ஏர் ஏசியா நிகர ஆதாயம் குறைவான அந்நியச் செலாவணி லாபத்தினால் வீழ்ச்சி அடைந்துள்ளது

**சிவா** · **சிவா** Thu May 26, 2011 1:15 pm

தென் கிழக்காசியாவில் குறைந்த கட்டண விமானப் பயணத்தை முதலில் அறிமுகம் செய்த ஏர் ஏசியா நிறுவனத்தின் இவ்வாண்டு முதல் கால் பகுதிக்கான நிகர ஆதாயம் அதற்கு முந்திய காலண்டுடன் ஒப்பிடுகையில் 23 விழுக்காடு சரிந்துள்ளது.

அதற்கு அதிகரித்துள்ள எண்ணெய் விலைகள் காரணம் எனக் கூறுவதை விட குறைவான அந்நியச் செலாவணி லாபம் காரணம் என்பதே பொருத்தமானதாகும்.

இவ்வாண்டு மார்ச் 31 முடிந்த காலாண்டில் தன் நிகர ஆதாயம் 171.9 மில்லியன் ரிங்கிட் ஆகும். அதற்கு முந்திய காலாண்டில் கிடைத்த நிகர ஆதாய அளவு 224.1 மில்லியன் ரிங்கிட் ஆகும்.

ஏர் ஏசியா நிறுவனம் இன்று விடுத்த ஒர் அறிக்கையில் அந்த விவரங்களைத் தெரிவித்தது.

அந்த விமான நிறுவனம் இவ்வாண்டு முதல் மூன்று மாதங்களில் 1.05 பில்லியன் ரிங்கிட் வருமானத்தைப் பெற்றது. அது முந்திய மூன்று மாத வருமானமான 870.6 மில்லியன் ரிங்கிட்டுடன் ஒப்பிடுகையில் 20விழுக்காடு ஏற்றத்தைக் குறித்தது.

“எண்ணெய் விலைகள் அதிகமாக இருந்த போதிலும்” தமது விமான நிறுவனத்தின் அடைவு நிலை மிகச் சிறப்பாக இருந்ததாக அதன் குழுமத் தலமை நிர்வாகி டோனி பெர்னாண்டஸ் கூறினார்.

“இதில் முக்கியமான அம்சம், ஆண்டு அடிப்படையில் பார்க்கும் போது எங்களுடைய நடைமுறை ஆதாய விகிதம் அதிகரித்துள்ளதாகும். வருமானம் கூடும் வேளையில் செலவுகளில் நாங்கள் மிகவும் கவனமாக இருக்கிறோம் என்பதை அது காட்டுகிறது.”

ஆண்டு அடிப்படையில் அதன் நடைமுறை ஆதாயம் 46 விழுக்காடு கூடி 241.72 ஆக இருந்தது. ஆதாய விகிதம் 23 விழுக்காடு ஆகும். இது முந்திய ஆண்டை விட மூன்று விழுக்காடு அதிகமாகும்.

“ஆம். எரிபொருள் விலைகள் கூடியுள்ளன- ஆனால் அது நமது கட்டுப்பாட்டில் இல்லை.”
ஏர் ஏசியா நிகர ஆதாயம் குறைவான அந்நியச் செலாவணி லாபத்தினால் வீழ்ச்சி அடைந்துள்ளது Air-Asia1

ஏர் ஏசியா நிகர ஆதாயம் குறைவான அந்நியச் செலாவணி லாபத்தினால் வீழ்ச்சி அடைந்துள்ளது Air-Asia1

“அதற்காக நாம் கைகளை மடக்கி வைத்துக் கொண்டு ஒப்பாரி வைக்கக் கூடாது. நமது திறனைப் பயன்படுத்தி அந்தச் சவாலைச் சமாளிப்பதற்கான வழிகளைக் காண வேண்டும்.”

பயணிகள் எண்ணிக்கையை அதிகரிக்க

“முதல் காலாண்டு முடிவுகள் நாங்கள் சரியான பாதையில் சென்று கொண்டிருப்பதைக் காட்டுகின்றன”, என டோனி பெர்னாண்டஸ் குறிப்பிட்டார்.

ஜெட் எரிபொருள் விலைகள் பெருமளவு அதிகரித்ததைத் தொடர்ந்து ஏர் ஏசியா இம்மாதம் எரிபொருள் மிகைக் கட்டணத்தை விதிக்கத் தொடங்கியது. ஏப்ரல் மாதம் ஒரு பீப்பாய் எண்ணெய் விலை125 அமெரிக்க டாலரை எட்டியது. அது 32 மாதங்களில் இல்லாத விலை ஆகும். அந்த விலை கடந்த வாரம் 100 டாலருக்குச் சரிந்தது.

கட்டணங்களை குறைவாக வைத்துக் கொண்டு பயணிகள் எண்ணிக்கையை அதிகரிப்பதே இவ்வாண்டு எஞ்சியுள்ள காலத்துக்கு ஏர் ஏசியாவின் நோக்கமாக இருக்கும் என டோனி பெர்னாண்டஸ் குறிப்பிட்டார்.

இவ்வாண்டு பிற்பகுதிக்கான தனது எரிபொருள் தேவையில் 17 விழுக்காட்டை ஏர் ஏசியா உறுதி செய்திருப்பதாகவும் அவர் கூறினார்.

மலேசியாஇன்று

ஏர் ஏசியா நிகர ஆதாயம் குறைவான அந்நியச் செலாவணி லாபத்தினால் வீழ்ச்சி அடைந்துள்ளது

ஏர் ஏசியா நிகர ஆதாயம் குறைவான அந்நியச் செலாவணி லாபத்தினால் வீழ்ச்சி அடைந்துள்ளது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக