எஸ்.சி., - எஸ்.டி., பிரிவினருக்கான வி.ஏ.ஓ., ரிசல்ட் வெளியீடு

**ந.கார்த்தி** · **ந.கார்த்தி** Wed Sep 14, 2011 7:58 am

சென்னை :நிறுத்தி வைக்கப்பட்ட, எஸ்.சி., - எஸ்.டி., பிரிவினருக்கான வி.ஏ.ஓ., தேர்வு முடிவுகள் நேற்று வெளியிடப்பட்டது.கிராம நிர்வாக அதிகாரி(வி.ஏ.ஓ.,) பதவியில், 3,484 காலியிடங்களுக்கான தேர்வு, கடந்த பிப்., மாதம் தமிழ்நாடு அரசு பணியாளர் தேர்வாணையம் (டி.என்.பி.எஸ்.சி.,) மூலம் நடத்தப்பட்டது. இத்தேர்வை, 9 லட்சத்து, 51 ஆயிரம் பேர் எழுதினர். மொத்தமுள்ள காலியிடங்களில், 1,077 இடங்கள் எஸ்.சி., - எஸ்.டி., பிரிவினருக்கு ஒதுக்கப்பட்டிருந்தது.கோர்ட் வழக்கு காரணமாக, எஸ்.சி., - எஸ்.டி., பிரிவினருக்கான, 1,077 இடங்களுக்கான முடிவுகள் தவிர, மீதமுள்ள, 2,407 இடங்களுக்கான முடிவுகள், கடந்த ஜூலையில் வெளியிடப்பட்டது. இந்நிலையில், நிறுத்தி வைக்கப்பட்டிருந்த எஸ்.சி., - எஸ்.டி., பிரிவினருக்கான தேர்வு முடிவுகளை, தமிழ்நாடு அரசுப் பணியாளர் தேர்வாணையம் நேற்று வெளியிட்டது.தேர்வு முடிவுகளை,www.tnpsc.gov.in' என்ற இணையதளம் மூலம் அறிந்து கொள்ளலாம்.
நன்றி தினமலர்