தோசை வகைகள் - கேழ்வரகு முருங்கை இலை அடை!

**krishnaamma** · **krishnaamma** Wed May 29, 2013 11:42 am

First topic message reminder :

தோசை............இது பிடிக்காதவாளே இருக்க மாட்டா என்பது என் எண்ணம் புன்னகை

இந்த திரி இல் பல வித தோசைகளை பார்ப்போம். தோசை என்பது அரைத்து செய்வது மட்டும் அல்லாது ரவா தோசை, மைதா தோசை போல கரைத்தும் செய்யப்படுகிறது. மேலும் அடை போல கனமாக காரமாகவும் வார்க்கிறோம். இலுப்ப சட்டிகளில் வார்க்கப்படும் ஆப்பம் மற்றும் தவலைகளில் வார்க்கப்படும் தவலை தோசைகளும் தோசை பிரிவில் அடக்கம்.

வெல்ல தோசைகளும் , தேங்காய் தோசைகளும், வெங்காய தோசைகளும், மசால் தோசைகளும் இதில் அடக்கம் புன்னகை

தோசை வகைகள் - கேழ்வரகு முருங்கை இலை அடை! - Page 5 RgBcG1FsQFS9iFQZhs9q+IMG-20150103-WA0008

மேலும் தோசைகள் எண்ணெய், நெய், வெண்ணெய் மற்றும் எண்ணெய் மற்றும் நெய் கலவை போன்றவற்றால் செய்யப்படுகிறது. எண்ணையே விடாமல் துடைத்து வார்க்கும் தோசைகளும் உண்டு. மூடி வைத்து வார்க்கும் தோசைகளும் உண்டு.
நான் இவை எல்லாவற்றுக்கான குறிப்புகளை இங்கே போடுகிறேன் உங்கள் பார்வைக்காக புன்னகை

**உமா** · **உமா** Thu May 30, 2013 4:33 pm

நேற்று கொஞ்சம் படித்தேன்..... அருமையா இருக்கு அனைத்தும்.... சூப்பருங்க

**krishnaamma** · **krishnaamma** Thu May 30, 2013 4:34 pm

உமா wrote:நேற்று கொஞ்சம் படித்தேன்..... அருமையா இருக்கு அனைத்தும்....

நன்றி உமா

**krishnaamma** · **krishnaamma** Thu May 30, 2013 4:35 pm

தேவையானவை :

2 1/2 கப் பச்சை
1/2 கப் அரிசி
உப்பு
எண்ணெய்

செய்முறை:

பச்சை பயறு மற்றும் அரிசியை தனி தனியாக ஒரு அரை மணி ஊறவைக்கவும்.
பிறகு பச்சை மிளகாய் சேர்த்து நன்றாக அரைக்கவும்.
மாவு அரைத்ததுமே தோசை வார்க்கலாம்.
வெங்காய சட்னியுடன் பரிமாறலாம்.
ஹைதராபாத்தில் இதற்கும் தொட்டுக்கொள்ள ரவா உப்புமா செய்வார்கள்.
பச்சை கலருடன் தோசை பார்க்கவே ரொம்ப நல்லா இருக்கும் புன்னகை

குறிப்பு: பொடியாக நறுக்கிய வெங்காயத்தை மாவுடன் சேர்த்து, தோசை வார்க்கலாம்.

**krishnaamma** · **krishnaamma** Thu May 30, 2013 4:39 pm

தேவையானவை :

1 கப் பச்சை அரிசி
1 கப் புழுங்கல் அரிசி
1 கப் பாசி பருப்பு
உப்பு
எண்ணெய்

செய்முறை:

அரிசி பருப்பை தனி தனியாக ஒரு அரைமணி ஊறவைத்த பின்பு, அரைக்கவும்.
இப்பொழுது நறுக்கிய பச்சை மிளகாய் மற்றும் வெங்காயத்தை மாவுடன் சேர்த்து, தோசை வார்க்கலாம்.
தொட்டுக்கொள்ள தேங்காய் சட்னி நல்லா இருக்கும் புன்னகை

**krishnaamma** · **krishnaamma** Thu May 30, 2013 6:31 pm

தேவையானவை :

அரிசி மாவு 3/4 கப்
உளுத்தம் மாவு 1/4 கப்
சோயா மாவு 1/4 கப்
சோடா உப்பு 1/4 கப்
உப்பு
எண்ணெய்

செய்முறை :

மேலே சொன்ன எல்லா பொருட்களையும் ஒரு பாத்திரத்தில் போட்டு தண்ணீர் விட்டு தோசை மாவு பதத்துக்கு கரைத்துக்கொள்ளவும்.
ஒரு அரைமணி கழித்து நல்ல மெல்லிசாக தோசை வார்க்கணும்.
அவ்வளவுதான் 'சோயா தோசை' ரெடி.
இது உடம்புக்கு ரொம்ப நல்லது.

**krishnaamma** · **krishnaamma** Thu May 30, 2013 6:41 pm

தேவையானவை :

அரிசி மாவு 1 கப்
கோதுமை மாவு 1 1/2 கப்
வெல்லம் 2 கப்
ஏல பொடி 1 டீ ஸ்பூன்
சோடா உப்பு ஒரு சிட்டிகை
நெய் தோசை வார்க்க

செய்முறை :

வெல்லத்ததை தட்டி தண்ணிரில் போடவும்.
மண்போக வடிகட்டவும்.
மாவுகள், சோடா உப்பு மற்றும் உப்பு எல்லாம் அந்த வெல்லத் தண்ணிரில் போட்டு தோசை மாவு பதத்துக்கு கரைக்கவும்.
ஒரு அரைமணி அப்படியே வைத்துவிட்டு , பிறகு தோசை வார்க்கணும்.
நெய் விட்டு வெல்ல தோசை வார்க்கணும்.
சுவையான 'வெல்ல தோசை' தயார்.
குழந்தைகளுக்கு ரொம்ப பிடிக்கும்.

குறிப்பு :அடுப்பு நிதானமாக எரிய வேண்டியது முக்கியம், இல்லாவிட்டால் தோசை தீய்ந்து விடும்.

**krishnaamma** · **krishnaamma** Thu May 30, 2013 6:54 pm

தேவையானவை :

கோதுமை மாவு 2 கப்
வெல்லம் 1 1/2 கப்
துளி உப்பு
தேங்காய் துருவல் 1/2 கப்
நெய்

செய்முறை :

அழமான வாணலி இல் 4 கப் தண்ணீர் விட்டு வெல்லத்தை பொடித்து போடவும்.
அது கரைந்ததும் கொதிக்கட்டும் , அடுப்பை சின்னதாக்கி விட்டு கோதுமை மாவை போடவும்.
நன்கு கட்டி இல்லாமல் கிளறவும்.
கொஞ்சம் நெய், தேங்காய் துருவல், சிட்டிகை உப்பு மற்றும் ஏலப்பொடி போட்டு கிளறி இறக்கவும்.
ஒரு தாம்பாளத்தில் கொட்டவும்.
நல்லா ஆறினதும் நார்த்தங்காய் அளவு உருண்டைகளாக உருட்டவும்.
பிறகு நெய் தடவிய பிளாஸ்டிக் ஷீட் அல்லது வாழை இலை இல் அடை போல தட்டவும்.
அடுப்பில் தோசை கல்லை போட்டு சூடானதும், தட்டி வைத்த அடையை அதில் போடவும்.
இரண்டு புறமும் நெய்விட்டு எடுக்கவும்.
வெல்ல அடை தயார்.
இதுவும் குழந்தைகளுக்கு ரொம்ப பிடிக்கும்.

குறிப்பு: இது போல கேழ்வரகு மாவில் கூட செய்யலாம்

**krishnaamma** · **krishnaamma** Thu May 30, 2013 7:12 pm

இது எங்காத்து 'ஹிட்' எப்பவுமே சூப்பருங்க

தேவையானவை :

அரிசி 1 கப்
உளுத்தம் பருப்பு 1/4 கப்
கடலை பருப்பு 3/4 கப்
வெந்தயம் 1 டேபிள் ஸ்பூன்
உப்பு
எண்ணெய்

செய்முறை :

அரிசி பருப்பு மற்றும் வெந்தயத்தை களைந்து ஒன்றாகவே ஊறவைக்கவும்.
2 -3 மணிநேரம் ஊரினதும் கொஞ்சம் 'காரகர்'பாக அரக்கவும்.
உடனேயே வார்க்கலாம்.
அந்த காலத்தில் தவலை இல் வார்ப்பளாம் ; இப்போ நம்மால் முடியாது.
அதனால் குழிவான வாணலி இல் வார்க்கலாம்.
வாணலி இல் முதலில் எண்ணெய் விட்டுக்கொண்டு , ஒரு கரண்டி மாவை விடவும்.
ரொம்ப பரத்த வேண்டாம் .
சுற்றிலும் எண்ணெய் விட்டு, இட்லி பானை முடியால் அதை மூடி விடவும்.
2 நிமிடம் கழித்து திறந்தால் , அடை மேல்பக்கம் வெந்து இருக்கும், அதை திருப்பி போடணும்.
அப்போது வரும் மேல் பக்கம் நல்ல மொரு மொரு பாக இருக்கும்.
திருப்பி போட்டதும் இலுப்ப சட்டியை முட வேண்டாம்.
மறு புறம் போட்டதும் மீண்டும் எண்ணெய் விடணும்.
அந்த பக்கமும் வெந்ததும் எடுத்து விடலாம்.
சுவையான 'தவல அடை ' ரெடி.
ரொம்ப நல்லா இருக்கும்.

குறிப்பு: வெந்தய கசப்பு இருக்கும் இந்த அடை இல், அது பிடிக்காத வா, ஒரு நாள் முன்பே வெந்தயத்தை மட்டும் ஊற வைத்து விட்டு மறுநாள் அரிசி பருப்பு ஊற வைத்து இந்த வெந்தயத்தை சேர்த்து அரைக்கலாம். வெந்தயம் ஊற வைத்த தண்ணியையும் வீணாக்காமல் அரைக்க உபயோகபடுத்தலாம்.

**krishnaamma** · **krishnaamma** Thu May 30, 2013 8:06 pm

தேவையானவை :

4 ஆழாக்கு பச்சரிசி
1 ஆழாக்கு உளுந்து
2 டேபிள் ஸ்பூன் வெந்தயம்
உப்பு
தோசை வார்க்க எண்ணெய்

செய்முறை :

அரிசி பருப்பு மற்றும் வெந்தயம் எல்லாத்தையும் தனித்தனியாக 2 - 3 மணிநேரம் ஊர வைத்து மிக்சி அல்லது கிரைண்டர், ஆட்டுக்கல் என எதிலாவது தனித்தனியாக நன்கு அரைக்கவும்.
ஒன்றாக உப்பு போட்டு கரைத்து வைக்கவும்.
ஒரு 8 - 10 மணிநேரம் கழித்து தோசை வார்க்கலாம்.
இந்த 'வெந்தய தோசை' வெந்தய மனமுடன் லைட் மஞ்சள் கலரில் தோசை அருமையாக இருக்கும்.

குறிப்பு: உடலுக்கு ரொம்ப குளுமை, எனவே வெய்யநாளில் செய்து சாப்பிடுவது ரொம்ப நல்லது.

**krishnaamma** · **krishnaamma** Thu May 30, 2013 8:13 pm

தேவையானவை :

கோதுமை மாவு 2 கப்
உளுந்து 1/2 கப்
உப்பு
எண்ணெய்

செய்முறை:

உளுந்தை 2 மணி நேரம் ஊற வைக்கவும்.
பிறகு நன்கு அரைக்கவும்.
கிரைண்டர் இல் உளுந்து அரைபடும் போதே கோதுமை மாவை கொஞ்சம் கொஞ்சமாக போடவும்.
இரண்டும் சேர்ந்து நன்கு அரைபடட்டும் ஒரு 2 நிமிஷம்.
பிறகு எடுத்து உப்பு போட்டு கரைத்து வையுங்கள்.
மறு நாள் தோசை வார்க்கலாம்.
மெத் என்று அருமையாக இருக்கும்.

குறிப்பு: சர்க்கரை நோயாளிகளுக்கான தோசை இது

Sponsored content · Sponsored content

தோசை வகைகள் - கேழ்வரகு முருங்கை இலை அடை!

தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

பெசரட் 2 - பச்சை பயறு தோசை

பெசரட் -3

'சோயா தோசை'

வெல்ல தோசை

வெல்ல அடை

தவல அடை

'வெந்தய தோசை'

கோதுமை உளுந்து தோசை - சர்க்கரை நோயாளிகளுக்கானது

Re: தோசை வகைகள் - கேழ்வரகு முருங்கை இலை அடை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக