பெண்களே மாமியாரையும் , அம்மாவையும் கொஞ்சம் கவனியுங்கள்

தாமு · தாமு Tue 20 Oct 2009, 12:39

அம்மா நமக்காகவே வாழ்கிறாள், மாமியார் நம் கணவன் மார்களைக்குகாகவே அவர்கள் நலனுக்காக பிராத்திது கொண்டு சதா அவர்கள் நினைவாகவே இருக்கிறாள்.

இவர்கள் இருவருமே தனக்கென எதுவும் வாங்கிக் கொள்வதில்லை நம்மிடம் கேட்பதும் கிடையாது இது வேண்டும் அது வேண்டும் என்று. அவர்கள் கேட்க மாட்டார்கள் நாம் தான் பார்த்து வாங்கி கொடுக்கனும்.

கிழவி தானே வயதாகி விட்டது என்று நினைக்க வேண்டாம்.

அவர்களுக்கு தேவையான வெளியில் செல்லும் போது கைக்கு அடக்கமான, தோலை அறுக்காத கை பை,செருப்பு, கண்ணாடி உடைந்து இருந்தால் கண்ணாடி, மழை என்றால் சிறிய குடை.இது போல சின்ன சின்ன அயிட்டங்கள் இருக்கா இல்லையா என்று பார்த்து வாங்கி கொடுங்கள்.
உள்ளாடைகள் அவர்கள் யாரிடமும் வாங்கி கேட்பதில்லை, கோடை என்றால் நல்ல தகுந்த காட்டன் உடைகள், குளிர் காலத்தில் தேவையானவை எல்லாம் பார்த்து பார்த்து வாங்கி கொடுங்கள்.பணம் கொடுத்தால் அவர்களுக்கென்று எதுவும் வாங்கி கொள்வதில்லை.

மாமியார் அம்மா என்றதும் ரொட்டி மாதிரி சேலையை வாங்கி கொடுக்க வேண்டாம், நல்ல ஷாஃப்டான மெல்லிய அதே நேரத்தில் துணி கண்ணாடி மாதிரி இல்லாமல் அடர்த்தியான சேலையாக பார்த்து வாங்கி கொடுங்கள்.

நன்றி - ஜலீலா