உலகின் 700வது கோடி குழந்தை பிலிப்பைன்சில் பிறந்தது

பாலாஜி · பாலாஜி Mon Oct 31, 2011 1:20 pm

First topic message reminder :

பிலிப்பைன்ஸ் தலைநகர் மணிலாவில் உள்ள நெரிசலான அரசு மருத்துவமனையில் உலகின் 700வது கோடி குழந்தை பிறந்தது. இது ஒரு பெண் குழந்தை என்பது குறிப்பிடத்தக்கது.

குழந்தைக்கு தானிகா மே கமாச்சோ என்று பெயர் சூட்டப்பட்டுள்ளது. உலக மக்கள் தொகை வளர்ச்சியின் ஒரு குறியீடாக இதனை ஐ.நா. வரவேற்றுள்ளது.

2.5 கிலோ உடல் எடையுள்ள இந்தப் பெண்குழந்தை நேற்று நள்ளிரவு மணிலாவின் ஜோஸ் பாபெல்லா நினைவு மருத்துவமனையில் பல கேமராக்களின் பிளாஷ் வெளிச்சத்துடன் உலகிற்கு வந்தது.

கேமிலி டலூரா, புளோரன்ட் கமாச்சோ என்ற தம்பதியினருக்கு பிறந்த 2வது குழந்தைதான் உலகின் 700கோடியாவது குழந்தையாகும்.

தானிகா என்றால் காலை நட்சத்திரம் என்று பொருள். பெற்றோரையும், குழந்தையையும் ஐ.நா. அதிகாரிகள் சந்தித்து கேக் கொடுத்து கொண்டாடினர்.

பிறந்தவுடனேயே அதிர்ஷ்டம் இந்தக் குழந்தைக்குக் கொட்டத் தொடங்கியது. இந்தப் பெண் குழந்தையின் கல்விக்காக நன்கொடைகள் குவிவதோடு, பெற்றோர் ஒரு சிறு கடை திறப்பதற்கும் உதவிகள் வந்தவண்ணம் உள்ளன.

ஆனால் 600கோடியாவது குழந்தையாகப் பிறந்து தற்போது 12வயதாகும் போச்னியாவைச் சேர்ந்த அட்னன் நெவிக், மடேஜ் கஸ்பர் என்ற உலகின் 500வது கோடியாகப் பிறந்த குழந்தை ஆகியோர் தங்களை ஐ.நா. புறக்கணித்து விட்டதாக புகார் எழுப்பியுள்ளனர்.

-வெப்துனியா ..

**இளமாறன்** · **இளமாறன்** Mon Oct 31, 2011 4:18 pm

போன வாரமே ஐ நா வில் இந்த வாரத்திற்கும் 700 கோடி தாண்டி விடும் என அறிக்கை வந்து விட்டது .. சொன்ன கடைசி நேரம் பிறந்த குழைந்தை தான் அது .. யாரும் எத்தனை குழைந்தை என்று எண்ண வில்லை ... ஏனா எனக்கு ஒரு கோடிக்கே எத்தனை பூஜ்ஜியம் என்று தெரியாது சிரி

aathma · aathma Mon Oct 31, 2011 5:01 pm

கணக்கு தெரிஞ்சாதே 700 கோடி ண்ணா ?
இன்னும் கணக்கில் வராதது சந்து பொந்து இண்டு இடுக்கில் இருக்குமே
இனி அதையெல்லாம் சேர்த்தால் எத்தனை கோடி வருமோ ? அதிர்ச்சி

**பிளேடு பக்கிரி** · 01/03/2010

aathma wrote:கணக்கு தெரிஞ்சாதே 700 கோடி ண்ணா ?
இன்னும் கணக்கில் வராதது சந்து பொந்து இண்டு இடுக்கில் இருக்குமே
இனி அதையெல்லாம் சேர்த்தால் எத்தனை கோடி வருமோ ?

அவங்க எலி கணக்கு எடுக்கலை.. குழந்தைங்க கணக்கு தான் எடுக்கிறாங்க சிப்பு வருது

**பிரசன்னா** · **பிரசன்னா** Mon Oct 31, 2011 5:22 pm

பிளேடு பக்கிரி wrote:
aathma wrote:கணக்கு தெரிஞ்சாதே 700 கோடி ண்ணா ?
இன்னும் கணக்கில் வராதது சந்து பொந்து இண்டு இடுக்கில் இருக்குமே
இனி அதையெல்லாம் சேர்த்தால் எத்தனை கோடி வருமோ ?

அவங்க எலி கணக்கு எடுக்கலை.. குழந்தைங்க கணக்கு தான் எடுக்கிறாங்க

**சிவா** · **சிவா** Tue Nov 01, 2011 11:57 am

700 கோடியாவது குழந்தை இந்தியாவில் பிறந்தது

லக்னோ, நவ.1- உலகின் மக்கள் தொகை 700 கோடியாக நேற்று உயர்ந்தது. 700 கோடியாவது குழந்தை இந்தியாவில் பிறந்தது.

உலகின் ஜனத்தொகை 700 கோடி

உலகின் ஜனத்தொகை 700 கோடியாக அக்டோபர் மாதம் 31-ந்தேதி நள்ளிரவில் உயரும் என்றும், இந்த குழந்தை இந்தியாவில், உத்தரபிரதேச மாநிலத்தில் பிறக்க அதிக வாய்ப்பு இருக்கிறது என்றும், ஐக்கிய நாட்டு சபையின் கணக்கெடுப்பு அதிகாரிகள் அறிவித்து இருந்தனர். இந்தியாவில் நிமிடத்துக்கு 51 குழந்தைகள் பிறப்பதாகவும், இதில் 11 குழந்தைகள் உத்தர பிரதேசத்தில் பிறப்பதாகவும் கணக்கெடுப்பு கூறுகிறது.

இந்தநிலையில், அனைவராலும் எதிர்பார்க்கப்பட்ட இந்த குழந்தை உத்தரபிரதேச மாநிலத்தில் லக்னோவின் புறநகர் பகுதியில் உள்ள தனூர் கிராமத்தில் பிறந்தது. இந்த குழந்தை அங்கு இந்திய நேரப்படி காலை 7-20 மணிக்கு பிறந்தது. 3 கிலோ எடை உள்ள அந்த பெண் குழந்தை அங்குள்ள சமுதாய நல ஆஸ்பத்திரியில் பிறந்தது என்று அதிகாரப்பூர்வமாக அறிவிக்கப்பட்டு இருக்கிறது. இதற்கான சான்றிதழை அதிகாரிகள் வழங்கினார்கள்.

நர்கீஸ்

அந்த அழகிய பெண் குழந்தைக்கு நர்கீஸ் என்று பெயரிடப்பட்டு இருக்கிறது. இந்த குழந்தையின் தாயின் பெயர் வினிதா (வயது 23). தந்தை அஜய் (25) இந்த தம்பதிக்கு நர்கீஸ் முதல் குழந்தை ஆகும். சாதாரண விவசாயியான அஜய், குடிசை வீட்டில்தான் வசித்து வருகிறார்.

இதுகுறித்து அஜய் நிருபர்களிடம் கூறியதாவது:-

எனக்கு பெண் குழந்தை பிறந்து இருப்பதால், அதை நான் வெறுக்க வில்லை. மாறாக நேசிக்கிறேன். இந்த சமுதாயத்தில் அவள் `தேவி' போல வாழ வேண்டும். அவள் டாக்டர் ஆக வேண்டும் என்று விரும்புகிறேன்.

பெண் குழந்தை பற்றி பிரசாரம்

கிராம மக்களை சந்தித்து, பெண் குழந்தைகள் மீது பாசம் காட்ட வேண்டும் என்ற கருத்தை நான் பரப்புவேன். பெண் குழந்தைகளுக்கு உரிய உரிமைகளை நாம் கொடுக்க வேண்டும் என்று எடுத்து கூறுவேன்.

இவ்வாறு அஜய் கூறினார்.

கல்வி இலவசம்

உலகின் 700 கோடியாவது குழந்தையாக நர்கீஸ் பிறந்து இருப்பது பற்றி இந்திய குழந்தைகள் உரிமை அமைப்பின் நிர்வாக டைரக்டர் பாக்கியஸ்ரீ டெங்லே நிருபர்களிடம் கூறியதாவது:-

குழந்தை நர்கீஸ் பிறந்த நேரத்தையொட்டி பிறந்த மேலும் 6 குழந்தைகளுக்கும் சிறப்பு கவுரவம் அளிக்கப்படுகிறது. மொத்தம் 7 குழந்தைகளையும் மல்லிகா சாராபாய், சுனிதா நரைன், அனுஷ்கா சங்கர் தத்து எடுத்து இருக்கிறார்கள். இதன்படி 7 குழந்தைகளுக்கும் 7 ஆண்டுகளுக்கு கல்வி, சமூக உரிமை, உடல் நலம் போன்றவை இலவசமாக கிடைக்கும்.

இந்தியாவில் 1,000 ஆண் குழந்தைகளுக்கு 914 பெண் குழந்தைகள்தான் பிறக்கின்றன. எனவே பெண் சிசு கொலை என்பதை யாரும் மேற்கொள்ளக்கூடாது என்பதை மக்களிடம் பரப்ப வேண்டும்.

இவ்வாறு பாக்கியஸ்ரீ கூறினார்.

ரஷியா-பிலிப்பைன்ஸ்

700-வது கோடி குழந்தை எங்கள் நாட்டில்தான் பிறந்தது என்று ரஷியா அறிவித்து இருக்கிறது. அங்குள்ள பெட்ரோபாவ்லோஸ்விக் காமாசாட்ஸ்கை என்ற ஊரில் அக்டோபர் 31-ந்தேதி நள்ளிரவு இந்த குழந்தை பிறந்து இருப்பதாவும், அந்த ஆண் குழந்தைக்கு அலெக்சாண்டர் என்று பெயரிடப்பட்டு இருப்பதாகவும் அறிவித்து உள்ளது. காலினின்கிரேட் என்ற ஊரிலும் அதேநேரத்தில் ஒரு குழந்தை பிறந்து இருக்கிறது என்றும் ரஷியா கூறி இருக்கிறது.

பிலிப்பைன்ஸ் நாடும், `எங்கள் நாட்டில்தான் 700-வது கோடி குழந்தை பிறந்து இருக்கிறது. அந்த குழந்தைக்கு டேனி சாமே என்று பெயரிட்டு இருக்கிறோம்' என்று அறிவித்து இருக்கிறது.

சீனா முதலிடம்

உலக அளவில் 133 கோடி ஜனத்தொகையை கொண்ட சீனா முதல் இடத்திலும், 110 கோடி ஜனத்தொகை கொண்ட இந்தியா 2-வது இடத்திலும் இருக்கிறது என்பது குறிப்பிடத்தக்கது.

தினதந்தி

dsudhanandan · dsudhanandan Tue Nov 01, 2011 12:04 pm

சிவா wrote:700 கோடியாவது குழந்தை இந்தியாவில் பிறந்தது

லக்னோ, நவ.1- உலகின் மக்கள் தொகை 700 கோடியாக நேற்று உயர்ந்தது. 700 கோடியாவது குழந்தை இந்தியாவில் பிறந்தது.

வாழ்த்துக்கள் :suspect: நடனம்