பெண்ணுக்குள் பூகம்பம்

வினுப்ரியா · வினுப்ரியா Sat Oct 23, 2010 9:54 pm

பெண்ணுக்குள் பூகம்பம்

பெண்ணுடல் படைப்பால் மெல்லினம்
உள்ளத்தின் உறுதியால் வல்லினம்
உயிர்களிலே பெண் தானே
உயர்வான உயிரினம்

அம்மா எனும் பிரம்மா
ஆலயம் இல்லா ஆன்மா
கர்ப்ப கிரகம் கோயிலில் மட்டுமல்ல
பெண்ணுக்குள்ளும் உண்டென்பதால்
பெண்டிரே ஆலயம்
பெண்மையே தெய்வம்

பூவுக்குள்ளே பூகம்பம்
காரணமோ ஆணினம்
பூட்டெதற்கு இனிமேல்
வேட்டு வைத்தால்
வெடிக்கத்தானே செய்யும்

குடிகாரன்
தன்னிலை விளக்கம் தருகிறான்
தாங்க முடியாத சோகத்தை
வாங்கிக் கொள்கிறதாம்
வசியச் சரக்கு

பெண் தினமும்
பிரச்சினைகளைக் குடிக்கிறாள்
வலிகளைத் தின்கிறாள்
முட்களில் நடக்கிறாள்
நெருப்பில் குளிக்கிறாள்

ஆடவரின் நாவினால்
நரபலி இடப்படுகிறாள்
ஆணாதிக்கத்தின்
அலைகடலில் மூச்சடக்கி
மூழ்கி மூழ்கி எழுகிறாள்

பூமியைப் போலத்தான்
பெண்ணினம்
சாஸ்திரம் எனும் வெட்டுதல்
சம்பிரதாயம் எனும் தோண்டுதல்
மூட நம்பிக்கை எனும் குடைதல்

அமைதியாக வாங்கினாள்
அடிபணிந்து சகித்தாள்
தியாகமாய்த் தாங்கினாள்
முடியவில்லை ! முடியவில்லை !
மூச்சுத் திணறினாள்

துடித்தாள்
துவண்டாள்
சதியில் மாட்டியவள் சாபமிட்டாள்
விதியால் வீழ்த்தப்பட்டவள்
வெகுண்டெழுந்தாள்

குட்ட குட்ட குனிந்தவள் - விண்
முட்ட முட்ட நிமிர்ந்தாள்
எட்டி எட்டி மிதித்தவர்கள் - கை
தட்டும்படி உயர்ந்தாள்

அவள் உடலில்
உண்டான காயங்களெல்லாம்
பூமிக்குள் போனதோ?
பூகம்பமாய் வெடித்ததோ?

கண்ணுக்குள் கொதித்த
கனலெல்லாம்
கதிரவனில் கலந்ததோ?
எரிமலையாய்ப் பொங்கியதோ?

உயிருக்குள் உலை கொதித்து
கடல் அலையில் கலந்ததோ?
சுனாமியாய் எழுந்ததோ?
சூறாவளியாய்ச் சுழன்றடித்ததோ?

இயற்கையும் பெண்ணும்
இரட்டைப் பிறவிகள் தானே
இனியொரு பூகம்பம்
இனியொரு சுனாமி
இனியும் வேண்டுமா?

சாந்தியாக்கு
பெண்ணை சாந்தியாக்கு
உயர்வாக்கு
பெண்மையை
கை கூப்பி உயர்வாக்கு

உலகம் உயரும்
உயிர்கள் செழிக்கும்
நாடும் வீடும் சிறக்கும்
நல்லதே இனி நடக்கும்.

[கவிதை போட்டிக்காக நான் பதிவிட்ட கவிதை .மீண்டும் என் நண்பர்களின் பார்வைக்காக
இங்கே பதிவிடுகிறேன் ]

கலைவேந்தன் · கலைவேந்தன் Sat Oct 23, 2010 10:54 pm

பெண்ணென்பவள் சக்தியின் வடிவம்..
அவளே இவுலகின் நிலையான படிமம்..
கண்ணாய் அவளிந்த பூமிக்கு வெளிச்சமாய்..
மண்ணாய் இந்த பூமிக்கு வாழ்வதுவாய்..
அத்தகு பெண்ணுக்கு அற்புதக்கவிதை...!

பாராட்டுக்கள் வினு...!

பின்னால் மீண்டும் விரிவான விமரிசனமளிப்பேன்..!

தேனி சூர்யாபாஸ்கரன் · 09/06/2010

கவிதையை படித்தேன்...
புரட்சிக் கவிதை இது..
பாரதியின் புதுமை பெண்...
வரிகளில் வந்து குடிபுகுந்துள்ளாள்.
பெண் என்பவள் பிரபஞ்சம்
என்பதை பெரிய கூச்சலிட்டு
சொல்கிறது...அருமை....
வாழ்த்துக்கள்....தோழி.

பெண்ணுக்குள் பூகம்பம் 154550

செய்தாலி · செய்தாலி Sun Oct 24, 2010 11:25 am

"பெண்ணுக்குள் பூகம்பம்" வரிகள் பெண்ணியம்

பெண்மையின் உணர்வுகளை பெண்மைகள்
ஊருக்கு சொல்லவேண்டும் வெளிப்பாட்டில் தான்
பெண்மையின் உன்னதம் ஆண்மைகள் உணர்வார்கள்
உங்கள் வரிகள் அதை உணர்த்துகிறது

பெண்மையை போற்றுவோம்
அ .செய்யது அலி

balakarthik · balakarthik Sun Oct 24, 2010 2:44 pm

வினுப்ரியா wrote:அம்மா எனும் பிரம்மா
ஆலயம் இல்லா ஆன்மா
கர்ப்ப கிரகம் கோயிலில் மட்டுமல்ல
பெண்ணுக்குள்ளும் உண்டென்பதால்
பெண்டிரே ஆலயம்
பெண்மையே தெய்வம்

மிக அருமையாக கூறினீர்கள் அக்கா மிக மிக அருமை மகிழ்ச்சி

**அருண்** · **அருண்** Sun Oct 24, 2010 2:54 pm

பெண்ணுக்குள் பூகம்பம்" அருமையாக வெடித்திருக்கிறது...அக்கா... மகிழ்ச்சி

வினுப்ரியா · வினுப்ரியா Sun Oct 24, 2010 3:47 pm

arun_vzp wrote:பெண்ணுக்குள் பூகம்பம்" அருமையாக வெடித்திருக்கிறது...அக்கா...

நன்றி தம்பி

வினுப்ரியா · வினுப்ரியா Sun Oct 24, 2010 3:50 pm

balakarthik wrote:
வினுப்ரியா wrote:அம்மா எனும் பிரம்மா
ஆலயம் இல்லா ஆன்மா
கர்ப்ப கிரகம் கோயிலில் மட்டுமல்ல
பெண்ணுக்குள்ளும் உண்டென்பதால்
பெண்டிரே ஆலயம்
பெண்மையே தெய்வம்

மிக அருமையாக கூறினீர்கள் அக்கா மிக மிக அருமை

மிகவும் நன்றி தம்பி

வினுப்ரியா · வினுப்ரியா Sun Oct 24, 2010 3:52 pm

syedali wrote:"பெண்ணுக்குள் பூகம்பம்" வரிகள் பெண்ணியம்

பெண்மையின் உணர்வுகளை பெண்மைகள்
ஊருக்கு சொல்லவேண்டும் விளிப்பாட்டில்தான்
பெண்மையின் உன்னதம் ஆண்மைகள் உணர்வார்கள்
உங்கள் வரிகள் அதை உணர்த்துகிறது

பெண்மையை போற்றுவோம்
அ .செய்யது அலி

நன்றி .செய்யது அலி

**Aathira** · **Aathira** Sun Oct 24, 2010 3:54 pm

ஆதியில் கைகூப்பி பேண்ணை வணங்கியவன் தான் இடைக்காலத்தில் இப்படி ஏளனம் செய்யத் தலைப்பட்டான். அருமையான கவிதையைத் தந்த வினுபிரியாவுக்கு விண்ணளவு நன்றி.. பெண்ணுக்குள் பூகம்பம் 678642