மேற்கு இந்தியத் தீவுகளுக்கு இந்திய கிரிக்கெட் அணி கிளம்பியது

மும்பை: மேற்கு இந்தியத் தீவுகள் கிரிக்கெட் தொடரில் பங்கேற்பதற்காக இந்திய அணி கிளம்பிச் சென்றது.

சுரேஷ்
ரெய்னா தலைமையிலான இந்திய அணி ஒரு டுவென்டி 20 போட்டி மற்றும் ஐந்து ஒரு
நாள் போட்டிகள் கொண்ட தொடரில் பங்கேற்கிறது. ஜூன் 4ம் தேதி இந்த போட்டித்
தொடர் தொடங்குகிறது.

இந்த அணியில் டோணி, சச்சின் டெண்டுல்கர் போன்ற
மூத்த வீரர்கள் இடம் பெறவில்லை. நிறைய இளம் வீரர்களுடனும், நிறைய
நம்பிக்கையுடனும் ரெய்னா தலைமையிலான இந்திய அணி மேற்கு இந்தியத்
தீவுகளுக்குக் கிளம்பிச் சென்றுள்ளது.

மும்பை சத்ரபதி சிவாஜி விமான
நிலையத்திலிருந்து ரெய்னா தலைமையில் இந்திய வீரர்கள் லண்டன் வழியாக
பார்படாஸ் செல்லும் விமானத்தில் இன்று அதிகாலை 2.30 மணிக்குப் புறப்பட்டுச்
சென்றனர்.

ஜூன் 4ல் டுவென்டி 20 போட்டி

இந்தியா
மேற்கு இந்தியத் தீவுகள் அணிக்கு இடையிலான டுவென்டி 20 போட்டி ஜூன் 4ம்
தேதி நடைபெறுகிறது. டிரினிடாடில் இப்போட்டி நடக்கிறது.

ஜூன் 6 முதல் ஒரு நாள் போட்டித் தொடர்

ஜூன்
6ம் தேதி ஒரு நாள் போட்டித் தொடர் தொடங்குகிறது. அன்றைய தினம்
டிரினிடாடில் முதல் போட்டி நடக்கிறது. 8ம் தேதி டிரினிடாடில் 2வது
போட்டியும், 11ம் தேதி ஆன்டுகுவாவில் 3வது போட்டியும், 13ம் தேதி
ஆன்டிகுவாவில் 4வது போட்டியும், 16ம் தேதி ஜமைக்காவில் 5வது போட்டியும்
நடைபெறும்.

ஜூன் 20ல் டெஸ்ட் தொடர்

ஜூன்
20ம் தேதி டெஸ்ட் தொடர் தொடங்குகிறது. 20ம் தேதி முதல் 24ம் தேதி வரை
ஜமைக்காவில் முதல் டெஸ்ட் போட்டியும், 29ம் தேதி முதல் ஜூலை 2ம் தேதி வரை
பார்படாஸில் 2வது டெஸ்ட் போட்டியும், ஜூலை 6 முதல் 10ம் தேதி வரை
டொமினிகாவில் 3வது டெஸ்ட் போட்டியும் நடைபெறும்.

ஒருநாள் மற்றும்
டுவென்டி 20 போட்டிகளில் கலந்து கொள்ளும் இந்திய அணியில் டோணி உள்பட 9
முக்கிய வீரர்கள் இடம் பெறவில்லை என்பது குறிப்பிடத்தக்கது.

டோணி தவிர சச்சின், ஜாகிர்கான், கெளதம் கம்பீர், வீரேந்திர ஷேவாக், ஆசிஷ் நெஹ்ரா, யுவராஜ் சிங் ஆகியோரும் ஓய்வளிக்கப்பட்டுள்ளனர்.

ஸ்ரீசாந்த், பியூஷ் சாவ்லா ஆகியோர் நீக்கப்பட்டுள்ளனர்.

இருப்பினும்
டோணியும், ஜாகிர்கானும் டெஸ்ட் போட்டிகளில் கலந்து கொள்வார்கள். இவர்கள்
தவிர விவிஎஸ் லட்சுமண், முரளி விஜய், அபினவ் முகுந்த், ராகுல் டிராவிட்,
ஸ்ரீசாந்த் ஆகியோரும் டெஸ்ட் அணியில் சேர்க்கப்பட்டுள்ளனர்.

இந்தியா
கடைசியாக கடந்த 2006ம் ஆண்டு ராகுல் டிராவிட் தலைமையில் மேற்கு இந்தியத்
தீவுகளில் சுற்றுப்பயணம் மேற்கொண்டு, நான்கு டெஸ்ட் போட்டிகளைக் கொண்ட
தொடரில் ஒரு போட்டியில் வென்று மற்றவற்றை டிரா செய்து தொடரை வென்று சாதனை
படைத்தது. 35 ஆண்டுகளுக்குப் பின்னர் இந்தியா மேற்கு இந்தியத் தீவுகளில்
பெற்ற டெஸ்ட் தொடர் வெற்றி அது என்பது குறிப்பிடத்தக்கது.

ஆனால் ஒரு நாள் போட்டித் தொடரில் 1-4 என்ற கணக்கில் படு தோல்வியைச் சந்தித்தது.

உலகக்
கோப்பை வெற்றி மற்றும் ஐபிஎல் தொடரில் கிடைத்த அதிரடி அனுபவங்களின்
பினனணியில் மேற்கு இந்தியத் தீவுகளுக்கு பெரும் நம்பிக்கையுடன் இந்திய
வீரர்கள் பயணமாகியுள்ளனர்.

உலகக் கோப்பையை வென்ற பின்னர்,
சாம்பியனாக, இந்தியா கலந்து கொள்ளும் முதல் சர்வதேச கிரிக்கெட் தொடர் இது
என்பது குறிப்பிடத்தக்கது. எனவே ரசிகர்களிடம் எதிர்பார்ப்புகள் பலமாகவே
உள்ளது.

இந்திய அணி விவரம்

ஒரு நாள்-டுவென்டி 20 போட்டித் தொடர்:

சுரேஷ்
ரெய்னா (கேப்டன்), ஆர்.அஸ்வின், பத்ரிநாத், ஹர்பஜன் சிங், விராத் கோலி,
பிரவீன் குமார், அமித் மிஸ்ரா, முனாப் படேல், பார்த்திவ் படேல், யூசுப்
பதான், விருத்திமான் சாஹா, இஷாந்த் சர்மா, ரோஹித் சர்மா, வினய் குமார்,
மனோஜ் திவாரி, ஷிகார் தவன்.

டெஸ்ட் போட்டி:

எம்.எஸ்.டோணி
(கேப்டன்), வி.வி.எஸ். லட்சுமண் (துணை கேப்டன்), முரளி விஜய், அபினவ்
முகுந்த், ராகுல் டிராவிட், விராத் கோலி, பத்ரிநாத், ஹர்பஜன் சிங், இஷாந்த்
சர்மா, ஸ்ரீசாந்த், அமித் மிஸ்ரா, பிரக்யான் ஓஜா, ஜாகிர்கான், முனாப்
படேல், சுரேஷ் ரெய்னா, பார்த்திவ் படேல்.
தட்ஸ் தமிழ்

கரீபிய மண்ணில் இளம் இந்தியா அணி சாதிக்க வாழ்த்துக்கள்....

புதிய தலைவர்,புதிய பயிற்சியாளர்,புதிய வீரர்கள் பிரமாதம்...
இளஞ்சிங்களின் கனவு பயனம் இனிதே நிறைவேறட்டும் வாழ்த்துக்கள்...

இந்தியா அணி சாதிக்க வாழ்த்துக்கள்
ஜெயகுமார்