நாக்பூர் டெஸ்ட்: இந்தியா அபார பந்துவீச்சு: இங்கிலாந்து: 199/5

First topic message reminder :


நாக்பூர் டெஸ்ட்: இந்தியா அபார பந்துவீச்சு: இங்கிலாந்து: 199/5

நாக்பூர்: நாக்பூர் டெஸ்டில் இந்திய பவுலர்கள் துல்லியமாக பந்துவீச, ரன் சேர்க்க முடியாமல் இங்கிலாந்து பேட்ஸ்மேன்கள் திணறினர்.
இந்தியா வந்துள்ள இங்கிலாந்து அணி நான்கு போட்டிகள் கொண்ட டெஸ்ட் தொடரில் பங்கேற்கிறது. மூன்று டெஸ்ட் போட்டிகளில் முடிவில் இந்திய அணி 1-2 என பின்தங்கி உள்ளது. நான்காவது மற்றும் கடைசி டெஸ்ட் நாக்பூரில் உள்ள விதர்பா கிரிக்கெட் சங்க மைதானத்தில் இன்று துவங்கியது. "டாஸ் வென்ற இங்கிலாந்து கேப்டன் அலெஸ்டர் குக், பேட்டிங் தேர்வு செய்தார்.
ஜடேஜா வாய்ப்பு: இந்திய லெவன் அணியில் ரவிந்திர ஜடேஜா, பியுஸ் சாவ்லா இடம் பிடித்தனர். இங்கிலாந்து லெவன் அணியில் ஸ்டீவன் பின், சமித் படேல் நீக்கப்பட்டு டிம் பிரஸ்னன், அறிமுக வீரர் ஜோ ரூட் தேர்வு செய்யப்பட்டனர்.
பீட்டர்சன் அரைசதம்: முதல் இன்னிங்சை துவக்கிய இங்கிலாந்து பேட்ஸ்மேன்கள், இஷாந்த் சர்மா வேகத்தில் திணறினர். இவரது அபார பந்துவீச்சில் காம்ப்டன் (3), கேப்டன் அலெஸ்டர் குக் (1) அவுட்டானார்கள். பின் இணைந்த கெவின் பீட்டர்சன், ஜோனாதன் டிராட் ஜோடி ஆட்டத்தை கையில் எடுத்துக் கொண்டது. பொறுப்பாக ஆடிய பீட்டர்சன் அரைசதம் அடித்தார். 3வது விக்கெட்டுக்கு 86 ரன் சேர்த்த போது டிராட் (44) அவுட்டானார். அடுத்து வந்த இயான் பெல் (1) ஏமாற்றினார். பொறுப்பாக ஆடிய பீட்டர்சன் 73 ரன்களுக்கு வெளியேறினார்.
முதல் நாள் ஆட்டநேர முடிவில், முதல் இன்னிங்சில் இங்கிலாந்து அணி 5 விக்கெட்டுக்கு 199 ரன்கள் மட்டுமே எடுத்திருந்தது. ரூட் (31), பிரையர் (34) அவுட்டாகாமல் இருந்தனர். இந்தியா சார்பில் இஷாந்த், ஜடேஜா தலா 2, சாவ்லா ஒரு விக்கெட் வீழ்த்தினர்.

-தினமலர்

இந்தியா 87/4 (ஸ்டம்ப்ஸ் )

130 எடுத்துட்டா பாலோ ஆனை தவிர்க்கலாம்

யினியவன் wrote:130 எடுத்துட்டா பாலோ ஆனை தவிர்க்கலாம்

இப்படி ஆயிடுச்சே அணியின் நிலைமை

நோ சில்லி பீலிங்க்ஸ் - ரிலாக்ஸ் பாலாஜி ரிலாக்ஸ்

யினியவன் wrote:நோ சில்லி பீலிங்க்ஸ் - ரிலாக்ஸ் பாலாஜி ரிலாக்ஸ்

நமது அணியின் ஆட்டம் சற்று ஆட்டம் காணும் என நினைத்தேன் ஆனால் இப்படி அடியோடு கவிழும் என நினைக்கவில்லை...

ரா.ரமேஷ்குமார் wrote:நமது அணியின் ஆட்டம் சற்று ஆட்டம் காணும் என நினைத்தேன் ஆனால் இப்படி அடியோடு கவிழும் என நினைக்கவில்லை...

உங்களைதான் அப்ப உதைக்கணும் - ஆட்டம் காணும்ன்னு
நெனச்சே காலி பண்ணிட்டீங்களே

நாக்பூர்: இந்தியா மற்றும்இங்கிலாந்து அணிகளுக்கிடையேயான 4வது மற்றும் இறுதி கிரிக்கெட் டெஸ்ட் போட்டி நாக்பூரில் நடந்து வருகிறது.
:-
இப்போட்டியில் டாஸ் வென்று தனது முதல் இன்னிங்சை விளையாடிய இங்கிலாந்து அணி, 330 ரன்களுக்கு அனைத்து விக்கெட்டுகளையும் இழந்தது. இதையடுத்து விளையாடி வரும் இந்திய அணி, 2ம் நாள் ஆட்ட நேர முடிவில், 4 விக்கெட் இழப்பிற்கு 87 ரன்கள் எடுத்துள்ளது.
:-
விராட் கோஹ்லி 11 ரன்களுடனும், கேப்டன் தோனி 8 ரன்களுடனும் களத்தில் உள்ளனர். துவக்க ஆட்டக்காரர் சேவக் ரன் ஏதும் எடுக்காமலும், காம்பிர் 37 ரன்களுக்கும்,சச்சின் 2 ரன்களுக்கும் ஆட்டமிழந்தனர்.
:-
இங்கிலாந்து தரப்பில் ஆன்டர்சன் 3 விக்கெட்டுகளையும், ஸ்வான் ஒரு விக்கெட்டையும் வீழ்த்தினர்.
:-

நாக்பூர்: இங்கிலாந்து அணிக்கெதிரான 4வது மற்றும் இறுதி டெஸ்ட் போட்டியில் இந்திய அணியின் மாஸ்டர் பேட்ஸ்மேன் சச்சின் 2 ரன்களுக்கு ஆன்டர்சன் பந்தில் போல்டாகி மீண்டும் ஏமாற்றம் அளித்தார்.
:-
இந்த தொடர் முழுவதுமே அவர் சிறப்பாக விளையாட வில்லை. இதையடுத்து அவர் மீது கடுமையான விமர்சனங்கள் எழுந்த நிலையில், அவர் தொடர்ந்து அணியில் நீடிப்பார் என பி.சி.சி.ஐ., தெரிவித்தது. இந்நிலையில்,இன்று மீண்டும் வெறும் 2 ரன்களுக்கு அவுட்டாகி விமர்சகர்களின் கருத்துக்கு தீனியளித்துள்ளார்.
:-
தினமலர்

யினியவன் wrote:

ரா.ரமேஷ்குமார் wrote:நமது அணியின் ஆட்டம் சற்று ஆட்டம் காணும் என நினைத்தேன் ஆனால் இப்படி அடியோடு கவிழும் என நினைக்கவில்லை...

உங்களைதான் அப்ப உதைக்கணும் - ஆட்டம் காணும்ன்னு
நெனச்சே காலி பண்ணிட்டீங்களே

அண்ணா இந்த போட்டியில் இந்திய அணியில் ஒரே ஒரு வேகப்பந்து வீச்சாளரக இஷாந்த் சர்மா மட்டுமே இருக்கிறார்..நேற்றைய நிலவரப்படி அவருக்கு இரண்டு விக்கெட்டுகள் விழுந்த பொழுதே அவர்களின் வேகத்தில் நம்மவர்கள் நடையை கட்டுவார்கள் என தெரியும் ஆனால் இவ்வளவு வேகமாக என தெரியாமல் போய் விட்டது...