என் எழுதுகோலின் அலங்காரம்

D.SABARINATHAN · D.SABARINATHAN Thu Feb 17, 2011 12:07 am

அவள்-
வாதாடல் இல்லாத
உரையாடல் கற்பித்தவள்!

அவள்-
வெறுமையான
என் மனவிலாசத்திற்கு
புன்னகை கடிதம் எறிந்தவள்!

அவள்-
தூரிகையான என்னுள்
வண்ணமாய் வந்து கனவு ஓவியம் வரைபவள்!

கடற்கரை மணலாய்
என் புத்தகங்களை
சலித்துபார்கிறேன்-
மீதியிருப்பது பாசியல்ல,
உனக்காக எழுதப்பட்ட கடிதாசி!
அது கிளிஞ்சளல்ல,
உன் பார்வை தாக்குதலில் கிழித்தெறியப்பட்ட
என் மனதில் ஒழுகும்
காதலின் ஓட்டம்!
அது காகிதமல்ல,
காதல் கனவெழுத்து முத்தங்களின்
சுவடு இருக்கும் கன்னங்கள்!
அது நான்மட்டும்
தெரிந்து மறைத்துவைக்கும்
பொக்கிஷம்!

ஒரு வேண்டுகோள்
என் மேகப்பெண்ணே,
என்னுள் நீ காதல் மழை
பொழியவேன்டாம்;
காற்றாய் மாறி
நினைவுமேகம் கலை;
என் லட்சிய நட்சத்திரங்கள்
பிரகாசிக்கட்டும்!

**சிவா** · **சிவா** Thu Feb 17, 2011 12:09 am

//ஒரு வேண்டுகோள்
என் மேகப்பெண்ணே,
என்னுள் நீ காதல் மழை
பொழியவேன்டாம்;
காற்றாய் மாறி
நினைவுமேகம் கலை;
என் லட்சிய நட்சத்திரங்கள்
பிரகாசிக்கட்டும்! //

மிகவும் அருமை சபரி! என் எழுதுகோலின் அலங்காரம் 154550