இதை எப்படி எழுதுவது?...

**rameshnaga** · **rameshnaga** Sun Sep 04, 2011 11:47 am

First topic message reminder :

இந்தக் காதலைப் பற்றி எழுதுவதில் -
ஏனோ எனக்கு சலிப்பாகி விட்டது.

எனக்கென்னவோ-
காதல் என்பது ....
இருபது வயதிற்குள்ளும்...
அறுபது வயதிற்குமேலும்...
வந்து போகிற விஷயமாகத்தான் படுகிறது.

இடைக்காலத்தில்-
"காதல்"-வியாபாரமாகி விடுகிறது.
இரண்டு மாடுகள்...
ஒற்றை வண்டியை குடைசாயாமல்...
இழுத்துச் செல்லும் புத்திசாலித்தனம்தான் தெரிகிறது அதில்.

அதனால்தான்-
இடைக்காலத்தில் இல்லாத காதலை
எத்தனை தூரம் மாய்ந்து...மாய்ந்து...எழுதுவது
என்று நான் நினைத்தது.

சரி...விட்டு விடலாம்..என நினைத்து..
என் வீட்டு மாடியிலிருந்து
எதிர் மரத்தடியைப் பார்த்த போது...
அங்கே..ஒரு ஆணும்..பெண்ணும்...

இந்த உலகையே மறந்த நிலையில்....
மழை தெரியாது...வெயில் தெரியாது...
மரக்கிளையில் அமர்ந்திருந்த
குருவிகளும்..காகங்களும்
தங்களையே பயத்துடன் நோக்குவது அறியாது...
சிரித்துக் கொண்டிருந்ததை..

நான்-எந்த வார்த்தைகளால் எழுதுவது?