கூடங்குளத்தை மையம் கொள்ளும் பயங்கரவாத கும்பல்: 3 பேர் சிக்கினர்

First topic message reminder :



கூடங்குளம் பிரச்னையை முன் வைத்து, தென் தமிழகத்தில் பயங்கரவாதத்தை வளர்க்க முயலும் கும்பல் மீது, போலீசார் கடும் நடவடிக்கை எடுத்து வருகின்றனர். இதுவரை, மூன்று பேர் கைது செய்யப்பட்டுள்ளனர்.

பேச வருபவர்கள் யார்?திருநெல்வேலி மாவட்டம் கூடங்குளம் அணுஉலைக்கு எதிராக போராடி வருபவர்கள், இடிந்தகரையில் முகாமிட்டுள்ளனர். அங்கு உதயகுமார், புஷ்பராயன் உள்ளிட்டோரை ஆதரித்து பேச, பல்வேறு இயக்கத்தினர் வந்து செல்கின்றனர்.தர்மபுரி, சேலம் உள்ளிட்ட பகுதிகளை சேர்ந்த தமிழ் பயங்கரவாத அமைப்புகளை சேர்ந்தவர்கள், நேற்றுமுன்தினம், பாளையங்கோட்டையில் வைகோ தலைமையில் நடந்த ஆர்ப்பாட்டத்தில் பங்கேற்றனர்.

கடத்தல் மையமாக்க திட்டம்?இவர்களை, கியூ பிராஞ்ச் போலீசார் பின்தொடர்ந்த போதுதான், கூடங்குளம், இடிந்தகரை, உவரி, கூட்டப்பனை, கூட்டப்புளி என, தற்போது, கூடங்குளம் பிரச்னையால் அமைதியாக கிடக்கும் கடற்கரை பகுதிகளை, கடத்தல் மையமாக்க திட்டமிடுகின்றனர் என தெரியவந்தது.இவர்களில், சேலத்தை சேர்ந்த முகிலன் என்பவர் கைது செய்யப்பட்டார். முகிலனின் பூர்வீக பெயர் சண்முகம். சேலம் சென்னிமலையை சேர்ந்த இவர், போராட்ட ஆவல் காரணமாக கூடங்குளம் வந்தார். பின்னர், அங்கேயே செட்டில் ஆகவிட்டார்.நெல்லை கலெக்டர் அலுவலகத்தில், மத்திய நிபுணர் குழுவுடன் பேச்சு வார்த்தைக்கு வந்தபோது, உதயகுமார் குழுவினருக்கும், இந்து முன்னணியினருக்கும் இடையே நடந்த மோதலில், முகிலன்தான் முன்னணியில் நின்றார். அவர், தற்போது ஈரோட்டில் கைது செய்யப்பட்டுள்ளார்.

அவரிடம் போலீசார், அவருக்கும், கூடங்குளம் போராட்டத்திற்கும் உள்ள தொடர்பும், இங்கு வந்துசெல்லும், மற்ற கும்பல்கள் குறித்தும் விசாரித்து வருகின்றனர்.

கைதானவர் நக்சலைட்?இந்நிலையில், பாளையங்கோட்டையில் அணுஉலைக்கு எதிராக, வைகோ தலைமையில் நடந்த ஆர்ப்பாட்டத்தில் பங்கேற்க வந்த, சேலத்தை சேர்ந்த சதீஷ்குமாரை கைது செய்தனர்.
இவர் மீதும், நக்சலைட் இயக்கங்களுடன் தொடர்புடைய வழக்குகள் உள்ளன. தர்மபுரி மாவட்டம் ஊத்தங்கரையில் நடந்த சம்பவங்கள், பயிற்சிகள் தொடர்பான வழக்குகளும் அவர் மீது உள்ளன. இவருக்கும் கூடங்குளத்திற்கும் என்ன தொடர்பு என, போலீசார் நேற்று விசாரித்தனர்.

விடுதலைப் புலிகளுக்குஆயுத சப்ளை செய்தவர்:அதோடு நேற்று அதிகாலையில் ராஜபாளையத்தில் கைது செய்யப்பட்டவர் வன்னி அரசு. விடுதலை சிறுத்தைகள்அமைப்பின் செய்தி தொடர்பாளராக இருந்த இவர், ஏற்கனவே, விடுதலைப் புலிகளுக்கு ஆயுதங்கள் சப்ளை செய்தபோது கைது செய்யப்பட்டுள்ளார். அவரை, நேற்று காலை நாங்குநேரி கோர்ட்டில் ஆஜர்ப்படுத்திய போலீசார், பின்னர், திருச்சி சிறைக்கு கொண்டு சென்றனர். புலிகளுக்கு ஆயுத சப்ளை செய்த இவருக்கும், கூடங்குளம் அணுஉலை எதிர்ப்பிற்கும் என்ன தொடர்பு என விசாரணை நடக்கிறது.மேலும், சேலம், தர்மபுரி உள்ளிட்ட பயங்கரவாத கும்பல்களின் நடமாட்டம் உள்ள பகுதிகளை சேர்ந்தவர்கள், அணுஉலை எதிர்ப்பு என்ற போர்வையில் ஆயுதக் கடத்தலில் ஈடுபட திட்டமிட்டுள்ளார்களா, அவர்கள் ஏன் இடிந்தகரையில் முகாமிட வேண்டும், என்பது குறித்தும், போலீசார் விசாரித்து வருகின்றனர்.முகிலன், சதீஷ்குமார், வன்னிஅரசு ஆகியோரை தொடர்ந்து, தி.மு.க., கூட்டணியில் உள்ள, முக்கிய கட்சி ஒன்றின் பிரமுகர்களும், மேடைகளில் ஆவேசமாக பேசமட்டுமே செய்யும் சிவகங்கைக்காரரின் கட்சியில் இருந்து சிலரையும், கியூ பிராஞ்ச் போலீசார் கைது செய்து, "முறைப்படி' விசாரிக்க உள்ளனர்.

தினமலர்

புரட்சி wrote:

ஜேன் செல்வகுமார் wrote:சிவா அண்ணா,http://www.eegarai.net/t82241-topic.....

ப்ரீ எண்டு வருகிறது

இப்ப பாருங்க...

சிவா wrote:

ஜேன் செல்வகுமார் wrote:சிவா அண்ணா,http://www.eegarai.net/t82241-டாபிக்.....

கேட்பீங்கன்னு நல்லாவே தெரியும்!

அங்க சொன்னது என் சொந்தக் கருதுக்களை இனிமேல் எழுதுவதில்லை என்று, இது தினமலர் செய்தி....! எப்பூடி!

ஜஸ்ட் மிஸ்....