இன்னும் சில மணி நேரத்தில் அயோத்தி தீர்ப்பு: நாடெங்கிலும் உஷார்!

நவீன் · நவீன் Thu 30 Sep 2010 - 15:35

First topic message reminder :

இன்னும் சில மணி நேரத்தில் அயோத்தி தீர்ப்பு: நாடெங்கிலும் உஷார்! - Page 2 Tamil-news-paper-440

லக்னோ : அயோத்தியில் சர்ச்சைக்குரிய இடம் யாருக்கு சொந்தம் என்ற வழக்கில், அலகாபாத் உயர்நீதிமன்றம் இன்னும் சில மணி நேரத்தில் தீர்ப்பு கூறவுள்ளது.இதையொட்டி, நாடு முழுவதும் உஷார்படுத்தப்பட்டுள்ளது. உத்தரப் பிரதேசமாநிலம் அயோத்தியில் உள்ள சர்ச்சைக்குரிய இடம், சன்னி மத்திய வக்புவாரியத்துக்கு சொந்தமா அல்லது அகில பாரதிய இந்து மகாசபைக்கு சொந்தமாஎன்பது தொடர்பான வழக்கில் அலகாபாத் உயர் நீதிமன்றம் இன்று மாலை 3.30மணிக்கு தீர்ப்பு அளிக்கிறது. இது யாருக்கு சாதகமாக இருந்தாலும், கலவரம்வெடிக்கும் அபாயம் உள்ளது. எனவே, முன்னெச்சரிக்கையாக நாடு முழுவதும் பலத்தபாதுகாப்பு ஏற்பாடு செய்யப்பட்டுள்ளது.

அலகாபாத் உயர்நீதிமன்றம், தீர்ப்பு அளிக்கும் 3 நீதிபதிகள் மற்றும் அவர்களின்வீடுகளுக்கு பலத்த பாதுகாப்பு போடப்பட்டுள்ளது. நீதிமன்ற ஊழியர்கள்,வழக்கறிஞர்கள், பொதுமக்கள், செய்தி சேகரிக்க குவியும் பத்திரிகையாளர்கள்நீதிமன்றத்துக்குள் நுழைய கடும் கட்டுப்பாடுகள் விதிக்கப்பட்டுள்ளன.ஏற்கனவே ஆயிரக்கணக்கானோர் கைது செய்யப்பட்டு, சிறையில்அடைக்கப்பட்டுள்ளனர்.

தீர்ப்பு கூறியதும், உத்தரப் பிரதேசத்தில்கலவரம் வெடிக்கலாம் என்ற அச்சம் உள்ளதால், மாநிலம் முழுவதும் 2 லட்சம்போலீசாரும், மத்திய படையினரும் குவிக்கப்பட்டுள்ளனர்.
இதே போல்,மும்பை, டெல்லி உள்பட முக்கிய மாநகரங்களிலும், வன்முறை வெடிக்கும் அபாயம்உள்ள 36 இடங்களிலும் அதிக பாதுகாப்பு போடப்பட்டுள்ளன. இந்த 36 இடங்களில்கோவையும் ஒன்று. அதனால் கோவைக்குள் நுழையும் அனைத்து வாகனங்களும் நேற்றுமுதல் பலத்த சோதனைக்கு பின்பே அனுமதிக்கப்படுகின்றன. நகரில் மூன்றடுக்குபாதுகாப்பு ஏற்பாடு செய்யப்பட்டுள்ளது. தமிழகத்தின் மற்ற பகுதிகளிலும்வழிபாட்டு தலங்கள், பஸ் ஸ்டாண்ட், ரயில் நிலையங்கள் உள்பட மக்கள் கூடும்இடங்களில் பாதுகாப்பு பலப்படுத்தப்பட்டுள்ளது.

லாரிகள் ஓடாது:தமிழகத்தில் ஒன்றரை லட்சம் லாரிகள் இயக்கப்படுகின்றன. இவற்றில் 70 சதவீதம்வெளிமாநிலங்களுக்கு இயக்கப்படுகிறது. மத்திய பிரதேசம், உத்தரபிரதேசம்போன்ற மாநிலங்கள் வழியாகவும், தமிழக லாரிகள் சரக்குகளை கொண்டு செல்கின்றன.அயோத்தி வழக்கில் தீர்ப்பு வெளிவருவதால் இன்று மதியம் 12 மணி முதல் நாளைகாலை 6 மணி வரை லாரிகளை இயக்க மாட்டோம் என தமிழக லாரி உரிமையாளர்கள்சம்மேளன தலைவர் நல்லதம்பி கூறியுள்ளார்.

வான்வெளி கண்காணிப்பு

அயோத்திவழக்கில் கடந்த 24ம் தேதி தீர்ப்பு கூறப்படுவதாக முதலில்அறிவிக்கப்பட்டிருந்தது. அன்று அயோத்தி முழுவதும் ஹெலிகாப்டர் மூலம்கண்காணிக்கப்பட்டது. இந்த முறை, அயோத்தி மட்டுமின்றி லக்னோ, வாரணாசி,மதுரா நகரங்களிலும் விமானம், ஹெலிகாப்டர் மூலம் 24 மணி நேரமும்காண்காணிக்க ஏற்பாடு செய்யப்பட்டுள்ளது. இதற்காக, அகஸ்டா, பெல்ஹெலிகாப்டர்களும், 8 இருக்கைகள் கொண்ட சிறிய ரக விமானங்களும்பயன்படுத்தப்படுகின்றன. ஹெலிகாப்டர்களில் ஒரு கால்பந்து மைதானம் அளவுக்குவெளிச்சத்தை பாய்ச்சக் கூடிய அதிக சக்தியுள்ள காண்காணிப்பு விளக்குகள்பொருத்தப்பட்டுள்ளன.