நாடு முழுதும் இலவச ரோமிங் அக்டோபருக்கு முன் அமலாகிவிடும்

**krishnaamma** · **krishnaamma** Fri Mar 08, 2013 7:24 pm

நாடு முழுதும் இலவச ரோமிங் வசதி இந்த ஆண்டு அக்டோபர் மாதத்திற்குள் அமல் படுத்த மத்திய அரசு முடிவெடுத்துள்ளது.

செல்போன் வாடிக்கையாளர்கள் ஒரு தொலைத் தொடர்பு வட்டத்திலிருந்து மற்றொரு தொலைத் தொடர்பு வட்டத்திற்குள் செல்லும்போது ரோமிங் கட்டணம் வசூலிக்கப்பட்டுவருகிறது. உள்வரும் அழைப்பு, வெளியே செல்லும் அழைப்பு என்று எதுவாக இருந்தாலும் கட்டணம் செலுத்தவேண்டியுள்ளது.

இந்த ரோமிங் கட்டணத்தினால் செல்போன் வாடிக்கையாளர்கள் கடும் அதிருதி அடைந்துள்ளனர். எனவே இந்த ரோமிங் கட்டணத்தை ரத்து செய்யவேண்டும் என்று தொலை தொடர்பு ஆணையம் பரிந்துரை செய்திருந்தது.

குறைந்தது வரும் அழைப்புகளுக்கு வசூலிக்கப்படும் கட்டணமாவது முழுதும் ரத்து செய்யப்படவேண்டும் என்று வாடிக்கையாளர்கள் எதிர்பார்த்தனர்.

தற்போது ரோமிங் கட்டணத்தை அக்டோபருக்கு முன் நடைமுறைப்படுத்துவோம் என்று மத்திய அமைச்சர் கபில் சிபல் உறுதியளித்துள்ளார்.