மிகச் சிறந்த தொழில்முனைவோராக இன்ஃபோசிஸ் நாராயணமூர்த்தி தேர்வு

மிகச் சிறந்த தொழில் முனைவோராக இன்ஃபோசிஸ் நிறுவனர் என்.ஆர். நாராயணமூர்த்தி தேர்வு செய்யப்பட்டுள்ளார்.

நியூயார்க்கிலிருந்து வெளியாகும் ஃபார்ச்சூன் இதழ் உலகம் முழுவதும் உள்ள சிறந்த தொழில் முனைவோரைக் கண்டறிந்து பட்டியலிட்டுள்ளது. இதில் சமீபத்தில் காலமான ஆப்பிள் நிறுவனத் தலைமை நிர்வாகி ஸ்டீவ் ஜாப்ஸ் முதலிடத்தில் உள்ளார்.

இந்தப் பட்டியலில் மைக்ரோசாஃப்ட் நிறுவனர் பில் கேட்ஸ், ஃபேஸ்புக் தலைமை செயல் அதிகாரி மார்க் ஸுகெர்பர்க் ஆகியோரது பெயரும் இடம்பெற்றுள்ளது. தங்களது யோசனைகளை நிறுவனத்தில் செயல்படுத்தியவர்கள் என்று இவர்களது பெயர் குறிப்பிடப்பட்டுள்ளது.

இந்தியாவில் மிகப் பெரிய தகவல் தொழில்நுட்ப நிறுவம் இன்ஃபோசிஸ் டெக்னாலஜீஸை உருவாக்கிய தொலைநோக்கு சிந்தனை கொண்டவர் நாராயணமூர்த்தி என்று பார்ச்சூன் இதழ் புகழாரம் சூட்டியுள்ளது.

மேலை நாடுகள் மட்டுமே ஆதிக்கம் செலுத்தி வந்த கம்ப்யூட்டர் துறையில் இந்தியாவாலும் சாதிக்க முடியும் என்பதை நிரூபித்தவர் நாராயண மூர்த்தி என்று குறிப்பிடப்பட்டுள்ளது. நிறுவனத்தை உருவாக்கி விரிவுபடுத்தியதோடு அல்லாமல் இவரால் பல லட்சம் கோடி டாலர் இந்திய அரசுக்குக் கிடைத்துள்ளது என்றும் குறிப்பிட்டுள்ளது.

சிறிய அளவில் தொடங்கப்படும் நிறுவனம் மிகப் பெரிய அளவில் வளர்வதற்கு அதில் உள்ள குழுவினரின் அயராத செயல்பாடு மிகவும் அவசியம் என்பதை இன்ஃபோசிஸ் நிறுவன கட்டமைப்பு எடுத்துக்காட்டியுள்ளது என்று பார்ச்சூன் இதழில் குறிப்பிடப்பட்டுள்ளது. இன்றைய தினத்தை தியாகம் செய், நாளை உனதாகும் என்று நாராயணமூர்த்தியின் வாசகம் மிகச் சிறந்த தொழில்முனைவோர் பட்டியலில் அவருக்கு 10 வது இடத்தை பிடித்துத் தந்துள்ளது.

நக்கீரன்

இன்றைய தினத்தை தியாகம் செய், நாளை உனதாகும் என்ற நாராயணமூர்த்தியின் வாசகம்