அழகிய தஞ்சாவூர் பானை

ரதி தேவி வழங்கும் தஞ்சாவூர் பானை

தேவையானப் பொருட்கள்
- பானை
- வெள்ளை பென்சில்
- அரபிக் கம்
- சாக் பவுடர்
- ஃபேப்ரிக் கலர் - கருப்பு, காப்பர்
- முத்து மணிகள் (பீட்ஸ்) - வெள்ளை மற்றும் கோல்டன் கலர்
- ஸ்பாஞ்சு
- பெவிக்கால்
- பாலிதின் பேப்பர்
- பிரஷ்
- கோல்டன் பேப்பர்


*செய்முறை:*


1. தேவையான பொருட்களைத் தயாராய் எடுத்துக் கொள்ளவும். படம் 1ல்
காட்டியுள்ள மாதிரியான பானைதான் பெயிண்டிங் செய்வதற்கு நன்றாக இருக்கும்.
2. முதலில் பானையை சுத்தமான துணியை வைத்து துடைத்துக் கொள்ளவும். அதன்
பிறகு அதில் கருப்பு நிற பெயிண்ட் அடித்து 2 மணிநேரம் காயவைக்கவும்.
3. சாக் பவுடருடன் அரபிக் கம் சேர்த்து தோசைமாவு பதத்தில் கரைத்துக்
கொள்ளவும்.
4. பானையின் மீது அடிக்கப்பட்ட பெயிண்ட் காய்ந்ததும் வெள்ளை நிற பென்சிலை
வைத்து விரும்பிய டிசைனில் வரைந்துக் கொள்ளவும். கரைத்த பேஸ்டை ஒரு பிரஷ்சால்
எடுத்து வரைந்து இருக்கும் டிசைனில் மேலே அப்படியே வைக்கவும். பெயிண்ட்
பண்ணக்கூடாது. பானை முழுவதும் உள்ள டிசைனில் இந்த பேஸ்டை வைத்து 2 மணிநேரம்
காயவைக்கவும். இதன் பெயர் உப்பல் வேலைப்பாடு.
5. பிறகு கலந்து வைத்த பேஸ்டுடன் மேலும் சிறிது சாக் பவுடர் சேர்த்து
சற்று கெட்டியாக கலந்துக் கொள்ளவும். ஒரு பாலித்தின் பேப்பரில் கோன் போல
செய்துக் கொண்டு, இந்த கெட்டியான கலவையை கோனில் வைத்து கோனின் பின்புறம் மடக்கி
பேஸ்ட் வெளியே வராமல் இருக்க பின் பண்ணிக் கொள்ளவும். உப்பல் வேலைப்பாட்டிற்கு
மேல் கோனை வைத்து படம்5ல் கொடுக்கபட்டிற்கும் டிசைனை வரைந்துக் கொள்ளவும
6. பிறகு அதில் கோல்டன் பேப்பரை வைத்து அழுத்தி, அந்த டிசைன் பேப்பரில்
பதிந்த பிறகு எடுத்து அதே டிசைன் அளவிற்கு வெட்டிக் கொள்ளவும். இதே போல் பானை
முழுவதும் இருக்கும் டிசைன் அளவிற்கு எத்தனை பேப்பர் தேவைப்படுமோ அத்தனை
பேப்பர் வெட்டி எடுத்துக் கொள்ளவும்.
7. வெட்டி எடுத்த பேப்பரின் பின்புறம் கம் தடவி டிசைனில் ஒட்டவும். ஒட்டி
கையை வைத்து அழுத்தாமல் ஒரு துணியை வைத்து நன்கு அழுத்தி விடவும்.
8. இதே போல் பானையில் கீழே வரைந்து இருக்கும் டிசைனில் ஒட்டவும். முழுப்
பானையிலும் உள்ள சாக் பவுடர் கோட்டிங் மீது பேப்பரை வைத்து ஒட்டிக் கொள்ளவும்.
9. ஒரு தட்டில் அல்லது ப்ளேட்டில் கருப்பு கலர் மற்றும் காப்பர் கலர்
இரண்டையும் தனித்தனியாக எடுத்துக் கொள்ளவும். ஸ்பாஞ்சால் முதலில் கருப்பு கலரை
தொட்டு பானையின் மேல் புறத்தில் ஒத்தி எடுக்கவும். அதன் பிறகு காப்பர் கலரை
தொட்டுக் கொண்டு அதன் மேலே ஒத்தி எடுக்கவும். கருப்பு கலர் காய்வதற்கு முன்பே
காப்பர் கலரை வைக்கவும்.
10. இதே போல் பானை முழுவதும் வைக்கவும். கோல்டன் பேப்பரில் படாமல்
ஸ்பாஞ்சை ஒத்தி எடுக்கவும். அதன் பிறகு டிசைனின் ஒரத்தில் கருப்பு பெயிண்டால்
பார்டர் வரையவும்.
11. இப்படி செய்வதால் பேப்பரின் ஒழுங்கற்ற ஓரம் தெரியாமல், அழகாக
இருக்கும். எங்கெல்லாம் பேப்பர் ஒட்டியுள்ளதோ அதன் ஓரம் முழுவதும் கறுப்பு
வண்ணம் கொண்டு தீட்டவும்.
12. பார்டர் வரைந்த பிறகு அதன் ஓரங்களில் பெவிக்கால் துளியளவு வைத்து
அதில் மணிகள் ஒட்டவும்.
13. இதே போல் பீட்ஸ் மற்றும் கற்களை உபயோகித்து, விருப்பத்திற்கு
ஏற்றாற் போல் பானையை அலங்கரிக்கவும்.
14. அழகிய தஞ்சாவூர் ஓவியப் பானை தயார். இதனை அப்படியே அலங்காரப் பொருளாக
வைக்கலாம். இதனுள் காகித மலர்களையும் சொருகி வைக்கலாம்.

படம் 1ளில் காட்டியபடின்னு இருக்கு,ஆனா படத்த காணோமே ரேவதி

ரேவதி படம் வரலயே

என்ன படத்தை இணைக்க முடியவில்லை