காதல் !

**அகல்** · **அகல்** Wed Jun 05, 2013 11:49 am

ஆலங்கட்டியை
அள்ளியிறைக்கும்
புயல்மழை காதல்

கார்மேகம் கூடியதும்
முகத்தைமுத்தமிடும்
ஒற்றை மழைத்துளி
காதல்

விரல்களை ஒடித்துவிட்டு
வீணைமீட்டும்
விபரீத விளையாட்டு
காதல்

தவறாக உச்சரிக்கும்
பிஞ்சு மழலையின்
கொஞ்சல்மொழி காதல்

மாமரக்கிளை நிழலில்
தொட்டிலில் உறங்கும்
குழந்தையை
கடித்து அழவைக்கும்
கட்டெறும்பு காதல்

அழும் குழந்தைக்கு
இரண்டு வயல் தாண்டி
காற்றில் கரைந்துவரும்
தாயின் தாலாட்டு காதல்

முட்களுக்கிடையே
மூச்சுத் திணறும்
மூங்கில்தண்டு காதல்

அதைத் துளையிட்டு
இசைமீட்டும்
புல்லாங்குழல் காதல்

சுள்ளென்று சுட்டெரிக்கும்
சூரியனும் காதல்

ஒளியைக்
கடன்வாங்கி குளிர்விக்கும்
முழுநிலவும் காதல் !

நாசி துளைத்து
மூச்சடைக்கும்
கூவம்நதி காதல்

அவ்வப்போது
வந்துபோகும்
மண்வாசம் காதல்

மயிலின் அழகும்
குயிலின் குரலும்
காதல்

குயிலின் அழகும்
மயிலின் குரலும்
காதல்

சேவல் கூவும் நேரத்தில்
புல்லோடு உறவாடும்
பனித்துளி காதல்

சில மொட்டவிழும்
நேரத்தில்
புன்னகையைப் பறித்துவிடும்
பூகம்பம் காதல்

பூமிக்கு
புதுவரவைத்தரும்
பிரசவவலி காதல்

புதுவரவை பார்த்தவுடன்
தாயின் விழிகளில்கசியும்
கண்ணீர்த்துளி காதல்

காதைக் கதறவைக்கும்
ரீமிக்ஸ் இசை காதல்

உயிரை உறையவைக்கும்
இளையராஜா இசை காதல் !

Original Source : http://kakkaisirakinile.blogspot.in/2013/05/blog-post_16.html

அன்புடன்,
அகல்

http://1.bp.blogspot.com/-I3mJsY1mH6M/UZTo8K-EkcI/AAAAAAAACH0/Tn4zR8cBtYE/s1600/love-nature-mix-hd-x-mgid-news-398064.jpg

பூவன் · பூவன் Wed Jun 05, 2013 11:54 am

காதல் காதல் எங்கும் எதிலும் காதல் என சொல்லிய உங்கள் காதல் அருமை ,,, அருமையிருக்கு

**அகல்** · **அகல்** Wed Jun 05, 2013 1:04 pm

நன்றிகள் பூவன்... புன்னகை

jenisiva · jenisiva Wed Jun 05, 2013 4:16 pm

காதலனை
கவிஞனாக்கிய
பெருமை
காதலிக்கு

கவிஞனை
காதலனாக்கிய
பெருமை
கவிதைக்கு

அகல்
காதலிப்பது
கவிதையை
அல்லவா ?

காதல்
கவிதையும்
கவிதையில்
காதலும்
அழகு

**அகல்** · **அகல்** Wed Jun 05, 2013 4:46 pm

jenisiva wrote:காதலனை
கவிஞனாக்கிய
பெருமை
காதலிக்கு

கவிஞனை
காதலனாக்கிய
பெருமை
கவிதைக்கு

அகல்
காதலிப்பது
கவிதையை
அல்லவா ?

காதல்
கவிதையும்
கவிதையில்
காதலும்
அழகு