடுக்கடலில் கப்பலையே தள்ளிவிட்ட ஆளாச்சே நீங்க)

**SajeevJino** · **SajeevJino** Mon Nov 04, 2013 7:05 pm

ஏவுகணை என்று பெயர் மாற்றம் செய்து விட்டார்களோ ..ராக்கெட் தானே இது

Sponsored content · Sponsored content

மங்கள்யான் செயற்கைகோள் செய்திகள்

மங்கள்யான் செயற்கைகோள் செய்திகள்

மங்கள்யான் செயற்கைக்கோள் செய்திகள்!

Re: மங்கள்யான் செயற்கைகோள் செய்திகள்

மங்கள்யான் செயற்கைக்கோள் பயணம் பி.எஸ்.எல்.வி., கவுன்ட்-டவுன் துவக்கம்

Re: மங்கள்யான் செயற்கைகோள் செய்திகள்

Re: மங்கள்யான் செயற்கைகோள் செய்திகள்

Re: மங்கள்யான் செயற்கைகோள் செய்திகள்

Re: மங்கள்யான் செயற்கைகோள் செய்திகள்

Re: மங்கள்யான் செயற்கைகோள் செய்திகள்

Re: மங்கள்யான் செயற்கைகோள் செய்திகள்

Re: மங்கள்யான் செயற்கைகோள் செய்திகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக