தமிழகம் குடிகார மாநிலமாக மாறுகிறது : ராமதாஸ்

**சிவா** · **சிவா** Tue Mar 20, 2012 11:49 am

First topic message reminder :

சேலம் : ""தமிழகத்தில் ஆட்சிக்கு வருபவர்கள், தொடர்ந்து, "டாஸ்மாக்' மதுக் கடைகளைத் திறக்க ஆர்வம் காட்டுவதால், தமிழகம் குடிகார மாநிலமாக மாறி வருகிறது,'' என, பா.ம.க., நிறுவனர் ராமதாஸ் தெரிவித்தார்.

சேலத்தில் நேற்று, ராமதாஸ் நிருபர்களிடம் கூறியதாவது: கடந்த தி.மு.க., ஆட்சியில் நான், சமுதாய மதத் தலைவர்களுடன் அப்போதைய முதல்வர் கருணாநிதியை சந்தித்த போது, ராமதாசின் கொள்கையே என் கொள்கை எனக் கூறி, "டாஸ்மாக்' கடைகளின் விற்பனை நேரத்தைக் குறைத்தார். தற்போது, கடைகளின் விற்பனை நேரம், காலை 9 முதல், இரவு 11 மணி வரை அதிகரிக்கப்பட்டுள்ளது.

ஆங்காங்கே இளைஞர்கள், மாலை நேரங்களில்,"டாஸ்மாக்' கடைகளில் அணிவகுத்து நின்று குடிக்கின்றனர். தமிழகம் குடிகார மாநிலமாக மாறி வருகிறது. வாரம் ஒரு நாள் விடுமுறை என்று கூறினர். அதன் மூலம், மின்வெட்டு குறையும் என்று சொன்னார்கள். ஆனால், இன்று வரலாறு காணாத அளவுக்கு மின்வெட்டு நேரம் அதிகரித்துள்ளது.

மின்சாரம் எப்போது போகும், எப்போது வரும் என்று, யாருக்கும் தெரியாது. ஜூன் மாதத்தில் நிலைமை சரியாகும் என்று சொல்லியது, தமிழகத்தின் மின்சார உற்பத்தி நிலையங்களில் உற்பத்தி கூடும் என்று நினைத்து சொல்லி இருக்கலாம். ஆனால், நெய்வேலி மின் நிலையத்தில் உற்பத்தியாகும் மின்சாரத்தைப் பெற, மத்திய அரசுடன் பேசி, கூடுதல் மின்சாரம் பெற நடவடிக்கை எடுக்க வேண்டும். இவ்வாறு ராமதாஸ் கூறினார்.

தினமலர்