ராஜிவ் கொலையை நியாயப்படுத்துவதா? சீமான், அமீர் பேச்சுக்கு காங்கிரஸ் கண்டனம்

சென்னை, அக். 22- இந்திரா, ராஜிவ் ஆகியோரை கொச்சைப்படுத்தியும் விடுதலைப் புலிகளை புகழ்ந்தும் பேசிய திரைப்பட இயக்குனர்கள் சீமான், அமீர் ஆகியோரை தமிழக காங்கிரஸ் கடுமையாக கண்டித்துள்ளது. அக்கட்சியின் தமிழக தலைவர் தங்கபாலு இது தொடர்பாக விடுத்த அறிக்கையில் கூறி இருப்பதாவது: இலங்கை தமிழர் பிரச்னைக்கு தீர்வு காண இந்திரா காந்தி காலத்தில் தொடங்கி, ராஜிவ் காந்தி காலம்வரை மத்திய அரசு எடுத்த முயற்சிகள் ஏராளம். இலங்கை தமிழர் வாழ்வில் புதிய அத்தியாயத்தை உருவாக்க ராஜிவ் - ஜெயவர்த்தனே ஒப்பந்தம் உருவாக்கி செயல்படுத்த முனைந்தபோதுதான் தமி௞னத் துரோகிகளால் ராஜிவ் படுகொலை செய்யப்பட்டார். கொலைகார விடுதலைப் புலிகளையும், அந்த கொலையை நியாயப்படுத்தி பேசும் கொடுமையாளர்களையும் உண்மையான காங்கிரஸ்காரனால் மன்னிக்கவே முடியாது; மறக்கவும் முடியாது. இலங்கை போரில் சிக்கித் தவிக்கும் அப்பாவி மக்களை காப்பாற்ற தமிழக அரசும், மத்திய அரசும் பல வ௞களில் முயற்சி எடுத்து வருகின்றன. இந்த நேரத்தில், இந்தியாவில் தடைசெய்யப்பட்ட பயங்கரவாத இயக்கமான் விடுதலைப் புலிகள் அமைப்பை ஆதரித்தும், பாராட்டியும் பேசுபவர்களை தமிழ் இனம் மட்டுமல்ல, எந்த ஒரு சமூகமும் அங்கீகரிக்காது. ராஜிவ் இழப்புக்கு காரணமான கொலை வெறியர்களின் துதிபாடிகளை வன்மையாக கண்டிக்கிறேன். இந்திய மண்ணில் இதுபோன்ற வன்செயல் ஆதரவாளர்களுக்கு இடம் அளிப்பதை மத்திய, மாநில அரசுகள் ஆதரிக்க முடியாது. ராமேஸ்வரத்தில் சீமான், அமீர் போன்றவர்கள் பேசும் போது, மத்திய அரசையும், இலங்கை தமிழர்களுக்கு பாதுகாப்பு அரணாக இருந்த இந்திரா காந்தி, ராஜிவ் காந்தி ஆகியோரை கொச்சைப்படுத்தியும், ராஜிவ் கொலைக்கு நியாயம் கற்பித்தும் பேசியிருப்பதை காங்கிரஸ் வன்மையாக கண்டிக்கிறது. சட்ட விரோதமான அந்த வன்முறை பேச்சை, தமி௞ன துரோகிகளின் அந்த நிலைப்பாட்டை தடுத்து நிறுத்த வேண்டியது தமி௞ன உணர்வாளர்களின் கடமை. தமிழ் மக்களின் வாழ்வுரிமையை பெற்றுத் தரும் சக்தி, இந்திய அரசுக்கு மட்டுமே உண்டு. வெறும் வாய் சவடால் பேசும் வம்பர்களுக்கு அந்த தகுதியும், உரிமையும் கிடையாது. அவர்களால் தமிழர்களை காப்பாற்ற முடியாது. இவ்வாறு தங்கபாலு கூறியுள்ளார்.