திருப்பதி லட்டு தரத்தை கண்காணிக்க குழு

கார்த்திக் · கார்த்திக் Thu Sep 30, 2010 2:38 pm

திருப்பதி கோவிலில் பக்தர்களுக்கு வழங்கப்படும் லட்டு பிரசாதத்தின் தரம், சுவை, எடையைக் கண்காணிக்க, புதியதாக 20 மேற்பார்வையாளர்களை திருப்பதி தேவஸ்தானம் நியமனம் செய்துள்ளது.

லட்டு பிரசாதத்தை தயாரிக்க பூந்தியை கலவை செய்யும் இடத்தில் தனிக் கவனம் செலுத்துவதற்காக இவர்கள் நியமிக்கப்பட்டுள்ளனர்.

தினமும் லட்டு தயாரிக்கும் நேரங்களில் லட்டுக்கு தேவையான அளவு பூந்தி, நெய், முந்திரி, திராட்சை, சர்க்கரை போன்ற பொருள்களை நேர்த்தியான முறையில் உபயோகப்படுத்தப்படுகிறதா என்பதை துல்லியமாகக் கவனிக்கவும் இவர்களுக்கு உத்தரவிடப்பட்டுள்ளது.

பக்தர்களுக்கு 25 ரூபாய்க்கு விற்கப்படும் லட்டுவின் எடை குறைவாக உள்ளது எனவும், மேலும் பாதியளவு உடைந்து போன லட்டுகளை, கவுன்டர் ஊழியர்கள் பலவந்தமாக திணித்து விடுவதாகவும், பக்தர்களிடமிருந்து தேவஸ்தான நிர்வாகத்திற்கு ஏராளமான புகார்கள் வந்தன.

இதையடுத்து, லட்டு தயாரிக்கும் இடத்திலும் கவுன்டர் அருகிலும் கண்காணிப்பை அதிகாரிகள் தீவிரப்படுத்தியுள்ளனர். லட்டுவின் எடை ஐந்து கிராம் கூடுதலாக இருந்தாலும் பரவாயில்லை; தரத்தைக் குறைக்க வேண்டாம் என, லட்டு தயாரிக்கும் ஊழியர்களுக்கு தெரிவிக்கப்பட்டுள்ளதாக அதிகாரிகள் தெரிவித்தனர்.

**V.Annasamy** · **V.Annasamy** Thu Sep 30, 2010 2:41 pm

//பக்தர்களுக்கு 25 ரூபாய்க்கு விற்கப்படும் லட்டுவின் எடை குறைவாக உள்ளது எனவும், மேலும் பாதியளவு உடைந்து போன லட்டுகளை, கவுன்டர் ஊழியர்கள் பலவந்தமாக திணித்து விடுவதாகவும், பக்தர்களிடமிருந்து தேவஸ்தான நிர்வாகத்திற்கு ஏராளமான புகார்கள் வந்தன//

உண்மையே.

தகவலுக்கு நன்றிகள்.

அன்பு மலர்

திருப்பதி லட்டு தரத்தை கண்காணிக்க குழு

திருப்பதி லட்டு தரத்தை கண்காணிக்க குழு

Re: திருப்பதி லட்டு தரத்தை கண்காணிக்க குழு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக