மூட்டுவலி உங்களை பாடாய் படுத்துகிறதா?

தாமு · தாமு Mon Sep 28, 2009 6:55 am

ஒருவருக்கு முதுமை எட்டிப் பார்த்துவிட்டாலே அங்கே மூட்டுவலியும் ரவுண்டு கட்டிக்கொண்டு பாடாய் படுத்த ஆரம்பித்து விடுகிறது. இடுப்பு மூட்டு, கால் மூட்டு, தோள்பட்டை, கழுத்து போன்ற பகுதிகளில் இந்த வலியை உணர முடியும்.

இந்த மூட்டுவலிக்கு முதன்மை காரணமாக முதுமை இருந்தாலும், உடலுக்கு ஒத்துக்கொள்ளாத உணவுகளை அடிக்கடி சாப்பிடுவது, அதிக குளிர்ச்சி மற்றும் வெப்பமான காலநிலை, அதிகநேரம் நடத்தல் அல்லது அதிக எடை கொண்ட பொருட்களை தூக்குதல், அதிகமாக உடற்பயிற்சி செய்தல் அல்லது எந்தவித உடற்பயிற்சியும் செய்யாமல் இருப்பது, நீண்டநாட்களாக உடல் நோய்களால் பாதிக்கப்பட்டு இருப்பது, எலும்பு மூட்டுகளில் ரத்தம் உறைந்துபோய் காணப்படுவது ஆகியவையும் பிற காரணங்களாக அமைகின்றன.

நீங்களும் மூட்டுவலியால் அவதிப்படுபவரா? அந்த அவஸ்தையில் இருந்து தப்பிக்க வேண்டுமா? அதற்கு சில டிப்ஸ்:

* காரட், பீட்ரூட் ஆகியவற்றை பச்சையாக சாப்பிடும் வழக்கத்தை ஏற்படுத்திக் கொள்ளுங்கள்.

* காய்கறி சூப், அசைவ சூப் அடிக்கடி சாப்பிடுங்கள்.

* எந்த வாழைப்பழமாக இருந்தாலும், அதை தினமும் சாப்பிடும் வழக்கத்தை ஏற்படுத்திக் கொள்ளவும்.

* கால்சியம் அதிகம் உள்ள பால், பால் சார்ந்த பொருட்கள் மற்றும் மீன் உணவை அடிக்கடி எடுத்துக்கொள்ளுங்கள்.

* நடைபயிற்சியும் அவசியமான ஒன்றுதான். ஆனால், அது அளவோடுதான் இருக்க வேண்டும். அதேபோல், அளவான உடற்பயிற்சி செய்வதும் நன்மை தரும்.

* காரம் நிறைந்த எண்ணெயில் வறுத்த உணவுகள், காபி, டீ சாப்பிடுவதை முடிந்தவரை தவிர்த்துவிடுங்கள்.

* உடல்நலத்தை காக்க அக்கறை எடுப்பதுபோல் உங்கள் மனதையும் சுகமாய் வைத்திருக்க முயன்றிடுங்கள். அதாவது, மனதில் தேவையில்லாத விஷயங்களைப் போட்டு குழப்பிக்கொள்ள வேண்டாம். தேவையில்லாமல் டென்ஷன் ஆக வேண்டாம்.