மிரட்டும் டிச.21: அழியப் போகிறதா உலகம்

http://img.dinamalar.com/data/large/Tamil_News_large_596898.jpg

"2012, டிச.21ல் உலகம் அழியும்' என்ற தகவல் பரவி, பலரையும் பீதியில் ஆழ்த்தி வருகிறது. எங்கிருந்து இந்த கதை கிளம்பியது என்று பார்த்தால், பழமையான "மாயா நாகரீகத்தை' நோக்கி கையை காண்பிக்கின்றனர். புத்தகங்கள், இணையதளங்கள், திரைப்படங்கள் வழியாகவும் இக்கருத்து பரவி, பீதியை மேலும் அதிகரிக்கிறது.

மாயா நாகரிகம் என்றால் என்ன:பண்டைக் காலத்தில், மத்திய அமெரிக்காவில் பரவியிருந்த சிறந்த நாகரீகம் மாயா. தற்போதுள்ள மெக்ஸிகோ, கவுதிமாலா, ஹோண்டுராஸ் ஆகிய பகுதிகளில் வசித்த மாயர்களிடம் இந்நாகரீகம் காணப்பட்டது. இது கி.மு., 2600ல் தோன்றியது. முழுவதும் வளர்ச்சி பெற்ற எழுத்து, மொழி ஆகியவற்றை இது பெற்றிருந்தது. கணிதம், வானியலில் மாயர்கள் சிறப்புற்றிருந்தனர். மாயர்களின் கட்டடக்கலை குறிப்பிடத்தகுந்தது.

நுணுக்கமாகவும், விசாலமான இடத்தை கொண்டிருக்கும் வகையிலும் கட்டடங்கள் இருக்கும். கி.மு., 150ம் ஆண்டுகளில் மாயா நாகரீகம் உச்சத்தை அடைந்தது.

மாயா நாகரீகத்தினர், பூஜ்ஜியத்தைப் போன்ற ஒரு பயன்பாட்டு முறையை அறிந்திருந்தது சிறப்பாக கருதப்படுகிறது. வளர்ச்சியடைந்த கிரேக்கர்கள் கூட, பூஜ்ஜியத்தை அராபியர்களிடமிருந்தே அறிந்தனர். இரும்பு போன்ற உலோகங்கள் மற்றும் சக்கரங்களின் பயன்பாட்டை அறிந்திருக்கவில்லை. உலோகங்கள் இல்லாமலே உறுதியான, சிறந்த கட்டடங்களை வடிவமைத்தனர். நுண்ணிய வேலைப்பாடுகள் அமைந்த சிற்பங்களையும் செதுக்கினர்.

சூரியன், சந்திரன், புதன், வெள்ளி ஆகியவற்றின் சுழற்சி முறைகளை அறிந்து ஆவணப்படுத்தினர். சூரிய மற்றும் சந்திர கிரகணங்களை முன்கூட்டியே கணித்தனர்.

சடங்கு, சம்பிரதாயங்களில் அதிக நம்பிக்கை கொண்டவர்களாக விளங்கினர். வானியல் நிகழ்வின் அடிப்படையிலேயே சடங்குகளை செய்தனர். ஒவ்வொரு ஆண்டும் கடவுளிடம் அரசர்கள் பேசி, ஆலோசனை நடத்தும் சடங்கை நடத்தினர்.

கல்வெட்டுகள், சிற்பங்கள் ஆகியவற்றையும் வடிவமைத்தனர். புத்தகத்தை வடிவமைக்கும் அறிவையும் பெற்றிருந்தனர். இவ்வளவு சிறப்பையும் பெற்றிருந்த மாயா நாகரீகம் எவ்வாறு அழிந்தது என இதுவரை தெளிவாக தெரியவில்லை. இதற்கான சில காரணங்களை வரலாற்று அறிஞர்கள் கூறுகின்றனர். சிற்றரசர்கள் இடையே ஏற்பட்ட சண்டை, நோய்கள் மூலம் அழிந்திருக்கலாம் என கருதப்படுகிறது. காடுகளை அழித்து விவசாயம் நடத்தியதாலும் அழிந்ததாக கூறப்படுகிறது. இவற்தற எல்லாம் கடந்து சுமார் ஆறு லட்சம் மாயன் இனத்தவர்கள் மெக்ஸிகோ, கவுதமாலா நாடுகளில் இன்றும் வாழ்கிறார்கள்.

மாயன் காலண்டர் சொல்வது என்ன:மாயன் காலண்டர், காலத்தின் அடிப்படையிலான முறைகளையும், கோள்களின் அடிப்படையிலான விபரங்களையும் கொண்டதாக வடிவமைக்கப்பட்டது. தற்கால காலண்டர்களுக்கு அடிப்படையாக இது விளங்குகிறது. 2012, டிச.21ம் தேதி முடியும் வகையில் இக்காலண்டர் அமைக்கப்பட்டுள்ளது. இதை வைத்து தான், உலகமே அன்றுடன் முடியப் போகிறது என எண் கணித ஆய்வாளர்கள், ஜோதிடர்கள் "கதை' கட்டிக்கொண்டு இருக்கின்றனர். ஆனால் இது, உலகத்துகான முடிவு அல்ல என்றும், காலண்டரின் சுழற்சி முடிவே என்றும் வரலாற்று ஆராய்ச்சியாளர்கள் மறுக்கின்றனர்.

2000ம் ஆண்டின் துவக்கத்திலும் இதே போல் உலகம் அழியும் என ஆளாளுக்கு பேசினர். 2012ல் உலகம் அழியும் என்ற கருத்தை, நாசா விஞ்ஞானிகள் மறுக்கின்றனர். "மனிதர்களாலே தான் அழிவுகள் நேர்கின்றன. இயற்கையை அழிப்பது; தொழில் வளர்ச்சி; அறிவியல் உபகரணங்கள் போன்றவற்றால் ஏற்படும் வெப்பநிலை உயர்வு தான் உலகத்தை அழிக்கின்றன,'' என ஆராய்ச்சியாளர்கள் தெரிவிக்கின்றனர். 2012ம் ஆண்டில் மொத்தமாக அழிவு ஏற்படும் என்பதெல்லாம், மூடநம்பிக்கைவாதிகள் கட்டிவிடும் கதைதான்.ஆக, ஒவ்வொரு காலகட்டத்திலும் இதுபோல் சிலர், ஏதாவது கதை கட்டிவிடுவது நடந்துகொண்டு தான் இருக்கிறது.

தினமலர்

ம... ரொம்ப சரி சிவா, இதை வைத்துக்கொண்டு எவ்வளவு வியாபாரங்கள் நடக்கின்றன? நம் தளத்திலேயே நான் ஒரு வீடியோ பார்த்தேன், ஒருவர் 16 வருடங்களுக்கு முன்பிருந்தே பூமி அடி இல் ராக்ஷத குழாய்களில் வீடு போல கட்டி ஒரு வருடத்திற்கு தேவையான வைகளை ( உணவு, தண்ணீர் மின்சாரம் முதலியவைகளை ) வைத்து , அவற்றை விற்று அவர் இத்தனைகாலம் சுகமாய் மிகப்பெரிய பணக்காரராக ஆகி வாழ்ந்து கொண்டு இருக்கிறார். எவ்வளவு சாமர்த்தியம் பாருங்கள். அந்த ஒரு வருடத்துக்கு பிறகு என்ன ஆகும்? அல்லது பூமியே அழியும் போது இந்த ஆழ் வீடுகள் ஒன்றும் ஆகாதா? என்ன மடமை இது ? எனக்குப்புரியவில்லை சிலரின் பயத்தையும் இயலாமையையும் வைத்துக்கொண்டு மற்றவர்கள் பணம் பார்க்கிறார்கள் இப்ப அவ்வளவுதான் மிச்சம்

அழியுமோ அழியாதோ?அதற்குள் வீட்டுக்கு ஒரு 50 இன்ச் 3d தொலைகாட்சி வாங்கிவிட வேண்டும்

நிச்சயமாக அழியாது.
ஒருவேளை பூமியில் சில பகுதிகளில் பாரிய பாதிப்புக்கள், உயிரிழப்புக்கள் ஏற்படலாம்.
எல்லாவற்றையும் அறிந்தவன் இறைவன் ஒருவனே.

டிசம்பர் 21 ம கடந்து போகும்

அழிவது அழியும் நேரத்தில் அழியும்
அதுவரை நாம் எதையும் அழிக்காது
மகிழ்வுடன் இருப்போம்

“I am not afraid of death, I just don't want to be there when it happens.” - வுடி ஆலன்

அழிந்தால் மாயன்களின் திறமையை நினைத்து கொண்டே,அழியவில்லை என்றால் ஏலியன்களின் வரவை எதிர்பார்த்தே...

ரா.ரமேஷ்குமார் wrote:அழிந்தால் மாயன்களின் திறமையை நினைத்து கொண்டே,அழியவில்லை என்றால் ஏலியன்களின் வரவை எதிர்பார்த்தே...

பொறுத்து இருந்து பாப்போம் ......